قاعدة لثلاجة السيارة
 

أعضاء وزوار الرحلات
السلام عليكم ورحمة الله وبركاته وبعد

الكل الآن يستعد إن شاء الله للبر والرحلات ولابد يكون معه ثلاجة سواء ترمس أو على كهرب
وهذه قاعدة ليست غريبة ولاجديدة عليكم ولكن من باب التذكير
لكن بحكم أني توي شاري ثلاجة ركبت لها قاعدة تكون ثابتة على الطبق
طبعاً أنا أحملها معي فقط وقت الذهاب للبر ولست من راعين الصيد ( مافيه ضرر من وجودها على الطبق)
وهذه مثبتة بسمارين على الطبق وتقدر تلف عليها ( سبتة التي يشد بها العفش ) إذا خفت تخرج من القاعدة عند وجود مطب

http://www.alrahlat.com/vb/uploaded/472_1193596451.jpg

http://www.alrahlat.com/vb/uploaded/472_1193596520.jpg


http://www.alrahlat.com/vb/uploaded/472_1193596591.jpg

ما شاء الله تبارك الله

شغل جميل وأنيق وتصميم حلو

الله يعطيك العافية

مشكور اخي الروضة
شغل ممتاز
ولي ملاحظة بسيطة وسؤال
وضعها فوق الطبق يجعلها تتعرض للمطبات بشكل أكبر .

كيف تفتح الثلاجة إذا كانت فتحتها في الأعلى ؟

أختم القول ان القاعدة رائعة وشغلك عدل وممتاز.

وبارك الله فيك.

شغل حلو اخوي الروضه

مشكور اخوي الروضة
وشغلك عدل
شف لي طريقة لتركيبها على الشاص
لاهنت.

تصدق اني احتاج واحدة مثلها
وين تنباع ؟
هي من تصميمك ، او جاهزة ؟
كم تكلفتها؟

شغل جميل وأنيق وتصميم حلو

الأخ الضاحي
حياك الله ومشكور على تشريفك يالغالي

الأخ صقر
حياك الله وياهلابك وبملاحظتك
طبعاً القاعدة ثابتة بمسمار فوق الطبق وثابتة على الطبق بسبتة الربط للعفش وبصراحة لو صورت السبتة الكان وضحت الفكرة
وبالنسبة لفتح الثلاجة طبعاً الغطاء متحرك ( أشيله بالكامل ) يعني مايضايق
وبارك الله فيك

الأخ قناص الحباري
اللهم آمين وجزاك الله خير على مرورك الطيب

الأخ راعي سامودة
حياك الله وياهلابك

الأخ أبو شعلان
حياك الله وياهلابك
طبعاً هذه الثلاجة مالها مقاضب
وأنا ثبت لها القاعدة وأربطها بالسبتة حقة العفش
( وإذا ماوضحت فكرة الربط ) أنا مستعد أصورها وأضعها بس آمر أمر

الأخ راعي الشاص
الأمر أسهل بكثير
ولو معي شاص الكان أوريك كيف أتفنن به
طبعاً أعتقد تضع لها نفس القاعدة هذه لكن زد في الأرتفاع 30سم ثم ثبت القاعدة بـ الهنقلين من الجنب
( المسامير تكون بالجنب بدل الأسفل وتكون في الزاوية من الخلف أقرب للأغراض

الأخ المربد
حياك الله وياهلابك
طبعاً هذه من تصميمي وسعرها 60ريال
وأي استفسار انا في خدمتك
الأخ باجيرو
ياهلابك وبمرورك الكريم

الروضه يعطيك العافيه على المجهود قاعده عمليه ووذفه. بس لاهنت تكلفتها ومكان تصليحها . اخوي صقر اذا كانت ثلاجه الطمره مافيه مشكله الباب ينزع كله.

ماشاء الله .. تبارك الله ..
شغل عدل ..
وفقك الله ..

شغل تمام ومتكتك
مشكور أخوي

أخوي ذيب العرمة
حياك الله وياهلابك
طبعاً تكلفتها 60ريال ومسويها في الزلفي عند ورشة الدريويش وأعتقد أي حداد يسويها مافيها حركة فنية

الأخ هدد
حياك الله وياهلابك

الأخ هزيم الرعد
ياهلابك وبمرورك الكريم

بارك الله فيك

السلام عليكم ورحمة الله وبركاته وبعد :

تحيه طيبه لصاحبنا (الروضـــــه) :

عندي اقتراح بسيط لعله يحوز على رضاك - بعد الله -وهو ان تقوم بما يلي :
1/ ارفع الطبق إلى أعلى تقريباً 10سم .
2/ قم بفتح فتحه بالطبق على مقاس الثلاجه.
3/ قم بوضع الثلاجه داخل الفتحه وبالتالى سوف تنزل إلى أسفل ويكون لها قاعده ملحمه بنفس الطبق تثبت عليها الثلاجه - تقريباً نفس القاعده الى معك -.
4/بالتالى ستستفيد من امور منها:( أ )-تكون الثلاجه مثبته بدون اي تربيط أو سبت.
( ب )-سهولة فتح باب الثلاجه .
( ج )-اتساع المكان -إلم يكن السبير (الأستبنه)داخل الدبه.



مع فائق تحياتـــــــــــــــــــــــــــــــي

الأخ monsixnet
حياك الله وياهلابك

الأخ أبو زايد
حياك الله والله لايحرمنا منك ومن مداخلاتك

الأخ قناص النعايم
وعليكم السلام ورحمة الله وبركاته
وحياك الله ومشكور على إقتراحت
وتصدق نفس التفكير هذا كان طاري على بالي لكن فكرت قلت إذا نزلت مكان الثلاجة داخل الطبق يضيق علي الطبق وخصوصاً أن إستعمالي للثلاجة محدود يعني في الرحلات الطويلة
وعرضت الفكرة على واحد من الربع طبعاً قبل ماأسوي أي شي وقال الفكرة هذه أفضل

ومعليش على التأخر في الرد يالغالي

مشالله تبارك الرحمن

تقطعها بالعافية

عزالله إنك كفيت ووفيت

الأخ الروضة
شـكــ وبارك الله فيك ـــرا لك ... لك مني أجمل تحية .

السلام عليكم

والله شغل روعة الله يهنيك

لي عدة اسئلة طال عمرك

الثلاجة وش نوعها وكم اشتريتها ومن وين

وكم لك شارية وكيف عملها معك

كذلك القاعدة من وين وكم التكلفة

ايضا الغطاء الخارجي لها كم سعره ومن وين

شكلي كثرت الاسئلة

تقبل احترامي

اخوك

ابو عبدالله