|
Canon PowerShot SD900 كاميرتي
هلا بالرحلاتية كلهم كيفكم طيبين الله يتمم عليكم بنعمته قدر الله علي وشريت هالكمرة من جرير بسعر 1600 ريال ونفس السعر لدى جيان طبعاً دقتها 10 ميجا بيكسل وهاذي بعض الصور لها وهاذي ملحقاته طبعا ربعنا يضفون نص الملحقات الله يهديهم ويبوعنها مفرده اتمنى اراء اخواننا الأفاضل مع محبتي |
ماشاء الله مواصفات قوية ..بس يبلها ذاكرة اكبر من 32 ميقا
الف مبروك اخوي زوووم .. لكن وين زكاتها :) |
اختيارموفق
لكن ممكن تعطينا مواصفات الكاميرا التفصيلية |
ماشاء الله
مبروووك عليك الكاميرة الجديدة ان شاء الله نشوف ابداعاتك قريبا وباذن الله لي عوده الليلة بمواصفات الكاميرة التفصيلية لاني مشغول هالحين تقبل تحياتي |
ولد نجد اكيد اخوي 32 ماتسوي شي
وزكاتها ان لاحال الحول الله يطيب فالك هلا بالجارمن صراحة انا مالي بالكاميرات مره بس اخوي صقر موصي عليها ومابعد صقر كلام ليت احد الاخوان يتفضل بمعلومات عنها العنبري تسوي اخوي خير الله يشرف مقدارك رفيقك طاف انواع التصوير ماخليت جدار ماصورته نحاول نطلع افضل وضعية ياليت تفيدنا بمواصفاته للجميع تقديري |
مبروك اخي زوووم
الكاميرة ميزتها صغر الحجم مع 10 ميغا بكسل ... قمة الروعة . الله يطعمك خيرها ويكفيك شرها . وننتظر أولى رحلاتك بهالكاميرة المبروكة . بارك الله فيك. |
اخوي زوم كميره رائعه وصورها ممتازها والوانها قمه
فيه بس انه لا يوجد فيها مانع اهتزاز |
اخوي صقر امين والله يجازيك بخير
وابشر باللي يسرك والله يبارك فيك اخي الكريم ابو عبدالعزيز مشكور لمرورك الكريم ومثل ماتفضلت تنقصها هاذي الميزة سلامي للجميع |
بسم الله الرحمن الرحيم مبروك ياخوي زووم الله يعطيك خيرها ويكفيك شرها وبنتظار ابداعاتك ماهوب لازم ننتظر للرحلات الجايه تلفت حولك تلقى شي زين اكيد:D بالتوفيق يالغالي |
الله يبارك فيك اخوي ابو صقر
مرورك اسعدني وعن قريب ان شاء الله بتشوف صورها لك تقديري |
بالبركة يالامير ومادام صقر هو اللي شار عليك ما بعده حسايف لاتبطي علينا بالابداع اخوك |
هلا بالغالي ابو محمد الله يبارك فيك
ويسلم استاذنا صقر مالك الا الي يطيب فالك ابو محمد تقديري لك |
وهاذي من الميزات اللي صراحة اعجبتني في هاذي الكميرة ميار الله يصلحة وعناق مع فشقة جحة http://www.alrahlat.com/vb/uploaded/384_1182257971.jpg محمد راصه على الجدار لين اخلص http://www.alrahlat.com/vb/uploaded/384_1182258127.jpg وهذا كوب شاهي http://www.alrahlat.com/vb/uploaded/384_1182258232.jpg اتمنى ان تحوز على رضاكم محبكم زوووم |
هلا والله باخوي زوووم اسف على التاخير نظرا لانشغالي بالنسبة للكاميرة انا لم اجربها ولم اتعامل معها ولكن ساسرد لك مواصفاتها واحكم عليها من خلال المواصفات 10 ميغا بكسل مايحتاج كلام السنسور 1.8/1 جيد الايسو Auto, 80 ,100, 200, 400, 800, 1600 ممتاز ماكرو 5سم جيد فتحة العدسة F2.8 - F4.9 لا باس بها الشتر 1/2000 مناسب جدا تصوير الفيديو ممتازة الذاكرة 32 MB SD قليلة وينبغي شراء ذاكرة اعلى منها مثلا 1 غيغا فهي رخيصة بحوالي 60 ريال تقريبا حجم الشاشة 2،5 ممتازة والوانها عالية جدا 230،00 بكسل عموما مواصفات الكاميرة ممتازة وشركتها غنية عن التعريف والله يطعمك من خيرها ويكفيك شرها وان شاء الله نشوف ابداعاتك قريبا تقبل تحياتي وتقديري |
اخوي العنبري الله يخليك لعين ترجيك
الف الف شكر على هالمعلومات الوافية الكافية وهذا المجهود الرائع لك تقديري اخي الكريم |
بسم الله الرحمن الرحيم أخوي الغالي زوووم ... بالمبارك ماشاءالله ... الله يطعمك من خيرها ويكفيك شرّها يارب ... والله الله بالصور الزينه ... تسني أشوفك أول ماشريتها ماغير تصور وتمسح :D ... وماخليت شي ماصورته هههههه ... الله يهينك بها يارب ... وننتظر إبداعاتك بها ... ,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,, |
الله يجعلها مبروكة وانا ادور كمرا جيدة لكنى لحد الان محتار مادري وش اخذ
|
أبو شعلان هلا وغلا فيك اخوي
امين ان شاء الله والله انك صادق ماهناء شي ما صورته اول يوم شحتنها ثلاث مرات طاف الله يجزاك خير اخوي كان الله يبارك فيك اخوي والله اتوقع ان هالكاميرا تناسبك فيها هوايل بس انا جديد عليها مشكور اخوي |
الغالي شف فرق السعر عن طريق الانتر نت والوكيل ياخذ حقه بزيادة http://www.buydig.com/shop/product.aspx?sku=CNPSSD900 لاتهون |
هههههههههههههههه
لا مانيب مهون $329.00 الصراحة فرق يابو محمد بس الشكوى لله على هالتجار مشكور ابو محمد على هالمعلومة |
| الساعة الآن 12:56 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir