|
الــــحـــــل الأمــــثــــل لــتــســريــب السوائل من الـــجــركـــل
بسم الله الرحمن الرحيم السلام عليكم ورحمة الله وبركاته اخواني بعد طول غياب حبيت اشارك بحل مشكلة تسريب الماء و((البنزين))ايضا من الجركل فقد جربت نوعين من السيليكون الابيض والشفاف وكانت التجربه بوضع قطع من السيليكون في قارورة بها بنزين ولمدة اكثر من شهر ولم تتحلل ولم تتأثر الا بشكل بسيط في الحجم فقط يعني للبنزين تنفع 100% والان نبدأ بسم الله الرحمن الرحيم الصوره الاولى عباره عن مكونات العمل كلها 1-سيليكون 2- عدد 2 بلاطه او رخام 3-بلاستك لف الاكل (الشفاف) 4-عدد 4 قطع متساوية الحجم (نص ريال-سلك كهرب)وهي حسب رغبتك في سماكة السيليكون والافضل ان لاتقل السماكه عن 2مم ولا تزيد عن 4-5 مم نلف قطعة رخام بالبلاستك ونضع عليها كمية سيليكون حسب الحجم وتقديرك انت http://www.mekshat.com/pix/upload02/...mk485_12-6.jpg نفرش قطعة البلاستك الثانيه فوق السيلكون وان حبيت انك تلف الرخامه الثانيه بالبلاستك اتوقع انه افضل عشان يعطينا سطح املس اكثر من الطريقه اللي صورتها ونصفصف القطع الاربع المتساويه على اركان الرخامه http://www.mekshat.com/pix/upload02/...mk485_12-7.jpg نضع الرخامه او البلاطه الثانيه فوق البلاستيك ونضغطها ونتركها حتى تجف http://www.mekshat.com/pix/upload02/...mk485_12-8.jpg وهنا النتيجه قطعة سيليكون مفروده ومتساويه في السماكه وتبين ان لفاف البلاستك سهل النزع من السيليكون http://www.mekshat.com/pix/upload02/...mk485_12-9.jpg الان انتهينا من صنع الخامه الرئيسيه وبنبدا في المرحله الاخيره الصوره واضحه ومايحتاج تعليق http://www.mekshat.com/pix/upload02/...k485_12-10.jpg مايحتاج تثبت القطعه اللي قطعتها باي غرا داخل الغطا اذا كنت مكبرها شوي عن قطر الغطا http://www.mekshat.com/pix/upload02/...k485_12-12.jpg للمعلوميه بهذه الطريقه تستطيع ان تجلس على الجركل وهو منوم على جنب وفتحت الغطاء على تحت بعد بشرط ان الغطاء يكون غير مكسور والي بيجرب هالطريقه بيرتاح كثير من مشاكل تسريب الماء وحتى البنزين داخل السياره وبالمستقبل ومن زود الثقه بهالطريقه ماستبعد انك ماتهتم شلون تخلي الجركل واقف والا مايل والا منسدح وحاطن رجل على رجل وايدينه تحت راسه بعد:1aa: اما بالنسبه للي مايبون الماء يختلط بالسيليكون اتوقع لو وضع قطعة السيليكون داخل كيس(لحم)قبل تركيبها داخل الغطاء ممكن تفيد وبالنهايه لا اريد منكم الا الدعاء ابـــــوعلـــــي |
ماشاء الله لاإله إلا الله ..
شغل عدل الله يجزاك خير .. وفقت .. |
السلام عليكم ورحمة الله وبركاته
احسنت |
يا كثر الجراكل اللي رميناها بسبب الغطيان
طريقة سهلة الله يجزاك خير بس كم يجلس السلكون بين البلاطتين حتى يجف ؟ وهل يمكن قص السلكون بشيء غير المقص لنحصل على دائرة مضبوطة |
وين هي به الورشة يابو علي
او اتصل نصل قواك الله يابو علي فعلا ياما رمينا من جراكل |
اشكر لكم مروركم وتعليقكم بارك الله فيكم
ولي الشرف ياشباب بالنسبه للمده اللي يستغرقها السيليكون حتى يجف اتوقع ماتزيد عن يوم سماكته هي اللي تحدد المده ان كان سميك بياخذ وقت اكثر وبالنسبه لقص السيليكون قصا مستويا الظاهر مالك الا منشار الجبس اللي يستعملونه راعين تركيب لمبات السبوت لايت داخل الجبس بس مادري عن مقاس الغطيان كانه بالتمام مثله والا الحجم يفرق بس المقص العادي او موس يكفون مع الدقه وعدم الاستعجال الغالي ابو .............. فراس حياك الله وبياك هلا وغلا باخوي الصغير لاتحلت شي الا عقب ماتستشير راعين العزب السنعه وان كنت بالبر حطه بالعزبه الين ترجع للديره ماشاء الله عزبتك يقولون بيسوونه مخطط مستودعات وفرع لساكو والسنيدي على الزوايا شرفني مرورك وتعليقك يابو فراس |
مشكور اخي كشات وعوداً حميداً...
طريقة رائعة سؤال : مالفرق بينها وبين اللستك؟ بارك الله فيك. |
مرحبا بك أبوعلي طريقة جميله وغير مكلفه وعمليه اشتقنا لخطماتك المميزه صقر يقول وش فرقها عن اللستك:confused: راعين الديزل عليهم أفكار مشكور ابو علي |
الأخ الغالي كشات
السلام عليكم ورحمة الله وبركاته رائع الله يعطيك الف عافية |
اخوي كشات مشكور بارك الله فيك سوال ما يطلع طعم في الماء مشكور
|
ياهلا بالغالي ابوعلي من طول الغيبات جاب الغنايم ماشاء الله افكار جميله جدا وتوفير لجراكل الماء شـكــ وبارك الله فيك ـــرا لك ... لك مني أجمل تحية . |
عزيزي كشات:
لا شك ان طريقتك عمليه وتخدم أطول في المشاير الطويله خصوصا البر، وفي المسافات القصيره يمكن وضع قطعة من النايلون على فم الجركل وتقفل الغطاء عليه، رعاك الله ولا تحرمنا من افكارك النيره |
ماشاء الله يالغالي
بارك الله فيك وجزاك الله خير |
بسم الله الرحمن الرحيم
السلام عليكم ورحمة الله وبركاته هلا وغلا بابو احمد الفرق ياخوي صقر ان 1- اللستك قاسي شوي مما يدفعك لزيادة الضغط على الغطاء كي تحكم الاغلاق وبالتالي احتمال ان الغطاء يكسر 2-اللستك رهيف مافيه سماكه واللي نحتاجه هنا ان السيليكون يقفل مناسم التسريب باحكام وبدون ضغط قوي الاخ الغالي ثهلان الله يسلمك ويخليك ويبارك فيك ايه ياخوي خله ينشد ويسأل على كيفه نبيه يتعلم ويتنور :1aa: بعدين وش بهم راعين الديزل :smailes12: <<<راعي ديزل من/1993م الغال الاحنف الله يبارك فيك ويسلمك الغالي بسام هلا وغلا والجميل مرورك وتعليقك الله لايحرمنا منك يالغالي الاخ مهراس في كل الحالات اذ ضمنت ان الجركل ماينكفي او ينقلب على جنب وانت بالسياره فلا حاجه حتى لكيس النايلون ولكن هذه الطريقه فعاله لأنك تستعمل السيليكون باستمرار ولسنوات ويجعل التسريب شي من الماضي هلا وغلا يالمثالي اشكر لك مرورك وتعليقك بارك الله فيك |
اضافة شي مهم للموضوع
. . . . |
ابداع
ماشاء الله يالغالي بارك الله فيك وجزاك الله خير |
يعطيك العافية أخوي على الاختراع الممتاز بس ؟
الأخ جلمود سألك و كان سؤاله في بالي ؟ ما يطعم السيليكون بالماء ؟ |
السلام عليكم ورحمة الله وبركاته
بارك الله فيك وفكره ممتازه والصراحه كنك عارف عقدتي احط كيس كل مره واذا مالقيت كيس عرفت ان الموتر بيطلع به ريح تيس من هالمويه اللي تتسرب |
ياسلام عليك ياابوعلي شغل مضبوط تمام التمام بارك الله فيك |
وعليكم السلام ورحمة الله وبركاته أخي الكريم أبوعلي بارك الله فيك وجزاك الله خير الجزاء حقيقة تجربة رائعة ولها فوائد عديدة ألف شكر يالغالي خالص الود والتقدير والمحبة أخوكــ عبدالله |
السلام عليكم ورحمة الله وبركاته بصراحة أشكرك بعنف جداً ...حتى يغمى عليك!!! |
ابو علي هذا الشغل المتكتك بارك الله فيك اخوك |
جعل اهلك للجنة
|
شغل عدل ابو علي
الباغات واللساتك مابه خير الشغل النظيف يبرد الكبد سلمت يابو علي |
وعليكم السلام ورحمة الله وبركاته
يعطيك العافه ابو علي ومجهود تشكر عليه بس لي مداخله لو سمحة وش رايك لو بدلنا الماده الخام (سيلكون مرعوص بسرميك وانتظار حتى ينشف)بقطعة لستط او ربل باي سمك شئت جاهز اختصار للوقت والمال و بدون ريحة سيلكون ولا اي تخوف من مضاره اذا اختلط بالماء ودمتم بود سالمين |
فكره رائعه يعطيك العافيه
|
الله يعطيك العافيه
|
شـكــ وبارك الله فيك ـــرا لك ... لك مني أجمل تحية . |
اشكر الجميع على تفاعلهم
جزاكم الله خير بالنسبه للريحه والطعم انا استعمله لجالون الماء الحلو للشاهي والطبخ ومن سنين ولا فيه اي ريحه او طعم واللي يخاف من ريحه او طعم لايستعمله على طول يخلي السيليكون ينشف ويخليه بمكان مكشوف الين تروح ريحته وبالنسبهل للأخ قطامي اول ماسويته كانت بربل لونه برتقالي وفيها ليونه شوي مهيب مثل شرائح الربل السود الموجوده عند محلات الادوات الصناعيه كل ماكانت الماده لينه ولاتنقطع كل ماكانت احسن واهم شي لاتكرب الغطاء بقوه لآن الكرب القوي يقطع الربله سيف الظفير وانا؟ |
| الساعة الآن 10:25 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
