الباترول حيرني .. تكفون ياهل الخبره

Naef · 22-04-12, 12:51 PM

السلام عليكم ورحمة الله وبركاته
مساء/ صباح الخير
انا ضيف عليكم وجاي معي كم سوال وابي اشغلكم لكن تحملوني

عندي سوبر سفاري99 اوتوماتيك بخاخ خليجي
المشكله اللي عانيت معها
صوت قره (قررررررررر) اذا شد عزمه الموتر قبل تبديل النمره بثواني قليله وينقطع اذا بدل طبعا الصوت في مع كل التبديلات مكان الصوت على حسب تشخيصي البسيط تحت الكبوت في الجهه اليمنى او داخل الطابلون حول هواية المكيف اللي تجي وسط الطابلون واحيانا اوسوس واقول في قربة الهواء اللي في الرفرف الايسر واحيانا اقول في مروحة المكيف واحيانا اقول في عصا القير عجزت احدده صراحه

ثانيا عندي مشكله ثانيه بعد ما استبدلت المروحه بمراوح كهرباء سوباروا طلع لي صوت لمااشغل المكيف ويزداد اذا مشيت والمكيف شغال ويخف اذا زادت السرعه واذا طفيت المكيف يخف مررره ولكن لاينقطع

ثالثا عندي القير يتاخر مايبدل التبديله الرابعه طبعا القير اوتوماتيك والمشكله هذه حصلت لي بعد ماغيرت الفلتر ( اصلي ) والزيت( تويوتا + موتوركرفت) طبعا ياصل الموتر 130 مابدل واذا شديت عليه يبدل على 120

رابعا : يدخل علي هواء حار مع فتحت الجلنط ( فرامل اليد) اللي بين مقعد السايق والثلاجه

وعندي كم استفسار بس قلت ثقلت علي الشباب

طبعا الموتر توي شاريه وهو اول سياره دفع رباعي استخدمها

وطبتم وطابت اوقاتكم

**أبو عمر** · 22-04-12, 01:24 PM

وعليكم السلام ورحمة الله وبركاته
حياك الله أخوي نايف بيننا بالرحلات
والمعذرة عن التعليق على المشكال الي ذكرتها بموترك لأني لم أستخدم الباترول ( معقد منه )
لاكن أن شاء الله يفيدونك أخواننا أهل الباترول ويحلون مشكلتك

وتقبل مروري نقره لعرض الصورة في صفحة مستقلة

Naef · 22-04-12, 11:51 PM

لاهنت ياابوعمر وبيض الله وجهك

لكن وين اهل الخبررره

Naef · 23-04-12, 12:21 PM

يبدو انني اخطأت في اختيار المنتدى

عذراً

اسف على ازعاجكم

مع السلامه

أبو البراء · 25-04-12, 09:55 AM

السلام عليكم ورحمة الله وبركاته

اخوي باكر الله فيك لا تضن أن كل من كتب في قسم السيارات يفهم مشاكلها
تأكد وانا اخوك لو فيه حد من قرو الموضوع يعرف حل ما يبخل عليك ليش الزعل الله يهديك ؟