معلومه (ارجو التعليق)

[راعي ساموده]

السلام عليكم ورحمة الله ,,
لاحظت ياخوان شي بالنسبه للكفرات
التطعيس يفرق فيها (الجديد عن المستعمل)
يعني الكفرات اللي تركبها جديد التطعيس فيها يفرق واجد عن السنه اللي بعده طبعا القديم افضل وألين .
وهذي عن تجربه شخصيه (ثلاث مرات او اربع)
ياليت تعليقكم على الموضوع

[عبدالرحمن الدرويش]

وعليكم السلام ورحمة الله وبركاته

هلا بك يا راعي ساموده
وملاحظة سليمة ، والسبب يعود لكونها تلين او يقل تحجرها مع الإستخدام وتقدر تلاحظ هالشيء لما تنزل هواء الكفرات يعني موتر كفراته جديده ان نزل هواء الكفرات تلاحظ الشكل كأنه عادي وعكس ذلك اللي كفراته مستخدمه لها فترة تحصلها تنزل ويبين عليها التنسيـــم..

وننتظر آراء الإخـــوة الكرام

أبو فهد

[Abu Ibrahim]

المشاركة الأصلية كتبت بواسطة ع.ف.الدرويش

وعليكم السلام ورحمة الله وبركاته

هلا بك يا راعي ساموده
وملاحظة سليمة ، والسبب يعود لكونها تلين او يقل تحجرها مع الإستخدام وتقدر تلاحظ هالشيء لما تنزل هواء الكفرات يعني موتر كفراته جديده ان نزل هواء الكفرات تلاحظ الشكل كأنه عادي وعكس ذلك اللي كفراته مستخدمه لها فترة تحصلها تنزل ويبين عليها التنسيـــم..

وننتظر آراء الإخـــوة الكرام

أبو فهد

انا مع ابوفهد

[أبوخالد التويجري]

مسيتم بالخير جميعاً




الكفرات تختلف بختلاف انواعها يعني القاعدة هذي صعب الحكم عليها بكل الكفرات يعني التويو ( toyo ) في جدتها لينه مره وبعد سنه او اكثر شوي تكون يابسه والفرق واضح


وأنتم اعلم مني في هالأمور إلا إني اشوف العكس حين يكون جديد يكون الين من القديم وانتم ابخص





ابوخالد

[ابو فراس]

فعلا تكون لينة والدليل سهولة البنشر

[أبوخالد التويجري]

المشاركة الأصلية كتبت بواسطة ابو فراس

فعلا تكون لينة والدليل سهولة البنشر

عمدتنا ابوفراس


وانتم اعلم مني بذلك ولكن ما تشوف السبب في البنشر صغر الدعسه ( تتسحل ) ؟

ومن ناحية الليونه شف إذا جيت تركب كفرات جديدة نفس النوعية اضغط بيدك ع الكفر القديم والجديد وستلاحظ الفرق


أيضاً شف تغير ضربات عيون القطط بين الكفرين القديم والجديد



ابوخالد

[باترول 4×4]

مساء الخير للجميع
أنا مؤيد لهذا الكلام فمن واقع تجربة لنوعين من الكفرات هما :
دنلوب و يوكوهاما لاحظت أن القديم ألين وأسهل في الطعوس مع أن عيار الهواء في جميع الحالات على 18 .

[راعي الفكسار]

والله أنا أتفق مع اخوي بوخالد
وبصراحة انا ماجربت غير الدنلوب والفرق واااضح جداا ان الجديدة الين ومريحة
ورائعة في النفود لكن بعد فترة تيبس الكفرات وتكون قاسية حيث اني احط فيها 15 للنفود اذا كانت قديمة و20 اذا كانت جديده ولينة

واعتقد او اجزم ان الكفرات ليست سوااء

تحيـــــــــــــاتي للجميع

[PAJERO]

انا مع الاخوان انه على حسب نوع الكفر
جربت انواع كثيرة اغلبها قاسية
والجديد احسن
ولكل بيئه كفر معين
وكل كفر له استعمال