من يساجل بالشعر

[الانيق]

مـساجـلـه شـعـريـه

بمناسبة وجود عدد من الشعراء في المنتدى يستوجب ان نحتفي بهم ونستفيد منهم كأعضاء وشعراء مبتدئين فبودي ان يكون موضوعي هذا بداية لمساجلة شعرية بين شعرائنا المحبوبين فما هي شروطكم لبداية المساجلة لكي نتفق عليها

وبرايي المتواضع ان يأتي الشاعر الاول ببيت رحلاتي فقط يعني لا يكون فيه غزل

واللي بعده يشوف أخر حرف ويكمل

وإن شاء الله الجميع يشارك ويتمتع

[الضاحي]

فكرة جيدة مع اني ماني شاعر ولكني استمتع بالشعر

ليه ما تبدأ يالأنيق وتفتح الجلسة

[الانيق]

خلنا نشوف باقي الربع وش رأيهم ومن ثم نبدا بإذن الله

[الانيق]

سمعنا شورك يابو فهد

وانا اببدا

سجيت يوم شفت صورت الصمان = من شافني قال البر لاعبن فيك

حرف الكاف للي بعدي

[ثامرالماضي]

لاهنت يالانيق على هالفكرة ... لكن لازم من شعر العضو نفسه ... وإلا من أي قصيدة ...

لكن هذه هالبيت :

كلن تحمّس وحمل عزبته ناوي *** ناوي على فيضة إم قرين ينصاها

اللي بعده حرف الـــ ألف ..

[سهيل]

انيق وشعلان الغلا بين الاحباب ----- بدار رحال عسى الله حماها
لكم تقديري من الباب للباب ----- من دار ابو متعب كثير سخاها

[ابو فراس]

اخواني ابو شعلان وزوووم

الاخ الانيق طلب الاتفاق على شروط ومن ثم المساجلة وهو اول من تجاوز الطلب فهل اتفقتوا على شروط من ورانا علمونا وخلونا ننسجم معكم

وياليت تمتنع الردود الغير شعرية واولها ردي هذا كي لا تكثر الصفحات ويتشعب الامر

[الانيق]

عمدتنا الغالي ابو فراس

لم يكن بيننا تنسيق ولكن نصيحة الغالي ابو فهد الضاحي خلتنا نبدا بسرعة وان كان بك شدة فالميدان ياحميدان


انيق انا بين احباب واحباب

وشعلان لم القرين نواها

والزوووم قال الكلام وصاب

دار ابو متعب كل ابونا معاها

يا اخوان وش رأيكم نقتصر على بيت واحد فقط

[الانيق]

وينكم يالشعار

[عبادل العاصمي]

الديره اللي لها تاريخ تبكيني
لاشفتها غرقت عيني محاجرها

ألف

[عمار السفينه]

الجـو حــارً ولا بـه زود ***** والقيظ طول وعسى الله يمطرنا

ههههههههههههه
برابيس اعذرونا

[راع الابل]

والله ياجماعة مانيب شاعر
لكن اتمنى ان تكون بيتين

احسب ايام الصيف واجدولها .... وارحل باقي الايام ترحالي

[عمار السفينه]

ياشاص في خافقي لك ذكريات *** أنت تذكرها وأنا منيب ناسيها

[عبادل العاصمي]

ياموتري ماشريتك غير لنياقي

تمشي مع الشعل وتقضي لوازمها

هههههههههههههههه

مخصوص لك ياراعي الأبل

حرف السين

[عمار السفينه]

سكون الليل يطربني وانا هاجع *** ونجومه تخلي راعي العقل حيران