اليوم نستعرض (سرير+ خيمه) في نفس الوقت وهو كذلك للصيف والشتاء والامطار يعني ناقص اخيط سليب باغ داخله ويكون كامل والكامل الله
السرير ممتاز في الصيف يبعدك عن الحشرات والدواب وتهويه حلوه ان شاء الله وفي الشتاء يبعدك عن رطوبه الارض والامطار بأذن الله
السرير شريته من موقع انترنت بقيمه 170 دولار طبعا غالي بس السرير بخاطري من زمان وقلت ابشتريه والصراحه السرير مريح ما يحتاج تزحف عشان تدخل خيمه النوم وتتكسر ركبك خاصه الاوزان الثقيله وبعدين يكفيك ان تشاهد النجوم من الدريشه اللي فوق رأسك ولاتحس بالامطار والبرد (رومانسي)
السرير فتحه واغلافه سهل جدا وخلال ثواني يكون جاهز ان شاء الله
السرير يجي مفرد وزوجي بس المفرد اقل حجم ووزن ويجي مع السرير جراب خاص به وبداخله غطاء المطر و اعمده خاصه لرفع الباب ومسامير لتثبيت الاعمده مع الحبال بس ماصورت الحركه هذي وابي اصورها في اول طلعه ان شاء الله