السلام عليكم ورحمة الله وبركاته مضافة ابراهيم الحمدان التراثية اخوي ابو جراح اتمنى ان تكون هذه اللقطات اضافة لمواضيعك التراثية هذ مشراق ابو حمدان بعنيزة وهذ العريش وبعضهم يسميه المجبب جلسة بهالعريش ترد الروح لا يفوتكم الرادو والفانوس حافظات التمر والماكولات عن الحشرات هالفانوس ما يبيبله الا شوي قاز ونولعه من اجل المذاكرة وتكية ابو فراس المعتادة والعذر والسموحة عن اللقطات لانها بكمرة جوال الابن عبدالله
الصوره الاولى جميله جدا الصوره الثانيه أحلى جلسه تجلسه برفقة أبوفراس ولاقصور بالباقين الصوره الثالثه الظاهر تكية البر تختلف عن الديره لان المركى مختلف الصوره الرابعه الرادو كنه رادو خالي يوسف بالرحله البر الاخيره . والفانوس كنه لمبة الدوج باخر رحله ( كل شوي وهي طافيه ) الصوره الخامسه عن الحشرات والا الضروس .... اللي من يقومون الصبح وهم توهم ماأفطروا يقولون وشو الغداء الصوره السادسه أصلي يبقى أصلي مثل عزبتك يالعمده الصوره السابعه خلفية لكمبيوتر المكتب والاب توب
سلم لنا على ابو حمدان مضافة رائعة وجميلة وتذكرنا بعيشة أجدادنا عليهم رحمة الله . مشكور يابو فراس على هذه المشاركة الرائعة . بارك الله فيك.
شغل مضبوط مشكور
أخوي أبو فراس مشكور على تعريفنا بهذا المكان التراثي المميز وشغل مرتب لابو حمدان جزاه الله خير جلسة بهالعريش تسوى شي واجد والشكر موصول لعبودي على نقل هذه المشاهد بكمرة جواله تقبل أجمل تحية
ابو فراس ونستنا بالصور اللي يونسك بالرضا والعافيه . ذكرتنا بعيشه اجدادنا وحياتهم البسيطه ....,, شكل الجو برد عندكم بعنيزه (لابس شراب بالصوره الاوله ) . الظاهر ان الصور له فتره ان ماخاب ظني لان التمر مابعد ما لون والشكر الجزيل للأبن عبدالله (الله يرزقك برّه ) وسلم لي على ابو حمدان ــــــــــــــــــــــــــــــــــــ سلا11111111111111111م
الله على القديم يابو فراس الشخص اللي جالس في الصورة الأولى محليها يا علك تسلم يابو فراس وماقصرت
ياحلو ردودكم حلواه بس لو تجربون هالمعشش اللي يرد الروح ولعلمكم ترا الصور مصورة يوم الخميس صباحا 12/7/1428 يعني امس
شكرا يا ابوفراس على هذا الموضوع والصور التي ترجع بنا الى تاريخ حبيب على القلوب
بسم الله الرحمن الرحيم الله يعطيك الصحه والعافية يالعمدة ... هالمجبب وهالجلسه تسوى شي كثير يابوفراس ... لكن ماحولنا شي بالرياض غير هالغبرات ... يالله إن رحنا للديرة (( بالسنه حسنه )) ... مشكور يالغالي ... وننتظر المزيد ... من كل جديد ... ,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,
أبو فراس: مايسمح لنا أبو حمدان نطلع بوه كشته يوم خميس حنا ياهل المنتدى تحياتي لك وللأبن البارعبدالله، والصور ماعليها كلام، كنت اظنها من كاميرا تصوير
عمنا الغالي ابو فراس جزاك الله خير على الصور بصراحه تستاهل كل خير يابو فراس والمكان مافيه كلام وسلم لي على الأبن عبدالله ... الله يرزقك بره واخوانه تمنياتي لك بالتوفيق اخوك الصغير / ابو عبد العزيز قناص الحبارى
Security team
مضافة ابو حمدان التراثية
لان المركى مختلف 
.
.jpg)
العرض العادي
