|
انفجرت بطارية السيارة (صور)
بسم الله الرحمن الرحيم
بمجرد تدوير سويتش التشغيل سمعت صوت قوي وأبخرة متصاعدة من داخل غرفة المحركات (الكبوت) وفجأة انطفأت جميع لمبات السيارة وصارت حصاة جامدة لاتتحرك. ظننت أن أحد الشباب مجهز لي مقلب ووسعت الصدر فتحت غطاء المحرك وجدت : http://www.alrahlat.com/uploads/201...1304154193.jpg الثانية http://www.alrahlat.com/uploads/201...1304154193.jpg الثالثة http://www.alrahlat.com/uploads/201...1304154193.jpg الرابعة http://www.alrahlat.com/uploads/201...1304154193.jpg فور اكتشاف الانفجار عملت الاحتياطات الواجبة وهي تنظيف جميع المناطق التي طالها ماء البطارية لأن الاسيد سيأكل البوية والحديد معاً ولذا قمت انا والشباب بغسل المنطقة المصابة كلها، ولله الحمد اقتصرت الاضرار على البطارية فقط. سلام |
الله يعوضك اطيب منها لكن ماتدري وش السبب الي خلاها تنفجر حاجه غريبه علي صراحه |
الحمد لله على سلامتكم الحمد لله إنك ماشغلت السيارة والكبوت مفتوح .. وأحد جنب الكبوت من خويانك كان والله مشكله كبيره ,, لكن الله سلم ولطف الغالي راعي الشاص .. الحمد لله إنها جات بالبطارية .. ولاهي بشيء أكبر نغزة / يقولون مرقة التيس زينه للخلعات ( إن كان فيكم أحد إخترع ) |
الحمدلله على السلامة و الله غريبة صراحة اول مرة اشوف هذا المنظر
|
أولاً الحمد لله على سلامتك ومعوض خير ثانياً ماحصل معك شيء غريب حيث أن الأنفجار للبطارية يحدث عند عمل قصر كهربائي ( شورت سيركت ) عليها بموصل قوي أما إنك شغلت السيارة وأنفجرت البطارية وهي من نوع ممتاز يجب عليك مراجعة الوكيل ربما أن هناك خلل مصنعي . وقد سبق أن حصلت أمامي ونالني من الحب جانب أثناء تركيب بطارية شاحنة ولكن ولله الحمد جات سلامات . سؤال : لاهنت هل أنت مركب بطارية إضافية ؟ |
أخوي جساس : والله ما اعرف شهو السبب فقط حاولت اشغل السيارة سمعت هالانفجار ثم فتحت الكبوت لقيت اللي انت شفت.
أخوي عبدالحميد الحربي السطر الاخير من ردك ما فهمته ؟ سحمان السبيعي: اشكرك اخوي على المرور والدنيا تجارب وخبرات بس الله ستر. أبو عمر الحمد لله على سلامتك اخوي وجت سليمة لكلينا. البطارية هي الاساسية وما ركبت اضافية وهي لموتر عندي من نوع فرتشنر. |
الحمد لله على السلامه :) ياراعي الشاص .. واهم شي (السيفتي ) في الرحلااااااات :1aa: حلوووه يوم قلت تحسبه مقلب من الشباب .. يعني مقالبكم خطيرررررررره :1aa: ياراعي الشاص !!!:D تعليق على مقاله اخوي ابو فهد : نغزة / يقولون مرقة التيس زينه للخلعات ( إن كان فيكم أحد إخترع ) http://www.tran33m.com/vb/smiles/ima...zeIcon-447.gif :Dبيرتفع سوق التيوس يادكتور عبدالحميد هههههههه http://www.tran33m.com/vb/smiles/ima...zeIcon-447.gif |
المقالب، الله لايوريك
للخلعات ؟ وش معناها ؟ |
الخلعات = هي الدهشه وازدياد سرعة ضربات القلب وتبقيق العيوووون :smailes26: >>> يتلفسف ولاعرف http://www.tran33m.com/vb/smiles/ima...zeIcon-417.gif ناس يقولون اختلع وناس يقولون ارتاع عاد انت شف وش تقول :D :Dشكل الموضوع بينقلب ترجمة كلمات http://www.tran33m.com/vb/smiles/ima...zeIcon-417.gif |
الحمد لله على السلامة اخوي راعي الشاص ولايوجد صناعة جيدة مثل السابق |
اختلع = ارتاع بمفهومي
مضبوط فهمت الآن وبرجع لرد ابو فهد وافهمه من جديد ههههاي تصدق اني حسبت ان فيه خطأ إملائي وماحبيت استعجل والف شكر لك اخوي بدوي حضري. الخلع بمفهوم ديرتنا له عدة معاني الخلع = انفصال شيء من شيء مثل خلع الكتف. أما الخلع بمفهوم الاولين فهو أكله قديمة وهي قطع من اللحم نتجت عن طبخ الدهون في الذبيحة انا ادري فلسفة زايدة لكن مايمنع نتفلسف انا وانت واللي يحب والمجال مفتوح للجميييييييييييييييييييييييع |
حياك الله اخوي حرمل
وصدقت يالغالي ، الصناعة ماهي زي اول لاهنت |
الحمد لله على السلامه
|
سلمك الله اخوي ابو ابراهيم
وشكراً لك. |
الحمد لله على السلامه وربك ستر .
لاهنت |
الحمد لله على السلامة ياسمي
لاعدمناك |
حمداً لله على السلامة ...
أخوي راعي الشاص الحمدلله على سلامتك والبطارية تهون ...
بس والله أني ضحكت ( والله لا يعاقبني ) يوم شفت في الصور ( لا تحتاج صيانة )... في نظري الأن ( تحتاج إلى تغييير ) .... وتقبل تحياتي ,,, |
الحمد لله على سلامتك اخوي راعي الشاص ،،،،،، ناس يقولون اختلع وناس يقولون ارتاع عاد انت شف وش تقول نقول انخرع من الخرعة ،،، وانفجع من الفجعة ،،، انخلع من الخلعة ،،،،، |
الحمد لله على سلامتك
الغش طال كل الأشياء |
حنا وأنا أخوك من يوم تم تصنيع البطارية عندنا وحنا بدبور
من النادر جدآ اليوم أن تعيش معك بعد السنة إلا أشهر قليلة اثنان أو ثلاث أما سابقآ فكانت تعيش البطارية سنين0 عمومآ الحمد لله على سلامتكم وأنا أخوك 0 |
ألف الحمدلله ع السلامة يالغالي
ومعوض خير ان شاء الله اتوقع والعلم عند الله بسبب الحرارة الزائدة ع البطارية لذلك تجد بعض السيارات لها فتحة تبريد عند مكان البطارية مثل الجيب النسيان عندي محبكمـ عبدالله |
الله فكك يارجال الحمد لله
تقبل مروري |
الحمد لله على السلامه الله يستر
|
محمد بن سيف عبدالكريم اليوسف عاشق ترهيم احمد الثقفي سعد الماضي الرهدن Abdullah K. AL-Hassan رحالة الشرق ابو زامل الف شكر لكم اخواني ، وسلمكم الله من كل مكروه. |
اضحكتني عبارة (( لا تحتاج إلى صيانة )) صدقوووووا شيء غريب سلامة دائمة لك ولسيّارتك |
شكرا شيخ قوقل ، شرفت الموضوع.
|
أهم شي أنك ما ختلعت .. ( الحمد لله على السلامة )
|
الحمد لله على السلامه
في رأئي المتواضع يصير انفجار البطاريه من ثلاث اشياء فقط لاغير والآخوان ذكرو اثنين الا وهي . 1- بعض ملاك السيارات يقوم بتركيب لوج طاقه شمسيه فوق سطح السياراه وهاذا شي ممتاز في حالة انه قام بتركيب المنظم اللذي يقطع التعبئيه عندما تمتلئ البطاريه ______ أما اذا لم يقوم بتركيب المنظم فا أحتماليه انفجار البطاريه وارد يسبب التعبئيه الاجباريه للبطاريه من لوج الطاقه الشمسيه. 2- في التصميمات الحديثه للسيارات يكون قرب البطاريه من المكينه او رديتر السياره يعرضها للحراره مما يتلف البطاريه بسرعه لا تتجاوز الشهور ومثال ذلك ان البطاريه الاصليه لسياراتك ليست الموضحه بالصوره مما يعني انك قمت بتغيير البطاريه بعد تلفها (ببطاريه صناعه محليه ) وياقلب لاتحزن من ردأته صناعتنا المحليه وهاذا اللي فجرها . 3- في حالة التماس اصبع البطاريه السالب والموجب (التماس قوي بواسطة تلامسها مغ الكبوت )يتم تفجير البطاريه مما يؤدي في بعض الآحيان الى أحتراق السياره وهاذا ما يحصل في الحوادث . اقدم لك نصيحه لك ولالآخوان هو تلبيس البطاريه (بلستك كفر ) وذلك لحمايتها من الحراره وفي نفس الوقت الحد من الآصابات لاقدر الله في حالة الآنفجار . ارجو اني قمت بالمشاركه بما يفيد موضوعك والسلام عليكم . |
|
| الساعة الآن 06:01 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir