مـــــا (( أجمل بيت سمعته )) .. دعوه للمشاركه ...

[ثامرالماضي]

بسم الله الرحمن الرحيم

أعضاء الرحلات الكرام

السلام عليكم ورحمة الله وبركاته :

... الكثير منكم يسمع الشعر ويتذوقه ... ومنكم أيضاً من هو شاعر ...

ولكني أريد من كل واحد يدخل على هذا الموضوع ... أن يضع أجمل بيت سمعه ... سواءاً بيت أو أكثر ... مع ذكر إسم الشاعر إذا أمكن ...

ولا بأس أن يكون البيت أو الأبيات :

بــــ المقناص ـــ الطيور ــــ الحكمه ــــ النصيحه ــــ الحب ــــ الفراق ــــ الرثاء ــــ الهجاء ــــ الوصف ــــ الفخر ...

أتمنى منكم التفاعل ...

وأنا أبدأ بهذا البيت :

	الحكمه : قالو هبيل وجايزٍلي هبالي = هبال طيب ولاصحاوة رخامه

إختلف الكثير على قائل هذا البيت .. ولكنهم إتفقوا أنه لــ مسلط بن شعيفان السبيعي ...

,,,,,,,,,,,,,,,, تحياتي ,,,,,,,,,,,,,,,,,

[حمد الجبيرى]

موضوع مميز الله يعطيك العافيه اخوي ابو شعلان ومشاركتي .

	وخيارمنها ركعتينن بلاسحار - لاطاب نوم اللى حياته خساره

[ريع الدياب]

	وأحسن منك لم تر قط عينى = وأجمل منك لم تلد النساء خلقت مبرأ من كل عيب = كأنك قد خلقت كما تشاء

حسان بن ثابت الأنصارى يمدح رسول الله صلى الله عليه وسلم

[الانيق]

ابو شعلان تبيه فصحى او نبطي

ياما حلى الفنجال مع سيحة البال = في مجلس ٍ مافيه نفس ٍ ثقيلة
هــذا ولــد عــم ٍ وهـذا ولــد خــال = وهــذا رفـيـق ٍ مــانـدور بـديـلــه

الشاعر راكان بن حثلين

[محمد الديحاني]

ودنا بالطيب بس الدهر جحاد طيب = كل ما تخلص مع الناس كنك تغشها
يدك لامدت وفاء لاتحرى وش تجيب = كان جاتك سالمه حب يدك وخشها
كل ماشبيت نار المحبه مع حبيب = قام يسحل في مشاهيبها ويرشها
وكل ما واجهت لك فالزمن وجه غريب = مثل ماقال المثل دام تمشي مشها
وذمةٍ ماهيب تندار للحق المصيب = جعل قشاش الحطب لاسرح يقتشها

سعد بن جدلان

[ثامرالماضي]

	تفاعل رائع يا إخوان ... واصلوا ... وأكثروا من الأبيات الجميله ... الله لايهينكم جميع ,,,,,,,,,,,,,,,, تحياتي ,,,,,,,,,,,,,,,,,,,,

[منيهيج]

مشكور ابوشعلان وبيض الله وجهك على هالموضوع

واجمل ماسمعة للشاعلر راشد الخلاوي

قولو لبيت الفقر لايامن الغنى

وبيت الغنى لايامن الفقر عايد

ولا يامن المضهود جمع(ن) يعزه

ولايامن الجمع العزيز الضهايد

[حامد الغامدي]

ياعين هللي صافي الدمع هليه ------- وليا قضى صافيه هاتي سريبه
ياعين شوفي زرع خلك وراعيه ------ شوفي معاويده وشوفي قليبه
من اول دايم لـــــرايه نماليه ------ واليوم جيتـهم علينا صعيبه
ان مرني بالدرب ماقدر أحاكيه ------ مصيبة ياكبرها من مصيبه
اللي يبينا عي النفس تبغيه ------ واللي نبي عيا البخت لا يجيبه
أصل الموده نظرة من معانيه ------ خصرن مضمر والمعاني عجيبه
من يوم شفته خاطري مولع فيه ------ قلت البخت ياسعد منهو يصيبه
أقفى وصد وقال يامن تهاويه ------ خبرك عتيق وقلت نفسى صعيبه
يامن له الخاطر شفوقن يراعيه ------ اتبع هوانا وغيرنا وش تبيبه
اللي يدارينا ترانا نداريه ------ واللي تنكر جعل ربي حسيبه

القصيده للشاعره نوره الحوشان
الأبيات الأخيره باللون البني يقال انها تكملة الأبيات،
شكرا لك يابو شعلان على هذه الفكره الجميله.

[العناقين]

أيامنــا والليالــي كــم نعاتبهـا
شبنـا وشابت وعفنـا بعض الأحوالـي

تاعد مواعيــد والجاهـل مكذبهـا
واللي عرف حدهـا من همهـا سالـي

إن أقبلـت يوم ما تصفـى مشاربهـا
تقفـي وتقبـل وما دامـت على حالي

في كــل يوم تورينـا عجايبهـا
واليوم الأول تراه احسـن من التالـي

أيـام فـي غلبهـا وايـام نغلبهـا
وايام فيهـا ســوا والدهـر ميالـي

للشاعر بديوي الوقداني وهي من القصائد النادره والثمينه لماتحتويه من حكم ومعاني قل ان توجد في القصائد الأخرى

تسلم ياأبو شعلان

أخوك

العنقين

[ثامرالماضي]

ياسرع ماتطفون ...

واصلو والله معاكم واصلوا

(( الفراق ))

فرقاً جرت لي ماجرت للمحبين= فرقاً كما روحٍ تفارق جسدها
هم وغم وحزن وصدود غالين= وشطونٍ حارت فكرتي في عددها
كني بيوم الحشر عند الموازين = في يوم تلهي المرضعه عن ولدها
روحٍ تعذب بالهوى بين نارين=وعقب العذاب أرجي من الله مددها
عساه لي تكفير ماشافت العين= عساه أمانٍ من عماها رمدها
ولا جيت أبصبر عنك ياكامل الزين= دار العزى مني تجذب عمدها

الأمير / سعود بن محمد ...

,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,

[ريع الدياب]

تـنــزل بـــروضٍ تـــوّه الـيــوم مـمـطـور = والغيم عقب الشمـس تـم انقشاعـه
الــبــر حــولــك كــلــه ورود وزهـــــور = وقــت الربـيـع الـعـشـب زاد ارتـفـاعـه
حتـى الرمـل تشتـم لـه ريحـة عطـور = والـقــاع خـضــرا كـــن فـيـهـا زراعـــه

[ثامرالماضي]

بسم الله الرحمن الرحيم

(( نصيحة ))

حيٍ يورّيك المذلّه وتغليه=أنا أشهد إنك ميت القلب عامي
من لايودّك لاتودّه وترجيه=إرفع مقامك ياعزيز المقامي
إرفع مقامك عن عدوك وتوذيه=ويلحقك من تركة رفيقك ملامي
وحق الرفيق واجبه لاتخليه=يلزمك مثل الوالدين الحشامي
إختر عزيز الجاه والحق يعطيه=شبلٍ على هرجٍ يقوله يحامي
مادك به عرف المذله وطاريه=ويسبق على فعل الفضيله شمامي
من قارب الأجرب بالمراض يعديه=وعدواه تصطي باللحم والعظامي
ودرب السلامه بيناتن مماشيه=ودرب العطب يرّث عليك اللكامي

الشاعر / محمد الأحمد السديري

,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,

[محمد المعارك]

هل المطلوب بيت أو أبيات؟
عموماً سأورد بيتاً طالما اعجبت به :

لَوْلاَ الحَيَاءُ لَعادَني اسِتْعبارُ=وَلَزُرْتُ قَبْرَك والحَبيِبُ يُزَارُ

جرير

[ابو فراس]

ياناس ارسوا على شي

ابو شعلان هل المطلوب شعر فصيح ام نبطي

[ثامرالماضي]

هلابك يابو فراس ...

صحيح صحيح صحيح ... شعر نبطي وفصيح ...

وترانا بإنتظار مشاركاتك ...

,,,,,,,,,,,,,,,,,,,, تحياتي ,,,,,,,,,,,,,,,,,,,,,,,