جيب النيسـان

[فتى الضاحي]

هذه بالجيب النيسـان القصيده حمد سليمان العليان

البرد قرّب وزان وقت الإيجازة­

والمزن بانت واقترب وقت الأفراج

واليوم مالي داخل المدن عازه

ودعتها ماني لها اليوم محتاج

ودي أجرب للجديد افترزازه

اللي ضمانه تود دخل بالأدراج

جببٍ جديد الصنع بأحدث طرازه

خمسة بعد الفين تاريخ الانتاج

من مصنع النيسان معه امتيازه

أبيض ولونه مازج الثلج والعاج

يعجبك في صعب الدروب اهتزازه

كن المراتب بينهن دلك ومساج

متساوي درب الوعر مع عزازه

يمشي وفي مشيه غرور وتغناج

متميز عن مشي غيره ميازه

ما هو لشهادات أكثر الناس محتاج

حرٍ وغيره لاطرد فرخ بازة

كنه قرناس وابلجو عنه ابلاج

الياوقف كنك تشوف القزازه

وليامشى كنه سنا البرق لعاج

ما بينه وبين المواتير حزازة

كنه ذب وكن غيره من الساج

يا لا يمي لتقول فيك انحيازه

كلن له بذوقه تصرف وميزاج

الحي يحيي والكفن للجنازة

والخيل تشعب وللبلغل كم كرباج

فرصه وجرب والفرص بانتهازه

واسئل هل المقناص تراما به إحراج

أحدٍ نقل به طير جهَّز جهازه

واحدٍ عليه بحزت القنص دواج

لجله شهادات المقانيض حازه

شهاداتٍ بالطرد وشهادات نفاج

صعب على غيره يتم اجتيازه

باقار وإلا لا قضب درب بطناج

جرفٍ عداه وجرف هازه ونازه

ولا عاقه المدخل ولا عاق مخراج