كيف تركب آخر نسخة من جارمن على جوالك (نسخة Garmin Mobile XT 5.00.20)
السلام عليكم ورحمة الله وبركاته ،
بناءاً على طلب قريب كتبت إيميل عشان يعرف كيف يركّب جارمن على أي جوال نوكيا وغيرها من الجوالات اللي تستخدم نظام سيمبيان الجيل الثالث. بس بعد شوي تفكير حبّيت انشرها للجماعة لتعم المعلومة :
بحثت قبل شهر تقريباً بالنت ولقيت جارمن منزلين نسخة جديدة من برنامجهم
Garmin Mobile XT 5.00.20
عشان تحل مجموعة من المشاكل.
وإليكم كيفية تركيب البرنامج على الجوال أخذتها من موقعهم الرسمي وترجمتها وطبعاً هي بس للجوالات اللي تستخدم نظام سيمبيان الجيل الثالث زي إن خمسة وتسعين.
تعليمات التثبيت
الخطوة الأولى :
زي أي تثبيت أو تحديث ، المفروض انك تسوي نسخة احتياطيةلبياناتك الخاصة. راجع دليل جوالك عشان تعرف كيف تسويها.
الخطوة الثانية :
هذي الخطوة بس للناس اللي مثبّت عندهم البرنامج بنسخة سابقة. إذا ما عندك البرنامج من أصل فانتقل للخطوة السادسة.
عشان تستورد إعداداتك ومساراتك واحداثياتك بعد ما تسوي تحديث ، لازم تسوي لها تصدير. شغل البرنامج واضغط على "أدوات" ثم "إدارة بياناتي" ثم اختر "إدارة". اختر "تصدير جي بي اكس". هذا يبي ينشئ ملف يحتوي كل بياناتك المخزنة. ثم اختر "تم" بعدين اطلع من البرنامج.
الخطوة الثالثة :
انسخ هالملف إلى مكان آمن (نبي نستخدم هالملف بعدين لما نسوي استيراد بيانات) وهذا موقعه
اسم الذاكرة\Garmin\GPX\CURRENT.GPX
بعد النسخ امسحه من ذاكرة جوالك.
الخطوة الرابعة :
اشبك جوالك بالكمبيوتر عن طريق يو اس بي وبيظهر لك كأنه فلاش يو اس بي أو ادخل الذاكرة بالكمبيوتر
الخطوة الخامسة :
امسح هالملفين
اسم الذاكرة\Garmin\Apps\Symbian\res\GarminMobileXT.SIS
اسم الذاكرة\private\10202dce\GarminMobileXT_PA.SIS
الخطوة السابعة :
شغّلها بنفس ترتيبها باتباع التعليمات السهلة وبعد ما تنتهي افصل السلك إن كانك موصّل جوالك بسلك يو اس بي أو رجع الذاكرة لجوالك كانك شابك الذاكرة.
ملاحظة مهمة : بعد كذا إذا ما ظهر على جوالك انه قاعد يثبت لازم تسوي التثبيت بطريقة يدوية وهي بتشغيل البرنامج الموجود بذاكرة الجوال وهو هذا :
اسم الذاكرة\GarminMobileXT.SIS
وتقدر تعرف نسخة البرنامج الحالية بعد التثبيت بتشغيل البرنامج واختيار "أدوات" ثم " إعدادات" ثم "حول" وهي بالسطر الثاني. بس قبل هذا المفروض تجيك شاشة فيها أربعة اختيارات ... عليك بالأخيرة وهي لمحاولة التوصيل بالبلوتوث وبعد ما تختارها بيحاول البرنامج اكتشاف جهاز بالبلوتوث وما عليك إلا أنك توقفه بالضغط على زر الإلغاء الواضح بوسط الشاشة.
الخطوة الثامنة :
هذي الخطوة للناس اللي عندهم البرنامج من قبل بنسخة سابقة وسوّوا الخطوة الثانية إلى الخامسة. وإن كانك أول مرة تثبّت البرنامج فانتقل للخطوة العاشرة.
اطلع من البرنامج (كانك فاتحه) وانسخ الملف
CURRENT.GPX
اللي سويناه بالخطوة الثانية وحطه هنا
اسم الذاكرة\Garmin\GPX\CURRENT.GPX
وإن لزم فاستبدله بالملف السابق.
الخطوة التاسعة :
شغل البرنامج. عملية الاستيراد المفروض تتم بس إن ما اشتغلت فاختر "أدوات" ثم "إدارة بياناتي" ثم ثم اختر "إدارة" ثم "استيراد جي بي اكس". بياناتك المخزنة المفروض رجعت.
الخطوة العاشرة :
اللي تو كانت آخر خطواتهم والحين نبدأ بخطواتي. أول شي اطلع من البرنامج وحمّل من النت أو جب لك خريطة مناسبة وانصح بهذي لأن فيها النسخ الأخيرة من خرايط الشرق الأوسط والبحار والبر (براري من دار موجه وصحراء من السياري) الرابط الأول أو الرابط الثاني أو الربط الثالث 1 و الرابط الثالث 2 لأن الرابط الثالث مقسم لجزئين ولازم تدمجهم عن طريق وضعهم بمجلد واحد ثم فك الضغط عن الأول وبرنامج فك الضغط المفروض لحاله يكمّل فك الضغط من الثاني بنفسه دون تدخّل منك.
الخطوة الاحدعش :
بعد ما تنزّل ملف الخريطة وتتأكد ان اسمها
GMAPSUPP.IMG
انقلها لمجلد الجارمن بجوالك
اسم الذاكرة\Garmin
الخطوة الاثناعش :
شغل البرنامج واختر "أدوات" ثم " إعدادات" ثم "حول" وسجل الرقم اللي قدام كلمة
Card ID
الخطوة الثلاث طعش :
نزّل الملف بالرابط هذا وفك الضغط عنه وشغّل البرنامج
garmin_kgen.exe
ثم ادخل بالخانة الأولى الرقم اللي سجّلته بالخطوة السابقة ثم اضغط على
Generate
وانسخ الرقم الطويل اللي طلع لك.
الخطوة الأخيرة :
اشبك جوالك أو ذاكرته بالكمبيوتر ثم افتح مجلد جارمن اللي بالجوال وانشئ فيه ملف نصّي بصيغة تكست
txt
وسمّه
SW.UNL
والصق فيه الرقم الطويل اللي نسخته بالخطوة السابقة. بعد كذا امسح امتداد الملف هذا مع النقطة واللي هو
.txt
وان كان هالامتداد ما ظهر لك فعليك اظهاره عن طريق اعدادات وندوز أو نظام التشغيل اللي تستخدمه.
ايكوم ، وايّاك. قاعد أفكّر الحين في اقتراحك وشلون أسوّيه ولا أظنّها صعبة. يمكن أمسح البرنامج من جوالي وأعيد تثبيته بس عشان آخذ صور أثناء التثبيت أو أسجل فيديو كل السالفة هذي وأحطّها بيوتيوب. بس أحتاج وقت ومشكور على الاقتراح ...
نوماس سدير ، جزاك الله خير يابو خالد لا هنت ... إلا تستاهلون ونص وثلاثة أرباع
الله يبارك فيك وفي هالمنتدى الطيب.
بارك الله فيك أخوي أبو فهد
و سوف نأخذ بوصية الأخ الغالي نوماس سدير فلن ولن نوفرك
و اهلا وسهلا بين إخوتك الذين يشرفهم تواجدك بينهم
و أنا أضم صوتي مع الأخوة بوضع صور للمواضيع القادمة
جزيت خيرا ، و زوجت بكرا ، إن لم تكن متزوجا
كيف تركب آخر نسخة من جارمن على جوالك (نسخة Garmin Mobile XT 5.00.20)
العرض العادي
