بسم الله الرحمن الرحيم السلام عليكم ورحمة الله وبركاته باترول 2004 نضيف ماشي حدود 100.000 كم كم يسوى ,,,,و 2003 مثله بكم يسوى ؟
ودّي افيدك يالغالي... لكن ما اعرف اسعار الباترول... يفيدونك الاخوان الرحاله ان شاء الله
مشكور اخوي نقا خريم وبانتظار الاخوان
هلا بالغالي عاشق النحم بودي انك توضح لون الموتر وهل به سمكره شي عيب وبعدين هل هو سوبر سفاري او نص فل او سلقه ارجو التوضيح وابشر اعطيك السعر الي يكون به في السوق الآن اعطيك سعر ساحة البيع في الرياض اتمنى تعطيني التفاصيل وابشر ياغالي
هلا بك اخوي راعي الهدد قل ان اللون ابيض ولوانه ما تفرق هو لو بتخدمني كلهن (سلقة/جي ال/سفاري/سوبر) لكن اهمهن الجي ال ولا به صدوم ولا سمكرة
اقتباس: المشاركة الأصلية كتبت بواسطة عاشق النحم هلا بك اخوي راعي الهدد قل ان اللون ابيض ولوانه ما تفرق هو لو بتخدمني كلهن (سلقة/جي ال/سفاري/سوبر) لكن اهمهن الجي ال ولا به صدوم ولا سمكرة الغالي عاشق النحم عذراً لم اقرء ردك الا الآن عموماً خذ التسعيرة الي مابها كلام ابد ههههه واحد واثق صحيح والله خذ العلم جيب باترول سلقه 2004 مابه صدوم وماشي 100 زي ماقلت يسوى 50 الف وحد اقصى لايمكن يتعده ابد 55 الف ------- جيب باترول 2004 نصف فل الي هو اس جي ال مابه صدوم وماشي 100 زي ماقلت يسوى 60 الف وحد اقصى 65 الف اذا هو يستاهل ------- جيب باترول 2004 فل كامل الي هو سوبر سفاري مابه صدوم وماشي 100 زي ماقلت يسوى 80 الف ويآصل حد اقصى الى 85 الف ولا يتعداها ابد وترى نضافة الموتر وكونه مابه زود عفل ومحركاته طيبة تزيد فيه الف او الفين هذا مالدي والله اعلم ترى عطيتك سعره في الرياض ومن أهل الخبرة في المعارض الآن وكلامهم مقنع واوافقهم عليه هذا السعر الصحيح واذا انت قضاي لزوم فالألف والألفين ماتفرق معك تقبّل محبة أخيك ياغالي
يا مال العافية يبو حمد مشكور ماقصرت اسف عالتأخير ولذلك لضيق الوقــــــــــــــــــــــــــــــــــــــت اخوك ابو فهد
الغالي عاشق النحم يعلم الله ان خدمتك شرف لي اي والله رحت لمعارض السيارات في الحراج الساحة وسالت لك ونشبت في الشريطية وخلق الله وصار كل ماقلت لك بالأسعار الي قبل في ردي صحيحه 100 بالمائة وشف هالمزيون 2003 ترآه مخزن مع راعيه ماشي 19 الف بس وهو نص فل اس جي ال مابه صدوم ولا شي بدي وكالة ويسام منه بـ 80 الف يقول والله ماهوب مشتراه وترآه شريطي شرآه من صاحبه الأصلي واتوقع قيمته من 80 الى 85 فقط شفع له ممشاه هههه حلوه شفع له وهذي صورة له من جهة أخرى وهذا واحد آخر توه بايعه شريطي على واحد قضاي لزوم هذا موديل 2003 ماشي حول 150 الف بدي وكالة الشريطي شاريه بــ 76 الف وباعه بسعر والله مايرحم حرام عليهم باعه 86 الف وووووواك طبعاً هذا مثل شواذ النحو يحفض ولا يقاس عليه وأي خدمة يابو فهد ترى العين تفداك وكل ماحولينا من ربع وجماعة فداك أنت آمر بس لو تبيه يآصلك بسطحة لبيتك اذا انت مانتب من أهل الرياض ابشر والله بالي يخدمك ياغالي وهذا حصيلة دوجان امس العصر بالمعارض والمعروض ترى يبي يكثر الأيام الجاية وبالتحديد بعد اسبوعين وبتشوف فلذلك نصيحة لاتستعجل بتنزل قيمتها شوي الناس تبي تفهّد عنها مع هالحر اصبر شوري عليك اخوك ابو حمد
والله مدري وشلون اشكرك يبو حمد___لكن مالك الا الي يدعي لك بظهر الغيب ان شاء الله ياجعلك تسلم يالغالي اخوك ابو فهد
اقتباس: المشاركة الأصلية كتبت بواسطة عاشق النحم والله مدري وشلون اشكرك يبو حمد___لكن مالك الا الي يدعي لك بظهر الغيب ان شاء الله ياجعلك تسلم يالغالي اخوك ابو فهد لاشكر على واجب ياغالي خدمتك شرف يابو فهد واعتبرني واحد من عيالك في الرياض يالشويب ههههه
اخوي راعي الهدد لو سمحت ابي سوبر فل كامل 2005 او 2004 او 2003 بس مابي ماشي واجد ابي اقل شي ماشي خمسين الف ودون الله لا يهينك .
Security team
كم يسو هالباترول
العرض العادي
