طبعاً .. وقبل ذِكر السؤال .. احب ان انوه بأني غشيم وعليمي بالقارمن وغيره من اجهزة تحديد المواقع . لكن من كثر ما اضيع دربي بطلعات البر وابهذل اخوياي وهم يدورون علي , قلت يا ابو مشيعل مالك إلا الدليلة في هالوقت "القارمن"
بحثت في الـ ebay , وشفت انواع واحجام مختلفة للبيع ولا أظن انها موجودة في بلدي السعودية , لكني وبسبب الغشامه اللي عندي , فكرت وقلت يا ولد ... يمكن مو كل نوع تشتغل معاه برامج التعريب .
فالسؤال .. هل البرامج اللي اسمع ان الناس ينزلونها عن طريق الانترنت او عن طريق السي دي , ممكن تتماشى مع اي نوع من القارمن ؟
أيضاً .. هل من الممكن التوضيح لصاحب هالمعرف " ابو مشيعل " اللي هو ضيف جديد عليكم .. وتعلمونه الكيفية في ذلك ؟
تحيتي الصادقة للجميع