نبي مشاركتكم في تجهيزات fj cruser

[راعي ساموده]

السلام عليكم ورحمة الله

.زميل عزيز طلب مني المساعده في تجهيز سيارته ال اف جي الجديده ( الله يعطيه خيره ويكفيه شره )
طبعا رحنا للوكاله مالقينا الا حجز بعد شهر ونص
وشرى من المعارض لون بيج فل كامل 120000

طبعا الحين انا ورطت لأني مسوي نفسي راعي بر وفاهم باغراض الجيوب والتجهيزات وانا ماعندك احد.
والحين ابيكم تلحقون علي بالتجهيزات تكفون لاني صعبه احطم تاريخي ( تكفى يابن حثلين) واقول للرجال ماعرف

[عبدالرحمن الدرويش]

راعي سامودة.. هلا وغلا

بصراحة الموتر جديد وتوه نازل فيعني مسألة التجهيزات تكون من باب التجربة وهي مجازفة كبيرة.. لكن ننصحه بالإضافات العادية مثل..
- الآيكوم
- القارمن
- شراء تانكي ماء داخلي بسعة معقولة
- ولا ننسى تلبيس الشنطة الخلفية للسيارة للمحافظة على الديكورات الداخلية
أما التعديلات والإضافات فإن كان حريص عليها ماله إلا إنه يجازف مثلاً تفصيل كعكات خلفية لرفع السيارة قليلاً لأن تفصيل الكعكه يكون بالمخرطة ويعتمد على الياي
أما المساعدات فالتويوتا كله مساعداته مناسبة
وأخيراً الدعامية والتانكي الخارجي وربما التعديلات الخارجية فهي غير مناسبة وبصراحة ستشوه الشكل الخارجي..

هذا مالدي وأتمنى ان أكون قد قدمت المفيد.. وأي إستفسار أنا بالخدمة...

أخوك.. أبو فهد...

[شايب الصمان]

هلا بك

هذي يبيله واحد رايق يتسدح يحت الموتر ويشوف الأماكن المناسبه ....... كاس شاهي من أبريق أبوفراس الشهير ؟؟؟؟ .

.................................................. .................................................. .................

وأذا ودك نمخمخ على الموتر ماراح نتاخر أبشر ولا يهمك نتقابل,,,,,,,,,, وبحضور العمده وكاست شاهي من أبريقه المعتبر ,,,,,,,,,,,,,,,,,,,,,,,,, ونجهزيك الموتر ..........( ويش عندك ياخبير التجهيزات ) ..
/////////////////////////////////////////////////////////////////////////////////////////////////////////////////////////////

بس هو ويش وده من تجهيزات وهل يبيه دائمه أو مؤقته ؟ وأبشر باللي تبي

[الجارمن]

تبي نصيحتي
ابو عبدالله
الموتر جديد ونصيحة لا يخربه
فقط تلبسة للمراتب والارضيات ولمبة كبوت وإن حصل بطارية اضافية
بالإضافة للاشياء المحمولة اللي هي القارمن والكينوود

[راعي ساموده]

[quote=ع.ف.الدرويش;31872]راعي سامودة.. هلا وغلا

بصراحة الموتر جديد وتوه نازل فيعني مسألة التجهيزات تكون من باب التجربة وهي مجازفة كبيرة.. لكن ننصحه بالإضافات العادية مثل..
- الآيكوم
- القارمن
- شراء تانكي ماء داخلي بسعة معقولة
- ولا ننسى تلبيس الشنطة الخلفية للسيارة للمحافظة على الديكورات الداخلية
أما التعديلات والإضافات فإن كان حريص عليها ماله إلا إنه يجازف مثلاً تفصيل كعكات خلفية لرفع السيارة قليلاً لأن تفصيل الكعكه يكون بالمخرطة ويعتمد على الياي
أما المساعدات فالتويوتا كله مساعداته مناسبة
وأخيراً الدعامية والتانكي الخارجي وربما التعديلات الخارجية فهي غير مناسبة وبصراحة ستشوه الشكل الخارجي..



والله يابو فهد من ناحية الايكوم والقارمن ؟؟
ياخي احس الا شفت السياره انه من حقين شارع التحليه ؟؟؟
ماتخيلته فوق هالطعوس بالدهنا