ادخل وشارك معنا بمغامراتك

[برق تميم]

السلام عليكم ورحمة الله وبركاته كيف الحال ياخوان ؟ عساكم بخير حبيت اطرح اليوم موضوع وانشاء الله يعجبكم وهو المغامرات التي مرت على كل واحدمنا واكيد ان كل واحد منا مرت عليه في احد طلعاته للبر او للصيد وارجوا ان يشارك الجميع واولهم انا صارلي هالموقف مع الاخ العزيز a.k.hواخوي ابو ناصر حفظهم الله وهو انا كنا طالعين في ايام الربيع والكشتات وكان اليوم الي كنا طالعين فيه مطر وسيول والحمدلله وكان يوم جمعه والبر مافيه احد مافيه الا حنا والشعبان والطين وقاعدين نتمشى في الشعبان ونشوف السيول ونحمد الله ونشكره ومرينا على شعيب صغيرون وتشوفه كنه ناشف واخذتنا العزه بالنفس وقلنا نبي نقطعه ويوم قطعناه ...........................قطعناه................. ...قطعناه دخل الموتر من قدام وقف لاتوقف وقف لاتوقف وطاح الفاس بالراس وغطس الموتر بالطين والله ان رجل الرجال تغطس لين الركبه وازود واحفر لاتحفر واحد يجيب حصى وواحده يجيب شجر يابس ونقعد حوالي 3ساعت او اكثر ولافيه ارسال ولافيه ناس حولنا والحفر بالطين صعب جداجدا والوقت كان متاخر يعني حول مسيان,وبالاخير طلعنا والحمد والمنه لله تعالى ثم جهود الاخوان ابو ناصروa.k.hونصيحه للاخوان لاأحد يسوي رجال ويغامر هذي مافيها مرجله ههههههههههههههههههههههههه
والحين جاء دوركم كل واحد يكتب مغامره صارت معه
وهالله الله بالردود والمشاركه هي اهم شئ