|
أطول همر
السلام عليكم ورحمة الله وبركاته أحبتي أحيطكم بأني من عشّاق الغرائب ومحبي العجائب وموضوعي هذا اليوم عن شيء يندر علينا ولم نرى مثله إنه همر طويل يبلغ طوله (((( 8 )))) أمتـــــــــــــــار وقد أتى به صاحب المحل الجديد الذي تم أفتتاحه خلال الأسبوع الماضي يركن هذا الهمر بالقرب من الأشارة الخماسيّة المحاذية للمحاكم الشرعيّة في مدينة بريدة يقع بجوار ما كدونلدز والذي أتى بهذا الهمر شركة اليحيا البائعة للأثاث ولا ادري ما إذا كان الهمر لليحيا أم لا !!!! صاحب هذا المتجر الفخم على العموم سيزودني بالخبر غداٍ وبإذن الله حتى آتيكم بصور من داخل هذا الهمر الجميل وش رأيكم يصلح للرحلات ========= ========= وكيف تكون قيادته على العموم آخر صورة تعرفون كيف تكون القيادة أخوتي لا تخفاكم الحركة في ساعات النهار وكثرة المارة ووجود السيارات حول هذا الهمر فقرّرت أن آتي إليه في الليل كي آخذ راحتي في التقاط الصور وإليكم النتائج أحد أبنائي يقف بجانب الصدّام وتلاحظون البعد الذي بيني وبينه ======= ويقف مرّة أخرى من الجهة اليسرى يفكّر أنه يجي مثل الشيخ قوقل كككككخخخخخ هههههه والله لو يبتل إلى ما تقضي رجليه ويمشي على ركبه ... لا أستغفر الله ودّي بس الوقت ما يطيعه قرأت جميع الكتابات التي على الكفر ومن ضمنها مقاسه الــ 17 صورة للشاصيه وتلاحظون عدد الوصل لأعمدة الكرادين ....جبته وإلا لا صورة من الخلف اوضّح لكم باقي محرّكات الهمر أنهمر بالخير صورة لسقف الهمر وكأنه سطح بيتنا من طوله ..... أغديه ما ينخفس صورة من واجهة الهمر الله يجيركم أستباق للنظر صورة لداخل الهمر وأين النعومة والأناقة ياللكسز ما تب عاقل يالوليدي :confused: أقول يالربع وش جاب شامه لـ لامة والوعد إذا جت مربعانيّة القيض وصرنا بالصمّان يالشايب لعنبو ذا تقل سرو عجز يقضي وهذه الصورة من الإنتر نت كانت لدي في الأرشيف . |
بارك الله فيك فعلا الهمر عجيب ونحن بأنتظار الصور من الداخل واتوقع اليحيا جايبه دعايه لمحله والله اعلم شـكــ وبارك الله فيك ـــرا لك ... لك مني أجمل تحية . |
اقتباس:
حبيبي بسّام وكلامك يمكن صحيح واللي فتح بهالمكان وبهالفخامه يمكن له الهمر واصبر علي هاليومين وأجيب لك العلم وعسى الله يرزقه ويعطينا حدا السجاد الروميّات للصيد الجاي ضحكه :: ـــ يعقب هالهمر مقابل هالجير اللي معك . |
ههه
هههه ههههه ههههههه الف مشكور |
اقول ما يبدل بكامري وزيدني 60000 ريال وتراني مراعيه في السعر
ههههههههههههههههههه يسلموا على الصور والله يهني راعيه فيه |
أتوقع إن هالسيارات (( الليموزين )) تستخدم لأغراض تسويقيه لإجتذاب عدد كبير من المستهلكين (( خاصة ً في عدم تواجد مثل هالنوعيه من السيارات لدينا بالمملكه )) في الختام أقول لك شكراً ياشيخ قوقل [/align] |
اقتباس:
والله انك حبيب ياعاشق الترحال أقول امسك الكامري بس ولا تزيده هو اللي يزيدك هههه صدق اللي يقول (( مالك بالطويلة يابن ترحال )) طيب لو أرتفعت حرارة هالأقشر هالمعدّة وخرب .... هات ان واحد يجرّك أو راعي سطحة يجي يشيل هالعلّة المطاولة الطويلة ماله إلا حل واحد هذا إذا خرب ود بعضه اليوم وباقيه كل يوم ود شوي منه أشكرك على هالطرفة ومعك كامري ياعاشق الترحال أفا عليك . |
[quote=عبدالحميد الحربي (( أبو فهد ));123036]
أتوقع إن هالسيارات (( الليموزين )) تستخدم لأغراض تسويقيه لإجتذاب عدد كبير من المستهلكين (( خاصة ً في عدم تواجد مثل هالنوعيه من السيارات لدينا بالمملكه )) في الختام أقول لك شكراً ياشيخ قوقل أبو فهد حلوة مداخلتك (( بعد نظر )) . |
ههههههههههه الله يعافيك على التغطية يالغالي
هذا والموتر مقفل اجل لو تلقاه مفتوح وش بتصور وش بتخلي انا اشوفه دايم هالموتر خصوصا عند جامعة الملك سعود وحولها يتواجد فيها بكثرة لك كل الشكر والتقدير موفق بإذن الله ... لك مني أجمل تحية . |
الظاهر يا شيخ قوقل أنه للدعاية زي ما قالوا
أما كيفية الاستفادة منه داخل المدن والمجمعات السكنية فلا أدري ! وهو في الصحراء لا ينفع نفسه بسبب طوله أنا لو عندي فلوس زودت الهمر قد مرتبة ثالثة وربما حطيت طابق للعفش والهمر عريض بما فيه الكفاية |
اقتباس:
والله لو الموتر مفتوح لأجيب لك صور للفيوزات الملونه اللي يسار الطارة وأني لأدخل مع الأديتر وأطلع مع غطا البنزين هههههههه عاشق الفكسار لا شكر على واجب وتستاهلون أكثر وانتم يالتجّار ياأهل الرياض عندكم قروش بحر وفلوس كتير وتذكّر ان هذا المنتدى (( منهل لا ينضب من المعرفة والتشويق )) . |
اقتباس:
بس لا تمزّع كبدك من الضحك ألف مشكور |
اعلمك شي
والله إنك شيخ قوقل حتى قوقل غار منك ههههههههه ماشاء الله في كل بحر قطره الله لا يضرك ويزيدك من واسع فضله لا هنت يابعدي ابوخالد |
مكثور الخير يابو عبدالعزيز
شف هالموتر يصلح للسفر بس يكفيك عنا الشقق المفروشه صح انك تبي تبلش بالملفات بس ترتاح من اطماع اصحاب الشقق سؤال (اقدر اركب له غريفة نوم) !!!!! للراحة بس لاتروح بعيد وابي شبك دون البزران تصريفه سلمت ياغالي |
اقتباس:
اقتباس:
اقتباس:
معقول ما عندك فلوس !!!!!!! على العموم كان ودّك أعطيك 40 ألف وتصير خالي ...ودّي والله وياليت ههههه أجل ياخال تبي ترهمه وتحط طابق مثل موتر أبو عبدالله الشريهي ....... لا ياخال الهمر أمريكي يعني الثقة لك علْيَه وموتر أبو عبد الله (( باترول )) مرورك ياخال نقط على حروف ومع السلامة ياخالي خالي . |
اقتباس:
أنا مانب شيخ قوقل يعني أنا ماني شغّال عند قوقل ولا عند ابوه ولا ني على كيفه ههههههههه أنا (( الشيخ قوقل )) بكبره يعني بعظمه وشحمه وقوقل هالأيام مرسلن لي رساله على البريد ولا ردّيت عليه تخبرhttp://www.saaup.com//uploads/images...f05a2a7e71.gif وأرسل رسالة على الجوّال يقول لعنبو بليسك خف شوي على الرحلات تراك ضربت سوقي قلت له لا لا لا مابعد شفت شيء إن ما أعدمتك أعدام ما أكون أنا أحب الرحلات هههههههههه دعابة أدّعاء وأبرك ياجمل من المفضّل لدي أن اقتطف من كل بستان زهرات جميلة وأنثرها في أراضي الرحلات الخصبة التي لا ينضب منهلها من المعرفة والتشويق نوماس سدير أنت من الذين لهم وزنهم في هذا المنتدى ..... أسأل الله لك التوفيق والسداد . |
هههههههههههههه
يا بيلك والله تنسيييييم أعلمك ماشاء الله تبارك اله خوفي يشترونك المنتديات منا << صار لآعب كورة ههههههه انا اشهد إنك غالي ع المنتدى يالغالي ابوخالد |
اقتباس:
تدري أنك تمون وأني أحبك يانوماس سدير على شان كذا تستهتر يالحلا 1ـــ والله أنّك حول حروه لكن ماهوب بالفلوس طلبت ولُح علي ولا زال الطلب قيد الحاجة والكميّة قليلة جداً ههههه 2 ـــ تقول لا عب كورة بالفعل لا عب الكورة يعز فريقه ويسير به إلى الأمام والصعود به للقمم وهكذا أي كاتب داخل أي منتدى وأنا أشهد أنك غالي ومرورك عطر على مواضيعي ومنتدانا الرحلات غالي ورحلاتنا مع النشامى أحلى أخوك الصغير (( الشيخ قوقل )) . |
ماعاش من يستهتر فيك يابوعبدالعزيز
بالعكس ... انا اقول يشترونك المنتديات بسبب روعة مواضيعك مب نقصان ولا شي سلمت يالغالي ع الرد الطيب وهذا من طيب ساسك ابوخالد |
اقتباس:
أبو خالد الشك زايل ومرفوع والقلوب شواهد على المحبّة أما حول المنتديات فوالله ثم والله أنني مطلوب ولازال العرض قائم ولكن أنا رحلاتي درجة أولى وحريص على الكتابة في هذا المنتدى فقط وعسى الله يسدد الخطى ويصلح النيّة . |
| الساعة الآن 04:20 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir