قصيدة الشاعر ضاوي العصيمي بالطير ,,,,,,

[الوافي عزام]

السلام عليكم ورحمة الله وبركاته



هذي القصيده للشاعر المعروف ضاوي بن عايض العصيمي ( المعروف لايعرف )

وارجوا ان تستمتعوا بها
وانا شخصيا احب هذه القصيده وخاصه اذا سمعتها بشريط القنص وحيث ان القائها بطريقة الحدا

والفريد بهذه القصيده انها تصف الطير وفعوله وطريقة هدده وشجاعته

نتركم مع القصيده :




ياقلم بألحان سجل وصف ضاوي *** لاتزيد ولاتنقص في كلامه

شاف شي(ن) هيض القلب الشقاوي *** نعنبو من يلحق العاشق ملامه

عاشق اللي ماتقربه المناوي *** حلم صقار(ن) كبيرات حلامه

نادر(ن) نوعه لكل الزين حاوي *** مايوصف به غير برجال الزعامه

مثل اخو نوره اليا جت العزاوي *** الامام اللي ينومس في مقامه

حر(ن) اشقر ريش للعلايا شفاوي *** يوم شالوا برقعه شفت القرامه

شفت فعله ماروالي كل راوي *** مشهد(ن)يكرم عن افلام الندامه

شدني لمشاهده وانا هواوي *** قمت اتابع معركة عنف وصرامه

معركه بين الحبارى والنداوي *** هو يبا الصيده وهي تبا السلامه

يوم جاها من علو الجو هاوي *** كوبرت له ثم لمسها حسامه

ناشها رمح مثل رمح العطاوي *** او سهم مزيد اليا طش العمامه

وارتفع ثم جالها بالشر ناوي *** وهي تدرق من ثمامه في ثمامه

صايده وقت القى ماهوب ياوي *** صاعها به ثم جعل فيها علامه

ضيعت من ضربته كل الهقاوي *** وسلمت له طايعه وادرك مرامه

كافحت لاكن جاها امر(ن) سماوي *** مضرم(ن) في قلبها نشب سهامه

وحايلوه اهل المدايح والسناوي *** ولاخذوها لين حطو له حمامه

اخر بيت هذا شغلنا بالحبارى لابغينا ناخذها من الطير عشان نعلم طيورنا الثانيه



وارجوا ان تنال على استحسانكم

[ابو فراس]

ابو محمد قصيدة رائعة وياليت كانت بالصوت لكانت اروع

[ثامرالماضي]

بسم الله الرحمن الرحيم

الغالي أبومحمد ...

بيض الله وجهك على هالقصيده الرائعه فعلاً ... وصح لسان الشاعر ضاوي ...

الصراحه تصوير رائع جداً ... للمعركه ...

وأعجبني هالبيتين ... ومن يعيش هذه اللحظه وهو ينظر للطير والحبارى تلقى يده على قلبه ههههه

صايده وقت اللقى ماهوب ياوي *** صاعها به ثم جعل فيها علامه

ضيعت من ضربته كل الهقاوي *** وسلّمت له طايعه وادرك مرامه

الله لايهينك يابومحمد ... وماقصرت ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

[الوافي عزام]

ابو فراس / هلا وغلا بك
وشاكر لك مرورك الكريم
وبالنسبه للصوت والله مانيب راعي بخص بتنزيل مقاطع صوت والا فيديو
لاكن القراءه فيها بركه ان شاء الله

ابوشعلان / هلا ومرحبا بك
ووجهك ابيض وصح بدنك يالغالي
لاهنت على مرورك الكريم


وبالتوفيق للجميع

[ولد الدوادمي]

أررررحب يبو محمد

صح ألسسسسانك يالغالي وألسان الشاعر

ولاعدمنااااك والله على هالنقل الموفق

وأنشهد إن الطير ولعه من قرب حولة

تولـع فيه

ولـك كل الحب والإحترام

[جمعان الخثيمي]

عز الله قصيدة كا فيه ووافيه من رجل وافي..صح لسان الشاعر وبيض الله وجهك يا بو محمد..

تحياتي لك

[عبدالكريم اليوسف]

الغالي
ابو محمد
يشهد الله انها لوحه فنيه
رسمت وصيغيت بشكل ابداعي
لاعدمناك يالامير

وصح لسان شاعرنا

اخوك

[محمد المعارك]

وصف رائع وجميل ويحاكي طريقة هدد الطيور على الحبارى.

صح لسان الشاعر ومشكور اخي الوافي عزام على اختيار هذه القصيدة .

بارك الله فيك.