استفسار وفي نفس الوقت ساااعدوووووني

[ابو سفر]

السلام عليكم

يا اعضاء منتديات الرحلات تسيف حالكم طيبين مالكم بالطويله نجي للمهم

ياحباني انا شاريت ددسن 2003 gl اخذت كم من يوم ثم طلع في القير خراااب يوم رحت للورشه قال

القير موووضب ثم صااارت علووم الله لايوريكم المهم رحت لتشليح وشريت قير 2007 طيب

اخذت يوم او يومين تقريبا طلع في القير زي القرقعه المهم ثم يوم نزلت اشوف السياره من تحت

فيها من عند المسامير اللي تربط القير بالمكينه شويت زيت متجمع في النص ونفس الحركه في اخر القير

اللي يربط القير بعمود الكرنك تنديه مسحت الزيت وظبطت الامور اليوم الثاني الصباح حصلت الزيت مثل

ماكان امسحه ويرجع الزيت وياليت تفيدوني لاني والله مدري هل هو خراب ولا شي عااادي

جزاااااااااااااكم الله خير

[أبوخالد التويجري]

المشاركة الأصلية كتبت بواسطة ابو سفر

السلام عليكم

يا اعضاء منتديات الرحلات تسيف حالكم طيبين مالكم بالطويله نجي للمهم

ياحباني انا شاريت ددسن 2003 gl اخذت كم من يوم ثم طلع في القير خراااب يوم رحت للورشه قال

القير موووضب ثم صااارت علووم الله لايوريكم المهم رحت لتشليح وشريت قير 2007 طيب

اخذت يوم او يومين تقريبا طلع في القير زي القرقعه المهم ثم يوم نزلت اشوف السياره من تحت

فيها من عند المسامير اللي تربط القير بالمكينه شويت زيت متجمع في النص ونفس الحركه في اخر القير

اللي يربط القير بعمود الكرنك تنديه مسحت الزيت وظبطت الامور اليوم الثاني الصباح حصلت الزيت مثل

ماكان امسحه ويرجع الزيت وياليت تفيدوني لاني والله مدري هل هو خراب ولا شي عااادي

جزاااااااااااااكم الله خير

وعليكم السلام ورحمة الله وبركاته



التندية اللي قدام واللي ورى صوف واكيد مركبينه بدون تغيير صوفة هذا شي ولا عليه خوف إلا من نقص الزين يعني مايعد خراب كثر ماهو تهريب زيت وعلى كلامك ان تهريبه كثير لذا لآزم ترجع للورشة دام السالفة حاره خلصها بحار


والقرقعة ابد ماله دخل التهريب شف وش سالفته يمكن يكون شي ثاني



وننتظر العلوم منك ووش يصير عليك وحنا معك



ابوخالد

[أبو عمر]

وعليكم السلام ورحمة الله وبركاته

أولاً الله يعطيك يخيره ويكفيك شرة

ثانياً اتنمنى أنك تحدد نوع الزيت هل هو زيت مكينه ولا زيت قير وعادة التهريب اللي بين المكينه والقير يكون سببه تلف الصوفة الخلفية للمكينه والتهريب اللي في القير من الخلف سببه تلف صوفة القير والموضوع بسيط إنشاءالله بس تأكد من مستوى زيت المكينه والقير حتى لايسبب لك مشاكل

ومر أقرب ميكانيكي يحدد لك الصوفة التالفة .

وتقبل تحياتي .

.

[ابو سفر]

بيض الله وجيهكم وماقصرتوا

والزيت ياطويل العمر زيت قير موهوب زيت مكينه بين القير والمكينه يهرب تهريب خفيف مررره
نفس الحركه في اخر القير
طيب الصوفه هذي وين مكانها بالظبط ياليت تفيدوني ماعليكم امر

[أبو عمر]

المشاركة الأصلية كتبت بواسطة ابو سفر

بيض الله وجيهكم وماقصرتوا

والزيت ياطويل العمر زيت قير موهوب زيت مكينه بين القير والمكينه يهرب تهريب خفيف مررره
نفس الحركه في اخر القير
طيب الصوفه هذي وين مكانها بالظبط ياليت تفيدوني ماعليكم امر

ووجهك ابيض إنشاءالله

مكان الصوفه الله يسلمك عند مخرج العمود من القير قبل التربيعه اللي يربط بها عمود الكردان.
اخوي ابو سفر القرقعة اللي تقول عليها عند اي سرعه وهل هي نفس اللي غيرت القير عشانها ياليت تعطينا معلومات كامله عشان نقدر نساعدك

تحياتي ابو عمر

[ابو سفر]

القرقعه ياطويل العمر تطلع اذا عشقت الموتر بنمره واسرعت تاخذ ثواني وتختفي
القير غيرته وانا اخووك كان فيه صوووت في الموتر موهوب طبيعي واذا ظغت على الكلشت اختفى الصوت هذا وجربتها كذا مره الصوت موجود وديتها الورشه قال القير موضب وصار اللي صار

[أبو عمر]

أخوي ابو سفر عساك مافرطت في القير الأول لأن الصوت اللي وصفت يجي بسبب تلف رمان صحن الكلتش اللي يسمونه الميكانيكية ( فحمة ) وغالباً ماتخرب وتطلع صوت بعد ماتدخل بالسيارة في المياه .
نعود للصوت ودي تتأكد من عدد سنن العمود الخارج من القير القديم هل هي نفس سنن القير اللي ركبت وعشان ماتفك وتتعب نفسك روح لأقرب وكيل لنيسان وسأله هل يركب صحن الكلتش حق 2007 م على 2003 م حيث أن سنن العمود تركب بالصحن ولو في أي فرق بسيط ( فظاوه ) يطلع صوت .

ولا تطول علينا الله لايهينك وتعطينا وشاللي صار معك

[ابو سفر]

المشاركة الأصلية كتبت بواسطة حنضل

أخوي ابو سفر عساك مافرطت في القير الأول لأن الصوت اللي وصفت يجي بسبب تلف رمان صحن الكلتش اللي يسمونه الميكانيكية ( فحمة ) وغالباً ماتخرب وتطلع صوت بعد ماتدخل بالسيارة في المياه .
نعود للصوت ودي تتأكد من عدد سنن العمود الخارج من القير القديم هل هي نفس سنن القير اللي ركبت وعشان ماتفك وتتعب نفسك روح لأقرب وكيل لنيسان وسأله هل يركب صحن الكلتش حق 2007 م على 2003 م حيث أن سنن العمود تركب بالصحن ولو في أي فرق بسيط ( فظاوه ) يطلع صوت .

ولا تطول علينا الله لايهينك وتعطينا وشاللي صار معك

لا هنت ياذيبان
القير الاول خلاص رااااح وركبت قير جديد وانا سالت صاحب التشليح يقول يركب ماعندك مشكله على العمووم الله يعطيك العافيه وبيض الله وجهك وراح اسال وان شاء الله ارد لكم خبر باسرع وقت ممكن
تحيااااتي