السلااااام عليكم
من جديد اتيت لكم بموضوع جديد .. وبعض الصور خصصتها لمنتداي رحلات فقط لاغير .. طبعا
بسم الله الرحمن الرحيم
نبدا حتسينا
في (العطله الطويييييييله جدا) الي قبل العيد اعادها الله علينا اعواما عديده وازمنة مديده وأقر أعيننا بأختها الي بين الترمين .. المهم قررنا نسافر الى بلاد
الصمان أو ماتسمى باريس البــر ..
خط سير رحلتنا : بطحا ثم النظيم ثم أطراف الرياض ثم مسكنا خط الدمام وبعدها خط الرماح ومن ثم مرينا على روضة خريم ثم ..
لاتدققووون.. دخلنا فجأه ب
رماح وكان فيها دوارات عظيمه وخطيره وواااااسعه لدرجة خفت ابوي يوقّف السياره ويسون علينا دوار ..ومن هذه الدوارات .. دوار المبخره وله عدة فروع .. دوار الكره الارضيه .. دوار الساعة وغيرها كثير
أتوقع لوتمشي سيارتين بنفس الدوار لامجال للاصطدام ..
ومعلم تاريخي اسميته فنجان القهوه
طبعا عندهم أسلوب في جذب الزباين .. ويلاحظ الجانب الديني
على وزن حديث الرسول صلى الله عليه وسلم
(تهادوا تحابوا)
خرجنا من
دولة الرماح ومرينا على قليل مدري
شويه وكانوا يوزعون فيها شاصات وفيها لافته
ممنوع الدخول لغير الشاص
ومشينا بعدها 7كلم ومن ثم الى ابراج الكهرباء وخشينا من عندها ومشينا 35كلم ودخلنا يمين فقابلتنا
فيضة العميا وكان من ضمن الفياض الي مرينا عليها
" أم قرين .. أم الحجول أم المصارعه والهوشات أم الكلى والمصارين أم حديجان ام خماس أم الجماجم ام الهياكل العظميه أم محمد وأخيرا أم عبدالله "
دايم أتسائل يعني قلة الاسامي عشان يسمون بهالاسماء اسم احلا من اسم ..شكله الي سماهم يايستهبل أو يستهبل والارجح القول الثالث؟؟؟
ولفينا يمين ومشينا 100كيلو وبعدها يسار 200كيلو ووصلنا الى فيضه جديده اعتبرت نفسي اول من اخترعها وسميتها
أمـــي اقصد
فيضة طليحه .. وهذا محور حديثنا
الوصف:
حجم المكان : medium
وقت الزياره: مفتوحه 24ساعه
الموقع: انظر الى الاعلى{يوجد شرح مطول}
اقرب فيضه: لايوجد
وضوح الطريق: بالليل لايرى الا بالكشافات
نوع السياره: جمل أو حمار ويفضل الدابه (لاياشيخه)
وبما ان لكم امير رحلة وخبير كشته ..
فقد كانت ملكة الرحله : أنا .. واخواتي الوصيفات
ومديرة المخيم أمي وابوي الوزير حق الرحله
وكان المكان بارد جدا 8 تحت الصفر لدرجة ان قازنا تجمد والاغراض تجمدت حتى حنا تجمدنا وصرنا مانتحرك الى ان طقتنا الشمس وذاب الثلج <<خيال طفولي رائع
ولما ذبنا كلنا بقت بنت اختي ماذابت حطينا فيها صيخ وحميتاها عالفحم لما استوت واكلناها <<= ترا بنت اختي هذي اكله لاتحسبونها شي ثاني لاسمح الله!!!
ماودي اطول عليكم .. هذي بعض الصور للفيض :
طبعا لابد من مؤنة الرحله ..
صوره للجاده الي مشينا عليها
المواضيع المتشابهه
رحلتنا البريه الى فيضة طليحــه (يوجد صور مررررعبه)
العرض الشجري
