رئيسية المنتدى

ادعم الرحلات في الفيس بوك

الرحلات على تويتر

 
العودة   منتديات الرحلات > المـنـتـــديــــات الأســاســـية > رحلات برية وبحرية وجوية

إضافة رد
 
 
أدوات الموضوع إبحث في الموضوع انواع عرض الموضوع
قديم 31-08-09, 05:50 AM   #1
هزيم الرعد
 
افتراضي رحلتنا لأبها 2009 ووادي لجب هزيم الرعد

السلام عليكم ورحمة الله وبركاته
لما تجي هنا تبي تكتب تقرير عقب تقارير البقية ماش تحس ان تقريرك يبي يطلع مالغ
بس لا والف لا
تقرير هذا يبي يطلع أحسن منهم
<< قلب على العالم ولا أحد حارشه
بسم الله

أبها ...وحيث أني اعتدت الكتابة الأدبية المنمقة أبكتب مقدمة

عندما نقول أبها لا يمر في طيفنا إلا البراد ...والأمطار ...والبرشومي ...أبها سيدة المطر ومدينة الحلم ...أبها ذات المشق الأبدي بشوارعها ...أبها ولا أبهى من أبها إلا أهلها الطيبين ... صح توي أتذكر إننا ساكنين بخميس مشيط ...مايمدي أعدل بالمقدمة ..عدونا ساكنين بأبها أو عدوها مقدمة لرحلة أبها العام
مالجديد لدي هنا
الجديد هو مجموعة من الصور الحلوة مع خثارديز يبي لكم توسعون صدوركم عليها
مالجديد في أبها هذا العاام ؟
الجديد هو جو رائع أفضل من أجواء العام المغبرة ...أمطار ...ووناسة
مالجديد على المستوى الشخصي .
الجديد هو أن هذه الرحلة أزين من رحلة العام والسبب أنناهالسنة رحنا عوايل بينما العام رايح لحالي
لكن لو يقال لي السنة الجاية وش لون ودك تروح أبقول اروح لحالي أحسن << منلحس معليش
نبدأ بالصور ...وهي صور للسودة قبيل وصولنا لأبها ...بأيام حيث انه هماه عبادي كان هناك سابقنا مع شباب وصور هالصور الحلوة الجميلة المنتازة أزين أبو صور بالعالم الدينار
صح انه ما ارسلها لنا وسائط ولا شي بس حنا حسينا يعني انه مصور صور حلوة بجواله ان اثنين وثمانين اللي خربان البلوتوث حقه
وهذي الصور ياسلام روعة شي خيالي << أنت هالحين حط الصور همن اهرج

ياسلام على هالأجواء بالسودة .... بالله عمركم شفتوا مثل هالمنظر بحياتكم ؟ ولا بالنمسا تشوفون هالمنظر
نقره لعرض الصورة في صفحة مستقلة


.
.
.
ياسلام ...تحس بإنتعاش هنا ...وودك لو اليوم يكون 48 ساعة بهالمناطق .. بس عيب هالشي ان الراتب يبي يتأخر شهر كامل
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وكأن العمارة عروس تداعب الحقول << تسمع بالهرج الزين
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
بسم الله ..تم حط العفش بالسلة ...وياسلام على السلة ...وناسة ...تحط عفشك وأنت حاط رجل على رجل من الفسقة
وهنا بعد أن تم التزود بالتموين مال الطريق
ببسي ميرندا بيرة عصاير أشكال وألوان ...همن عقب الكشنة نضيف القليل من الثلج << قصدك عقب ماتحط المرطبات وشو كشنتوه ؟
ايه هذا صيدي ....بعد تصفيف هالقويريرات غمرناها بثلج أصلي بارد
نقره لعرض الصورة في صفحة مستقلة


.
.
.
ومسكنا الطريق قبيل صلاة العصر من يوم الجمعة الموافق مدري كم من شهر شعبان
في الطريق وحيث أنني الكابتن وفي المقصورة الرئيسية للقيادة كان لابد من توفير جميع أنواع الكيف من أجل قيادة آمنة بعيدة عن النعاس ومن باب الإنتعاش ... فـ الحمد لله من قهوة لشاهي لكيكاوات لبساكيتات لكبشتينو لشاهي لاتيه لقهوة مدري وشو ل ل ...الصراحة الواحد وده ان الطريق يكون 4000 كولي مدري كيلو ...ماشاء الله وناسة ...وسعة صدر ... وتدليع على الآخر للكابتن محاسيكم ...أجل لو اني كابتن طيارة سان وش يسوون بي ؟
نقره لعرض الصورة في صفحة مستقلة



.
.
.
وصلنا خميس مشيط بحدود الساعة الرابعة فجرا ...أربع سيارات في يد المجمول ...توه ضحي العيد ياشريها
أقصد اننا كنا على أربع سيارات ماشاء الله وتوقفنا كثير بسبب كثرة الوراعين وكثرة طلباتهم وكثرة حسراتهم << تراه جمع لكلمة مهيب زينة
سكنا في خميس مشيط بشقق حلوة بوسط البلد تماما غرفتين ومطبخ وصالة وأجلكم الله دورة مياه بمبلغ 300 ريال ...يعيبها قلة المواقف
ويميزها أن المكان فرجة محلات تتمشى بينها وتشتري منها وأسعارهم مناسبة جدا ...وأيضا نطح الشقق واحد يحكر التشباتي ...واحلولاه من راح وأخذ منه حق السحور بس
سأحاول أن أجيب صور الشقة ان أمكن
وهذي صور من منتزه الأمير سلطان وهو ثاني ايامنا في أبها حيث واجهنا جو جميل ورائع جدا أمطار وسحب تداعب نسمات الهواء العبيل << وش عبيله أنت تقصد العليل >> إيه هذا قصدي بس أنا لاقي أرض بالعبيل للبيع وأهوجس به
ذاك اليوم نسينا الكاميرة ...وصورنا بالجوالات ...
سوينا غدانا على أصوات الرعود وزخات المطر وفعلا جو رائع جدا وجميل ...فكانت هذه الصور
هنا السحاب مقبل ماشاء الله
نقره لعرض الصورة في صفحة مستقلة


.
.
ورش المطر علينا
نقره لعرض الصورة في صفحة مستقلة


.
.
مدري منهم لقيتهم وصورتهم ...شوفوا كيف السحاب يتمشى بينهم الهوينا
<<< مهوب هذولا اخوانك ؟
>> إلا بس أص يالفضيحة ما أبي أحد يعرفن
نقره لعرض الصورة في صفحة مستقلة


.
.
.
فقررنا بهالجو الرايق اننا نتمشى على رجليننا بالمنتزه
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
انقشع السحاب ووصلنا لمطل حيلو وصورنا عنده
نقره لعرض الصورة في صفحة مستقلة


.
.
.
تحت هالسحابة البيضاء كان فيه بروق ورعود وجو أقل مايقال عنه انه روعة
نقره لعرض الصورة في صفحة مستقلة


.
.









التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 05:51 AM   #2
هزيم الرعد
 
افتراضي

نعود من جديد مع مزيد من الصور
رنيم ... يوم انهم زعلوها
نقره لعرض الصورة في صفحة مستقلة


زعلوها وارحلت واخلت قصورالفاخرية
والحقتني شرهة الزعلان واخطاني رضاها
سافرت والله ماخبر اللي يزعلها عليّه
واستباحت لله الخيرة سهر عيني وماها
ليتها يوم إستباحت دمعة العين الشقية
ماستباحت دم قلبي من خلاها في خلاها
سامح الله ظلمها وطعونها الخضر النديه
والله يسامح خناجرها ويعفو عن خطاها
عرضتني للهبايب والضماء والمهمهيه
وتركتني للزعل والشوق والكبر وغلاها
والغلا ماهو في يديها ولاهو في يديه
الغلا شي من الله واشهد ان الله عطاها
.
.
.
كنا في السودة ...وعند العودة إلى أبها كان الطريق مزحوم جدا ... والسبب حادث بالطريق حمانا الله واياكم
فكانت هالصورة
نقره لعرض الصورة في صفحة مستقلة


.
.
.
شباب راعين كامري مروا من عندي وأنا طالع مع الدريشة أصور ...قالوا لي صورنا ونزلها بالجريدة قلت ماطلبتوا غالي
وطقينا لهم هالصورة
نقره لعرض الصورة في صفحة مستقلة


.
.
.
خلونا نوريكم بعض الصور من شقتنا للشارع ...حيث أننا بالتاون تاون مدري وش اسمه هذيك الكلمة اللي يقولونه المتمدنين وتعني وسط البلد
ايه صح اسمه الداون تاون
الشارع اللي عليه الشرهة .... قصدي اللي عليه عمارتنا << صارت لهم
نقره لعرض الصورة في صفحة مستقلة


.
.
.
مسوي فيها رياضي وأطلع مع هالدرج وأرفض الاصنصير ...وش النتيجة ؟
زاد وزني 3 كيلو ككككككك لاعادت
نقره لعرض الصورة في صفحة مستقلة


.
.
.
مبنى ناسا في خميس مشيط
نقره لعرض الصورة في صفحة مستقلة


.
.
.
مع دريشة ثانية في شقتنا الثانية
نقره لعرض الصورة في صفحة مستقلة


.
.
.
المرور مامن اهتمام الصراحة ...والمخالفات المرورية كثيرة يعني تلاقي واحد واقف وقوف مزدوج وساد عليك يقعد خمس دقايق والمرور واقف يناظر
يقطعون الإشارة عادي بدون مشاكل خصوصا آخر الليل
نقره لعرض الصورة في صفحة مستقلة


.
.
.
زوووووووووووم وباين ان العامل ملعوط بمخالفة وزعلان
نقره لعرض الصورة في صفحة مستقلة


.
.
.
في الطريق إلى منتزه الأمير سلطان والأجواء رائعة
نقره لعرض الصورة في صفحة مستقلة


.
.
.








التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 05:53 AM   #3
هزيم الرعد
 
افتراضي

في منتزه الأمير سلطان مرة أخرى
أحد أطفال الحجارة قصدي شباب الحجارة
نقره لعرض الصورة في صفحة مستقلة


.
.
.
الغداء كان رز ومطازيز ....يم يم ... العيب الوحيد اننا مادرينا انهم يطلقون كلمة حاشي على البقر إلا متأخر ككككككك
نقره لعرض الصورة في صفحة مستقلة


.
.
.

سموا بسم الله ماشاء الله
نقره لعرض الصورة في صفحة مستقلة



وبعد الغداء تزين الجلسة والسواليف بأجواء جميلة ونسناس هواء عليل
.


.
.
خَدر الشاهي ياولد
نقره لعرض الصورة في صفحة مستقلة


.
.
.
يازين هالمحل
نقره لعرض الصورة في صفحة مستقلة


.
.
.
همن رحنا نشوف القرادين
نقره لعرض الصورة في صفحة مستقلة


.
.
.
وحيد لحاله ماسكة معه هواجيس
نقره لعرض الصورة في صفحة مستقلة


.
.



بعد ماشفنا القردة رحنا لم المطل
نقره لعرض الصورة في صفحة مستقلة


.
.
.
المطل << المطل أو ليز ؟
نقره لعرض الصورة في صفحة مستقلة


.
.
.
جاز لي هالتجاور بين الحي والميت << يقال لك يعني تعرف وش لون تأخذ صور
نقره لعرض الصورة في صفحة مستقلة


.
.
.
بالجهة المقابلة كان هناك رجل يتمشى وبيننا وبينه الهوة السحيقة
نقره لعرض الصورة في صفحة مستقلة


.
.
.
وكان فيه شباب في أعلى مكان بالجبل وقالت لهم بصوت عالي من بعيد
أصورررررررررررررررررركمممممممممممممممم ؟؟
قالوا ايييييييييييييووووووووووووووه صورنا
وأنا اللي أسوي لهم زوم وأصورهم
نقره لعرض الصورة في صفحة مستقلة


.
.
.
جازت لي هالشجرة الخضراء
نقره لعرض الصورة في صفحة مستقلة


.
وعلى فكرة ..بغيت أمسط بس الله فكن ...كنت أمشي بين الصخور ومير أثر به صخر ناتئ شوي << يعني قصدي صاير كأنه صعنون بالأرض ..ومير يخطرف لي ...وعلى يساري مافيش على طول خنبط وأثري تحت بس فكن الله ماطحت أشوى ...أصلا لو اني طايح تسان ماتقرون هالتقرير ...ياليت الدولة تشيل هكالحصاة ..أو يحطون عنده علامة تحذير ..أو يحطون تحت بالوادي مشتشفى
.
.
.
نكمل الصور
هناك مقولة قوية بأن الفيل كان موجود في جبال السروات ...وهي مقولة مازال الحديث والنقاش دائر حولها ..لكن أنا لقيت الصراحة دليل قوي بهالخصوص ...لقيت أنياب فيلة وصورتهن لكم
نقره لعرض الصورة في صفحة مستقلة



.
الصحيح انه نوع من الحشرات " السراوة " يموت مدري يغير جلده مدري وش يصير له << وإلا تحسب ان هنا من يبي يصدقك يالأخو ؟
.
.
.
رجعنا إلى شقتنا بسلام ولله الحمد بعد يوم جميل ...
ومن باتسر الجمعة ...مدري وراهم عند تحويل الراجحي بهالشكل صاروا العمال
نقره لعرض الصورة في صفحة مستقلة


.
.
في اليوم التالي كان هدفنا الحبلة ... الحبلة جميل جدا لكن يعيبها هياط الشباب وحركاتهم
يصفون جنب الطريق وماتمر سيارة إلا ويهسترون ويسوون حركات ثقيلة دم خصوصا اذا صار بالسيارة عباة تشوف عاد حركاتهم
منظرررر
نقره لعرض الصورة في صفحة مستقلة


.
.
.
قررنا بعد الغداء أن نتجه إلى المطل...وتوجهنا على رجلينا وهذي الصورة قبل ناصل
نقره لعرض الصورة في صفحة مستقلة


.
.
.
وصلنا ...ولقينا فتحة بالشبك << أجل الشبك فل كامل نقره لعرض الصورة في صفحة مستقلة
لايابن الحلال لقينا بالشبك فتحة ودخلنا معه عشان نكون على الهوية مباشرة ...إلا على طاري الهوية ...وراه الهوية الوطنية الجديدة تقعد أسبوعين ؟ نقره لعرض الصورة في صفحة مستقلة
وصورنا يوم دخلنا مع الفتحة اللي بالشبك
نقره لعرض الصورة في صفحة مستقلة


.
.
.
سبحان الله يالون الشماغ <<< أنت وين والناس وين
نقره لعرض الصورة في صفحة مستقلة


.
.
.
زوووووووووم لحدر
نقره لعرض الصورة في صفحة مستقلة


.
.
.
بيوت قديمة تحت
نقره لعرض الصورة في صفحة مستقلة


.
.
.
ترى هذا جالس على الجال ...يعني لو يبي يجي عند وجهه ذباب ويبي يهشه تسان جا ملوي الله يستر
نقره لعرض الصورة في صفحة مستقلة


.
.
.










التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 05:55 AM   #4
هزيم الرعد
 
افتراضي


غيرنا مكاننا واتجهنا لجهة فيها العوائل ودخلنا من عند شبك آخر مفتوح وصورنا زيادة بمكان كنا فيه تماما فوق محطة التلفريك اللي أسفل الحبلة
التلفريك وهو نازل مدري وهو طالع وحدتن منهن اكيد لاهوب لاف يمين ولايسار
نقره لعرض الصورة في صفحة مستقلة


.
.
.
هذولا على الحافة وعلى ماقال رؤوف خليف بالمليمتر ياحبيبي بالمليمتر
نقره لعرض الصورة في صفحة مستقلة


.
.
.
اللي يجي للحبلة ولايكون معه ترمس شاهي وفرشة ويتكي هنا فهو غلطان ...تداعبك نسمات الهواء
نقره لعرض الصورة في صفحة مستقلة


.
.
.
بالزوم تحت
نقره لعرض الصورة في صفحة مستقلة


.
.
.
الجهة المقابلة
نقره لعرض الصورة في صفحة مستقلة


.
.
.
هناك شفت مايشبه التجويف بالجبل بس صغير ما أدري وشو الصراحة ..يعني كأنه مكان ينقط عليه المطر طول الدهر وصار بهالشكل ..بس المشكلة ان هالمكان مكشوف ولاحوله يعني جبل عشان نقول انه ينحدر منه المطر
نقره لعرض الصورة في صفحة مستقلة


.
.
.
سبحان الله
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وكان فيه تحدي من يطب له سانودتش صبة وببسي بس ما أحد صمل
نقره لعرض الصورة في صفحة مستقلة


.
.
.
صدع بالجبل سبحان الله
نقره لعرض الصورة في صفحة مستقلة


.
.
.
شوف شوف ...هذا اللي يسمونه التلفريك وتراه رخيص بالحيل بستين ريال للشخص الواحد
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
في هذه الأثناء كان على يسارنا الغرف اللي نقول لكم واللي تصلح للعوائل الصراحة بس بس لازم تجي بدري وتحجز مكانك
نقره لعرض الصورة في صفحة مستقلة


.
.
.
الناس لما ينزلون من التلفريك يمشون على رجولهم
نقره لعرض الصورة في صفحة مستقلة


.
.
.
متجهين لهالبيوت القديمة
نقره لعرض الصورة في صفحة مستقلة


.
.
.
تاكين تحت ومبسووووووووووطين
نقره لعرض الصورة في صفحة مستقلة


.
.
.
وتقابل الرايح والجاي
نقره لعرض الصورة في صفحة مستقلة


.

.
وهنا شباب يقومون بدودلة رجيلهم بطريقة خطرة
نقره لعرض الصورة في صفحة مستقلة


.
.
.
منظر للحبلة والملاهي
نقره لعرض الصورة في صفحة مستقلة


.
.
.
يوم جينا نطلع من منطقة العوائل اثر فيه أمن بنجلاديشيين او شيمن هالقبيل عند البوابة .. ونظراتهم لنا فيه ريبة .. ويهارجون بعض بلغتهم << أجل ييهرجون فرنسي ؟
قلت له ترانا عزاب محناب عوائل
قال كيف انتا دخول هنا ؟
قلت مناك شبك كربان كلو نفر هأ << وأسوي روحي قدامه أقمز
وبالطريق عائدين لم اهلنا صورت لكم هالمملوحة وه بس وهي بهالشعار
نقره لعرض الصورة في صفحة مستقلة


.
.
.
زحمة يادنيا زحمة
نقره لعرض الصورة في صفحة مستقلة


.
.
.
وسمرنا
نقره لعرض الصورة في صفحة مستقلة


.
.
.

وعدنا إلى مبيتنا ....
وهنا أقدم لكم صورة أحسن واحد يحكر خبز الجباتي ...ياعليه وعلى طعمه .. صح شكل البوفيه مش ولابد .. بس شي خطير
آخذ منه الصبح جباتي وشاهي عدني اللي هو شاي وحليب ...وياسلام أحسن وجبة بدول عدم الإنحياز
نقره لعرض الصورة في صفحة مستقلة


.







التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 05:56 AM   #5
هزيم الرعد
 
افتراضي


الرحلة إلى وادي لَجَب
كانت أمنيتي اني أزوره العام الماضي لك ما أراد الله .... لكن هالسنة ...وبحكم أننا حمولة نقره لعرض الصورة في صفحة مستقلة
يعني فيه إمكانية انه يروح البعض ويبقى البعض
أولا ماهو وادي لجب ؟
وحقيقة الوادي أنه عبارة عن صدع وانكسار في الجزء الشرقي من جبل القهر "زهوان" يرجع تاريخه إلى حدوث الانكسار الإفريقي العظيم ... حيث ظهرت جبال ناهضة ذات صخور شديدة الصلابة تختلف عما جاورها في التركيب الصخري واللون ..يمتد طوله لـ 11 كيلو ...ويتقابل بعد 3 كيلو تقريبا من بدايته بصدع آخر طوله تقريبا كيلوين متر وللوادي حواف مرتفعة وشديدة الإنكسار ويبدأ الوادي ضيقا بطول كيلو متر ثم يتسع تدريجيا ويصل في أقصى اتساع له 30 متر وتجري فيه المياه من مصب الوادي جهة الجنوب وتتجه شمالا لمسافة 11 كيلومتر حتى تصب حتى تصب في وادي بيش
ويتنوع فيه الغطاء النباتي من شجيرات صغيرة إلى إلى عملاقة ومن حولية إلى معمرة ومن أهم النباتات فيه شجر النخيل والأشجار المتسلقة والعدن والسنط والأشجار المعمرة وذات الأوراق العريضة وغير ذلك ...
كل هالمعلومات تشوفونها ان شاء الله بلوحة مصورة بمدخل الوادي
وللعلم ...مدخل الواحد شمالا ...والسيول تأتي من جهة الشمال .. يعني لو يجيك سيل مالك إلا رحمة رب العالمين وإلا السيول تبي تشيلك ...والخطورة أيضا في أنه ممكن يجيك السيل من الجبال البعيدة يعني مايلزم أن المطر ينزل عندك قريب وهذي خطورة الوادي
وهنا شرح لما مر به أحد الرحالة وهو الرحالة المعروف حمد العسكر وكيف انه حضر وقت الأمطار والسيول بالوادي
قال
ومن خلال زيارتي لهذا الوادي والتي زادت عن 6 مرات تعمدت في إحداها أن أمكث في الوادي وقت سقوط الأمطار الموسمية وقد تتبعت ذلك من خلال حركة السحب وبالفعل خلال يومين في الوادي كنت أنتظر قدوم السيل وأنا بالداخل في المكان الآمن ... وذلك لكي أرى ما يجري بالداخل ... قد لا أستطيع وصفه كما ينبغي ولكن يكفي أن أقول : [ هطلت أمطار غزيرة وكان أول ما نشاهده : ونحن داخل هذا الأخدود مشهد مرعب قدوم السيل نحوك بسرعة جارفة ومخيفة يصاحبها صوت غليظ للماء والصخور والهواء الذي يتدفق على شكل تيارات سريعة ويصحب هذه الأصوات اهتزازات يمكن أن تشعر بها - المشهد الثاني ، الماء في الأماكن الضيقة يرتفع لمنسوب يتجاوز 3 أمتار بسرعة جريان هائلة محدثاً صوتا قوياً لا يوصف ... وأفضل مكان يمكنك أن تشاهد هذا المنظر منه عند جريان السيل هو من الأعلى نحو بداية المدخل - المشهد الثالث : وهو الأروع نزول الشلالات الكثيرة من الأعلى وأكبرها وأضخمها الشلال الذي يقابل المكان الآمن في استراحة المندي ... وتكمن خطورة هذا الشلال في أمرين الأول إذا زادت كميات الماء الساقطة منه يضرب في الأرض ويرتد بقوة نحو مكان الاستراحة يمكن لك الاختباء في المصلى أو خلف الأشجار لكن السيارة قد تتضرر بفعل الحصى المتطاير. والخطر الثاني وهذا قليل حدوثه وقد ذكره لي الإريتري إبراهيم العامل هناك بالمندي ... تهطل الأمطار في أجزاء شرقية عن الوادي بغزارة وفجائية ودون مقدمات يفاجئ الشلال من أسفل منه في الوادي وأحياناً يسقط معه صخور يجرفها. المشهد الرابع : سماع هزيم الرعد الذي يدوي الجبال ويهز المكان رهبة وخشية من الله سبحانه وتعالى ... ]

سبحان الله
صورة للوادي تبين طول مسافته
نقره لعرض الصورة في صفحة مستقلة


.
.
.
والصورة الثانية تبين المدخل ..ومكان مستوطنة القرود كما ذكر حمد العسكر وقال انها خطيرة
نقره لعرض الصورة في صفحة مستقلة


.
.
.
طيب من وين الطريق للوادي ؟
الطريق للوادي لمن هم في أبها ...النزول مع عقبة جازان " عقبة ضلع "...ولما توصل الدرب تروح يسار من عند إشارة المرور باتجاه بيش مسافة 40 كيلو وهو طريق جازان بنفس الوقت
بعد بيش وفي الطريق إلى صبيا تجيك محلة غاوان وهي قرية صغيرة جدا قبل صبيا تقريبا بـ 28 كيلو من عندها مفرق يروح للحقو ..المفرق مهوب واضح لما توصل هناك اسالهم عن طريق الحقو والريث
لما تروح يسار تستمر مع هذا الطريق مسافة ليست بالقليلة ويكون الطريق مثل العقبة فيه طلوع ونزول حتى تصل إلى الريث ...وهي اقرب منطقة حية لوادي لَجَب حسب ماشاهدت
في الطريق إلى وادي لجب وقبل الوصول إلى بيش بأربعة كيلو مرينا على مفرق مسلية وهي قرية صغيرة
مسلية هذي الله يسلمكم كان عمي الله يغفر له أمير عليها ..حيث أن عمي عاش في جازان وعمل هناك وانتقل من عمل إلى عمل تابعا لإمارة المنطقة ...منطقة جازان
صورة للوحة مسلية
نقره لعرض الصورة في صفحة مستقلة


.
.
.


إليكم الصور وحنا بالطريق بعد مافرقنا من عند محلة غاوان
طريق فيه انعطافات شديدة وارتفاعات وانحدارات ...طريق رغم خطورته إلا أنه كان جميل
وكان الجو مهوب صافي ذاك اليوم
نقره لعرض الصورة في صفحة مستقلة


.
.
.
شفنا هالمملوح ماشاء الله قدامنا ولقطنا له صورة
نقره لعرض الصورة في صفحة مستقلة


.
.
.
بالطريق محطة بنزين
نقره لعرض الصورة في صفحة مستقلة


.
.
.
الطريق يجيك على شكل زاوية وبعدها طلعة شديدة يعني أحيان تقول وش لون ابطلع من هنا تحس ان الموتر يبي يزلق
نقره لعرض الصورة في صفحة مستقلة


.
.
.
ونزوووووووووووول
نقره لعرض الصورة في صفحة مستقلة


.
.
.
والتواءات
نقره لعرض الصورة في صفحة مستقلة


.
.
.
وكمان
نقره لعرض الصورة في صفحة مستقلة


.
.
.
البعير اللي مايبهر من الهيل
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
مازلنا في الطريق
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وصلنا مركز الريث ...والسفاري تراه أخوي بس لا أحد يدري
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
نهضة عمرانية
نقره لعرض الصورة في صفحة مستقلة


.
.
.
نقطة التفتيش
نقره لعرض الصورة في صفحة مستقلة


.
.
.
من أهالي الريث باللبس الشعبي ...
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
الجميلات يتمخطرن ..ويمشن بكل أدب جنب الطريق
نقره لعرض الصورة في صفحة مستقلة


.
.
.








التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 05:57 AM   #6
هزيم الرعد
 
افتراضي

شعاب ووديان
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
ومع الطرق الملتوية والمرتفعات ...ارتفعت درجة حرارة الموتر ... قلنا مابدهاش ..شغل الدبل ...صك التكييف ... شغل الرادو على اذاعة القرآن ...إذا بخاطرك كلام لأي واحد من اللي معك وودك تقوله له من مبطي قله هالحين احتمال الله يستر مايمديه يشره عليك
نقره لعرض الصورة في صفحة مستقلة


.
.
.
نزلت الحرارة والله الحمد إلى مستوى معقول ...
ووصلنا لمدخل واحد لَجَب
المدخل بعد هاللوحة بتقريبا 20 متر يسارا
نقره لعرض الصورة في صفحة مستقلة


.
.
.
هذا المدخل ويتضح بأن السيارات الصغيرة تتوقف هنا ويكملون أصحابها مشيا
نقره لعرض الصورة في صفحة مستقلة


.
.
.
وكان قدامنا راعي هالشاص ...وهنا مداخل لو قابلتك سيارة لازم ترجع أو هو يرجع يعني مايتسع إلا لسيارة وحدة
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
سبحان الله
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وهذا مطعم بالمدخل ...كل يوم جمعة بوفيه مفتوح لحم قردة كككككككك
أمزح ...المطعم يبدو انه مهجور والله أعلم
نقره لعرض الصورة في صفحة مستقلة


.
.
.
وهنا وقفنا سياراتنا لأنه صار الطريق لايمكن اكماله بالسيارات
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وبدينا بالمشي
نقره لعرض الصورة في صفحة مستقلة


.
.
.
وأنت تمشي ماتسمع إلا خرير الماء وهديل الضفادع << أجل هديل يالأخو ؟
أجل وش يقال له صوت الضفادع ؟
<< يقال له صهيل
إيه صح
نكمل لكم الصور ...وعذرا لكم نبي نكثر من الصور لأن المكان جميل جدا والعدسة ماراح تعطي رؤيا العين الحقيقة
شجرة باسقة
نقره لعرض الصورة في صفحة مستقلة


.
.
.
استراحة المحاربين الله اكبر
نقره لعرض الصورة في صفحة مستقلة


.
.
.
همن كملنا ..وكانت الساعة تقريبا الثانية عشر ..والجو عموما بدرجة حرارة تقريبا 34 الهواء مقبول والشمس حارة
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
سافروا ماودعوني سيبوني وراحوا
نقره لعرض الصورة في صفحة مستقلة


.
.
.
في هالصورة ضفدع ابحث عنه واحصل على جائزة ثمينة
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
يازين الطبيعة
نقره لعرض الصورة في صفحة مستقلة


.
.
.
سبحان الله لاحظ هالشجرة كيف متمسكة بالحياة وجذورها مكشوفة
نقره لعرض الصورة في صفحة مستقلة


.
.
.
زوووووووووم
نقره لعرض الصورة في صفحة مستقلة


.
.
.
خرير الماء ... شلال سعمبود
نقره لعرض الصورة في صفحة مستقلة


.
.
.
واشجار التصقت بالأحجار
نقره لعرض الصورة في صفحة مستقلة


.
.
.
الضفادع تأخذ شمام حمس << قصدك حمام شمس أنت وش عرفك بهالأمور
نقره لعرض الصورة في صفحة مستقلة


.
.
.
ومازلنا نواصل المسير ...تعبت من المشي وانا بس اشوف الصور نقره لعرض الصورة في صفحة مستقلة
نقره لعرض الصورة في صفحة مستقلة


.
.
.
عاد الحقيقة ان الصور لاتعكس حقيقة المسافة اللي مشيناها ...يعني المسافة اللي مشيناها ما أعتقد انها تتعدى كيلو ونصف
.
.
.
والسيول تجرف جذور هالشجرة وهي تقاوم للحياة
نقره لعرض الصورة في صفحة مستقلة


.
.
.
ووصلنا لهذا العائق ..ماكان عائق شديد لأننا تخطيناه بس بعده لقينا مكان زين وجلسنا بوه
نقره لعرض الصورة في صفحة مستقلة


.
.
.
ياسلام
نقره لعرض الصورة في صفحة مستقلة


.
.
.







التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 05:58 AM   #7
هزيم الرعد
 
افتراضي



وقررنا ان يكون هذا مكان التكية جنب تجمع السيول هذا
نقره لعرض الصورة في صفحة مستقلة


.
.
.
كنا جينا مع طريق ...وربعنا مع طريق آخر لكنه أصعب
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وجعلنا من الماء كل شي حيا
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وتكينا تحت ظلال هالشجرة ...والظاهر ان هذي شجرة سنط ... باين من اوراقها متسنطات << مايبي له يالخبير على طول جبته نقره لعرض الصورة في صفحة مستقلة
نقره لعرض الصورة في صفحة مستقلة


.
.
.
أعضاء الفريق أول ركن
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
طبيعة رائعة
نقره لعرض الصورة في صفحة مستقلة


.
.
.
لعبنا عليهم قلنا ان في الشجرة بيض نعام ...وحسام يضبط الدور عليهم
نقره لعرض الصورة في صفحة مستقلة


.
.
.
وهناك من صدق وجا يشوف نقره لعرض الصورة في صفحة مستقلة
نقره لعرض الصورة في صفحة مستقلة


.
.
.
هذي تكيتنا وخلفنا تماما مجمع المياه
نقره لعرض الصورة في صفحة مستقلة


.
.
.
زوووووووووووووووووم
نقره لعرض الصورة في صفحة مستقلة


.
.
.
اصابة في كاحل عبادي ولكن لن تمنعه من المشاركة في المباراة القادمة
نقره لعرض الصورة في صفحة مستقلة


.
.
.
ياجمال هالمكان
نقره لعرض الصورة في صفحة مستقلة


.
.
.
وبدأت مغامرات السباحة في المياه المتجمعة من الأمطار
نقره لعرض الصورة في صفحة مستقلة


.
.
.
طافش يابخت المياه اللي تطافش بها
نقره لعرض الصورة في صفحة مستقلة


.
.
.
ونزل بكل هدوء حسام للبركة وهو لابس كوتشات
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وصالح طب يسبح سباحة ظهر
نقره لعرض الصورة في صفحة مستقلة


.
.
.
يسبح بالكوتشات اعزكم الله ...وحتى الآن مازالت الحكمة مجهولة نقره لعرض الصورة في صفحة مستقلة
نقره لعرض الصورة في صفحة مستقلة


.
.
.
طافش يابخت المياه اللي تطافش بها
نقره لعرض الصورة في صفحة مستقلة


.
.
.
البركة الطبيعية
نقره لعرض الصورة في صفحة مستقلة


.
.
.
جذع شجرة معترض ...وحتى الآن ماندري وش القرار اللي هو معترض عليه نقره لعرض الصورة في صفحة مستقلة
نقره لعرض الصورة في صفحة مستقلة


.
.
.
ياسباح
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
هذه الجميلة أبت إلا أن تحيينا عن قرب
نقره لعرض الصورة في صفحة مستقلة


.
.
.
عدم اهتمام بالمكان ...
نقره لعرض الصورة في صفحة مستقلة


.
.
.
لاحظ الجذع سبحان الله ...ولاحظ الحصاة اللي تفصل بين صخرتين
نقره لعرض الصورة في صفحة مستقلة


.
.
.
انهكه التعب بعد عبور بحر المانش
نقره لعرض الصورة في صفحة مستقلة


.
.
.









التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 06:02 AM   #8
هزيم الرعد
 
افتراضي


وهنا الشباب وجدوا لهم بركة ماء ثانية بعيدة شوي وراحوا له
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
عروق الشجر سبحان الله
نقره لعرض الصورة في صفحة مستقلة


.
.
.
وبعد ماتقهوينا هناك وتشهوينا وانبسطنا واكلنا بسكوت ومدري وشو حيث انه لعب بنا الجوع ... رفعنا روسنا وش نشوف
كأن وادي لجب يقول لنا ارجوك ابعد ترى في الجو غيم
نقره لعرض الصورة في صفحة مستقلة


.
.
.
فقررنا المغادرة وتزهبنا ومشينا
هنا شباب تاكين في ماكن آمن إلى حد ما
نقره لعرض الصورة في صفحة مستقلة


.
.
.
بالزوم
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
وبما اننا حبينا هالمكان ...قررنا اننا ان شاء الله السنة الجاية نرجع له اذا احيانا الله ...وحنا طالعين سمعت صوت بالجبل يقول هالكلمات
باللهجة المصرية
لو ضروري تسبني خد مني الحنين
واختصر بعد السنة خليه يومين
قبل ماتسافر بعمري اسقني الشوق والمنا
واطلق الصبر بوريدي قبل مايطول بعدنا
.
.
انا سمعت هالكلام الجميل ومير اشاهق ...واخم الوادي قلت مايخالف سنة وحنا جايين

معليش ودي امحش الدموع دقيقة بس
.
.
.
هذانا رجعنا
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.

وشفنا القردة في وادي لجب
نقره لعرض الصورة في صفحة مستقلة


.
.
.

نقره لعرض الصورة في صفحة مستقلة



.

هذا المنظر الجميل شوهه علبة المرطبات في يمين الصورة
نقره لعرض الصورة في صفحة مستقلة


.
.
.
تنوع بتكوين الصخور بالوادي
نقره لعرض الصورة في صفحة مستقلة


.
.
.
هنا وقريب من مدخل الوادي توجد هالبركة لتجميع مياه السيول للإستفادة منها
نقره لعرض الصورة في صفحة مستقلة


.
.

شجرتين عملاقتين
نقره لعرض الصورة في صفحة مستقلة


.
.
.
لوحة بمدخل الوادي
نقره لعرض الصورة في صفحة مستقلة


.
.
.
وهنا نعتبر خرجنا من الوادي
نقره لعرض الصورة في صفحة مستقلة


.
.
.
شجرة سبحان الله عروقها بالجبل
نقره لعرض الصورة في صفحة مستقلة


.
.
.



وعند عودتنا بالطريق إلى أبها مرينا على مسلية وصورنا مدخلها
نقره لعرض الصورة في صفحة مستقلة


.
.
.
ما أدري وش الحكمة من هذه الأكواخ ياليت اللي عنده فكرة يقول لنا
نقره لعرض الصورة في صفحة مستقلة


.
.
.
تحت في أول العقبة درجة الحرارة
نقره لعرض الصورة في صفحة مستقلة


.
.
.
وفوق في أبها درجة الحرارة
نقره لعرض الصورة في صفحة مستقلة


.
.
.
إذا أنت من راعين الفطاير وتحبهن وزرت خميس مشيط يوم من الأيام فـ مر على هالمطعم واطلب فطاير خصوصا الكرافت ...وادعي لي
نقره لعرض الصورة في صفحة مستقلة


.
.
.
أحد زواجات أهالي الجنوب اللي حضرته واستمتعت فيه
نقره لعرض الصورة في صفحة مستقلة







التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 06:03 AM   #9
هزيم الرعد
 
افتراضي



صور يوم السودة اليوم الأخير وهو أجمل الأيام الحقيقة
اتفقنا على الذهاب إلى السودة ...وكان هناك من تقدم بدري وراح للسودة عشان يحجز مكان
وحنا بالطريق للسودة كان الجو رائع جدا ....ومبين عليه ان اليوم يبي يكون يوم غير عادي
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
السحاب كان يمشي من اليسار لليمين شوفوا كيف سبحان الله
نقره لعرض الصورة في صفحة مستقلة


.
.
.
درجة الحرارة
نقره لعرض الصورة في صفحة مستقلة


.
.
.
وصلنا بوابة دخول المنتزه ...منطقة العوائل والجو كذا
نقره لعرض الصورة في صفحة مستقلة


.
.
.
وهنا ربعنا متكين من الصبح وكان وصولنا اليهم تقريبا الساعة وحدة الظهر
نقره لعرض الصورة في صفحة مستقلة


.
.
.
هو حنا جلسنا ما امدانا ولا نتقهوى ...ومير تمطر مطر جميل جدا مع اصوات الصواعق
نقره لعرض الصورة في صفحة مستقلة


.
.
.
نزلت من السيارة مصمم على التصوير مع اني ترطشت على ماقالوا
نقره لعرض الصورة في صفحة مستقلة


.
.
.
وهذي صورة ثانية
نقره لعرض الصورة في صفحة مستقلة


.
.
.
بعضنا جلس معتقدا بأن المطر لن يدوم فأخذوا شراع أزرق وجلسوا تحت الشجرة ومن هنا صوروا الصاعقة نقره لعرض الصورة في صفحة مستقلة
نقره لعرض الصورة في صفحة مستقلة


.
.
.
لاحظ قوة الوبل
نقره لعرض الصورة في صفحة مستقلة


.
.
.
وبعده حبيبات البرد
نقره لعرض الصورة في صفحة مستقلة


.
.
.
التصوير من السيارة
نقره لعرض الصورة في صفحة مستقلة


.
.
.
البرد
نقره لعرض الصورة في صفحة مستقلة


.
.
.
وهلت علينا مرة أخرى
نقره لعرض الصورة في صفحة مستقلة


.
.
.
واستقرت حبة هالبرد على ترمس القهوة اللي شربناها في السيارة بسبب الأمطار
نقره لعرض الصورة في صفحة مستقلة


.
.
.
درجة الحرارة 13 فقط الساعة تقريبا ثنتين الظهر
نقره لعرض الصورة في صفحة مستقلة


.
.
.
مهند والبرد
نقره لعرض الصورة في صفحة مستقلة


.
.
.
بعد توقف المطر أصبح الجلوس بالمكان صعب
نقره لعرض الصورة في صفحة مستقلة


.
.
.
والعالم تحركوا خارجين من السودة ...رغم أن المفترض أن تكون التكية بعد الأمطار لكن ممكن فيه ناس عندهم ظروف أو مشغولين أو شي << ياسلام عليك يافاهم اقول كمل التقرير ولايكثر
>> سم أبشر
السيارات وهي تتحرك خروجا من السودة
نقره لعرض الصورة في صفحة مستقلة


.
.
.
ماشاء الله تبارك الله ..الله يخليهم له ...حركة حلوة
نقره لعرض الصورة في صفحة مستقلة


.
.
.
وتكينا بمكان حلو
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
نقره لعرض الصورة في صفحة مستقلة


.
.
.
الصورتين أعلاه من تصوير صالح ولدي ...واعجبتن خصوصا الثانية رايقة ..ماشاء الله عليك وأنا أبوك ...تصوير جميل وباين عليك ان شاء الله على هالتصوير الحلو انك تبي تطلع محضر مختبر << وش دخله ؟
نكمل الصور ومابقى وازد
مالز وطاب
نقره لعرض الصورة في صفحة مستقلة


.
.
.
يقول المثل الإهمال ضيع ماجمع
حروق من الدرجة الرابعة
نقره لعرض الصورة في صفحة مستقلة


.
.
.
شبينا وسمرنا بالليل وكانت فعلا أجمل ليلة لنا في أبها مثل العام الماضي أزين يوم كان آخر يوم بأبها
نقره لعرض الصورة في صفحة مستقلة


.
.
.
وآخر صورة لعشانا في مطعم السنارة في خميس مشيط ...وهو مطعم أكلات بحرية ..ولكن من يحب الأكلات البحرية ويمر على خميس مشيط لايفوت مطعم الكركند للمأكولات البحرية فهو أفضل من السنارة ولا الفرق والأسعار متقاربة بين المطعمين
نقره لعرض الصورة في صفحة مستقلة


.








التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 06:26 AM   #10
هزيم الرعد
 
افتراضي

وهكذا احبتي واخواني واخواتي نكون قد أنهينا هذا التقرير البسيط عن رحلتنا لأبها هذا العام
نقاط مهمة
أولا
أبها هذا العام افضل من العام الماضي من حيث الجو والصحبة والأناسة
ثامنا
الأسعار حسب مابحثت وكان بحث بسيط ماارتفعت واجد .. بس الصحيح الا ارتفعت << خايف احد يهوشه
الصراحة أنا اتصلت على شقق كنت العام سكانها ...كانت العام بـ 500 وهالسنة بـ 550
ممكن غيرها ارتفعت أسعاره أكثر والله أعلم
يبقى عيب المنطقة الجنوبية القيادة بجنون وقطع الإشارة والتجاوز الخاطئ والإستهتار والمرور هناك نايم بالعسل
بعكس طيبتهم وتعاملهم الرائع
خامسا
أشكر كل من مر من هنا وشاهد التقرير وهن أحد يشوف التقرير ولا يرد
سابعا
اي واحد عنده سؤال عن أبها هذا العام..... لا يسألن ...الصراحة عجزن أرد عليه << تحسبونن أبقول لكم تفضلوا
مقلبتكم نقره لعرض الصورة في صفحة مستقلة
الصحيح عاد يسال وماله إلا طيب الخاطر
ثالثا

شكرا لكم








التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 09:29 AM   #11
ريع الدياب
 
افتراضي

هزيم الرعد

ماشاء الله تبارك الله يابوصالح والله يسعدك عن هالتقرير اللى ما بعده تقرير
ساعة كاملة وأنا أتصفح فيه وارجع الى بعض أجزائه وأتوقف بين ثناياه
أضحك على جمال التعابير وملاحتها وفترات أخرى أطيل الوقوف على صور
الطبيعة الرائعة التى سجلتها أناملك
بدأت بتدوين بعض العبارات مثل (ثلج أصلى بارد) و (الهواء العبيل) وانتهيت
بدفتر تعابير مسجلة خصوصى بهزيم الرعد
من أمتع وأجمل وأدق تقارير مصايفنا الجميلة ... شكرا لا تكفى جميلك علينا







التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 11:49 AM   #12
خالد الشريهي
 
افتراضي

الحمدلله على السلامه ابو صالح

طولت الغيبه وجبت موضوع رائع


تصوير جميل واسلوب مشوق وممتع


مشكور وعافاك الله







  رد مع اقتباس
قديم 31-08-09, 02:18 PM   #13
المهنّد
رحال مشارك
 

 رقم العضوية : 6422
 تاريخ التسجيل : 25 - 2 - 2009
 المشاركات : 233
 الحالة : المهنّد غير متواجد حالياً


من مواضيعي
» نيكون دي 3 إٍس - Nikon D3S
» من العايدين
» غزوة بدر الكبرى
» كادي وفانوس ، والنور مدسـوس !!
» كانون 7 دي

افتراضي

ما شـاء الله تبارك الله

شـي جميل وبالعافية عليكم

وأسـلوب مرح وشـرح وافي

ووادي لجب من ضمن الخطة القادمة إن شـاء الله


شـكرا لك








  رد مع اقتباس
قديم 31-08-09, 04:25 PM   #14
هزيم الرعد
 
افتراضي

اقتباس:
المشاركة الأصلية كتبت بواسطة أبو اسماعيل مشاهدة المشاركة
هزيم الرعد


ماشاء الله تبارك الله يابوصالح والله يسعدك عن هالتقرير اللى ما بعده تقرير
ساعة كاملة وأنا أتصفح فيه وارجع الى بعض أجزائه وأتوقف بين ثناياه
أضحك على جمال التعابير وملاحتها وفترات أخرى أطيل الوقوف على صور
الطبيعة الرائعة التى سجلتها أناملك
بدأت بتدوين بعض العبارات مثل (ثلج أصلى بارد) و (الهواء العبيل) وانتهيت
بدفتر تعابير مسجلة خصوصى بهزيم الرعد

من أمتع وأجمل وأدق تقارير مصايفنا الجميلة ... شكرا لا تكفى جميلك علينا
أبو إسماعيل ....
ياهلا والله وسهلا فيك ....أسعدني جدا أن التقرير أعجبك ....
وتراي بعد ماجبت كل اللي عندي بالتقرير
<< لاحظ ان الغرور ركبه ههههههههههههههههه
أشكر لك لطيف مرورك وجمال كلماتك وحلاوة ردك يابو إسماعيل
شكرا لك وبارك الله فيك وياهلابك







التوقيع
نقره لعرض الصورة في صفحة مستقلة
  رد مع اقتباس
قديم 31-08-09, 04:27 PM   #15
هزيم الرعد
 
افتراضي

اقتباس:
المشاركة الأصلية كتبت بواسطة خالد الشريهي مشاهدة المشاركة
الحمدلله على السلامه ابو صالح


طولت الغيبه وجبت موضوع رائع


تصوير جميل واسلوب مشوق وممتع



مشكور وعافاك الله
الله يسلمك يابوعبدالله ويجزاك خير ياخي
مشكووووووور يابوعبدالله على الرد ولاهنت
أخي يك أبوصالح







التوقيع
نقره لعرض الصورة في صفحة مستقلة
  رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:52 PM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
 
هلا ديزاين