|
إلى أصحاب اللاند كروزر ... ماهو الحل الأمثل ؟
بسم الله الرحمن الرحيم السلام عليكم ورحمة الله وبركاته اللاند كروزر " خلفية لكزس " وعيبه المعروف في الأستبنه وقربها من الأرض في رحلة سابقة إلى الصمان ... وعلى أحد الجواد ... كان هناك " طسه " بسيطة :confused: :( أدت إلى طعج البكرة ( بكرة الإتسبة ) و ميل الكفر وعدم المقدره على فكه و بعد 3 ساعات متواصلة ... لم يكن الحل إلا تعديل الكفر قليلاً عن السابق وبعد الرجوع إلى الرياض تم تغيير البكرة بالكامل مع القاعدة بـقرابة الـــ 600 ر.س وبعد أستشارت الأخوان أفادوني بأن الحل الأمثل هو ( رفع الخلفية ) بتغيير اليايات سؤالي ... ماهي أفضل اليايات الموجودة في السوق ... وكذلك هل يجب تغيير المساعدات معها ؟؟ وكم " سم " هو الأفضل في الرفع ؟ أرجوا منكم الإفادة يأخوان وهذه بعض الصور تبين قرب الإستبة من الأرض 1 http://www.alrahlat.com/vb/uploaded...1232366916.jpg 2 http://www.alrahlat.com/vb/uploaded...1232366916.jpg 3 http://www.alrahlat.com/vb/uploaded...1232366916.jpg |
هلابك عزيزي
قبل كل شي ... هناك أسأله لكي أقدم لك النصيحة المناسبة ... هل أنت راعي تحميل .؟ بمعنى تحميل حليل ولا فقط عزيبات خفيفه .؟ هل انت راعي طرق يعني تدوس في البر .؟ بعد الإجابة بإذن الله أفيدك لأني ما أبي اقولك ركب يايات استراليه مقاس كذا ومساعدات وما إلى ذلك وانت في غنى عنها انتظر الإجابة وأفيدك بإذن الله تعالى ابوخالد نوماس سدير |
|
وعليكم السلام ورحمة الله وبركاته
هلا وغلا ابو محمد أقول خل عنك كديش التويوتا خذ لك http://www.alrahlat.com/vb/uploaded...1232373183.jpg أقول يا ابونجم الاستبنه الي تحت متعبه جدا ما لك إلا تشقله بياي استرالي ازرق الرمايه الي محلهم في نفط طريق التخصصي وخله يركب لك كل المقاسات وشف الي يصلح ويصير شكل الموتر لبق ومقبول ولا ترفعه واجد ترا يضر الكارونه وبعدين حمل عفش خفيف في السياره مثلا تانكي الماء عبه علشان تسوي موازنه في رفع السياره وترا التويوتا يجي له 6 مقاسات للياي والله يبارك لك في السياره ويعطيك خيرها ويكفيك شرها |
اقتباس:
هلا ابوعبدالعزيز يالغالي مقاسات الياي الأسترالي ليس فقط ارتفاع ... بل هي اوزان تحمل يعني فيه اللين والقصير والقوي والطويل .. وانت اعلم مني بذلك فإذا كان الرجال ماله بالتحميل ولا بالطرق يعني رجال يساير السيارة هناك حلول افضل بكثير من الياي الإسترالي وهي كعكة 2 سم ومساعدات رانشو وبكذا يقدر يتحكم بالقساوة على كيفة ولا يتعب نفسه في الديرة ويطرب بها في البر الأمر على حسب الحاجة وهذي واحد من مجموعة خيارات ... لأننا نشوف بعض الشباب يطف مثلاً بالياي الإسترالي والبوالين وغيرها لأجل الشكل وتتعبه في النهاية مع إنها مهمه جداً لراعي البر والمكده بس الناس تختلف .. وقد يكون ابواحمد مهب من اللي راعي طرق وفيه حل افضل من ناحية الإستبنه إنه يخليها جنط وكفر سلق وتنتهي 80% من المشكلة هذا بشكل بسيط وسريع ... ولو اجاب ع الأسألة نقدر بإذن الله نفيده والسموحه مجرد مداخلة طالب لأستاذه ابوخالد نوماس سدير |
شوف طال عمرك
هو معروف عن التويوتا ضعف الياي وانا مركب ياي استرالي والصراحة مريحني جدا اعبي التانكي والعزب والأودام ولا ينزل الموتر لكن انتبه بعض الشباب ركبوا نوعية من الياي الاسترالي يطيق اذا اهتز الموتر تسمع طقة قوية له رقم معروف وانا نسيت الرقم وطبعا مثل ما ذكر الاخوان موديلها على رفعها وقدرة التحمل انا اخذت ياي يرفع السيارة 4 سنتيمتر ويتحمل 200 كيلو وهذا اللي انا ارى انه مناسب لي وكل يختار على قد حاجته الكعكات حل جيد لكن لاحظ ان الياي صاير منظغط والكعكات ما راح هالمشكلة وهي بالتاكيد راح ترفع السيارة اما البالون ما انصحك فيه كل شوي عبي نسم |
أتوقع أنسب شي 200 كيلوا مناسبه يا ابومحمد |
عليك بالمغترب تراه حكيم ولا يهونون الربع اخوك |
الغالي أبوخالد
بارك الله فيك وجزاك الله كل خير اقتباس:
|
اقتباس:
بارك الله فيك وجزاك الله كل خير على الإفادة |
اقتباس:
أبوعبدالعزيز لأحد يسمعك :smailes26: الله يعينك على ابوفراس تراه مايحب التيسان :D والحمدلله ماني عنصري .... عندي ميول للجمس ... لكن الله يعينك على الشباب :1aa: ماقصرت يالغالي وجزاك الله كل خير على تذكيري بالنقطة المهمة وهي التحميل قبل التركيب كثير من الشباب نصحني فيها وبأذن الله ماننساها محبكــ عبدالله |
اقتباس:
الغالي مريقب العيفار بارك الله فيك وجزاك الله كل خير على الإفادة كلام سليم وإن امكن تفيدنا أكثر يالغالي عن نوع الياي ورقمه محبكــ عبدالله |
وعليكم السلام ورحمة الله وبركاته الاخ العزيزAKH عندي لك الحل ونا مجرب ركب ياي استرالي تلقاه عند الرمايه بشارع التخصصي ولا راح تندم ونا المسؤول عن ذلك نصيحة اخ لأخوه تحياتي :thumbup: |
اقتباس:
الغالي الخلف بارك الله فيك وجزاك الله كل خير هل يجب تغيير المساعدات عند تغيير الياي وماهو الأفضل محبكــ عبدالله |
اخوي عبدالله
لا موهب لازم تغيرها ؟ وهذا شي راجعلك وسعرها 520 ريال و التركيب 70 ريال |
اجل يالغالي مالك إلا مثل مقالوا الربع ياي استرالي ومساعدات الوكاله مبدئياً وافية وإذا لآحظت عليها المطامر فكر بالرانشو مع انه غالي إلا إنه يستاهل وانا من عشاق هالمساعدات لتعدد الخيارات في لحظات
الله يوفقك ابوخالد نوماس سدير |
السلام عليكم ورحمة الله وبركاته ,,
اولا ماشاء الله تبارك الله ,, هذي السياره اللي ينشد به الظهر الله يعطيك خيره ويكفيك شره ,, وبالنسبه للي يمدحون الباترول تراه زين بالحيل, لكن مشكلته الى قمت الصبح ماتدري هو يبي يشتغل ولا لا ؟؟؟ يعني لازم يصير لاندكروزر كاشت معك ولا حولك :D:D بالنسبه للإستبنه ,, الحلول : بالون . استبنة جي ,,, النحيفه . انا مجرب - بالون وياي استرالي ومساعد استرالي جميع , غير البالون لاتدور وزينته توزنه على كيفك وعلى قد عفشك , وحمل بيديك ورجليك :thumbup: |
مسيكم بالخير
انا من رايي بالون لاني سمعت الرفع بالياي كثير يضر بالكرونه |
يابو نجم عساك استفدت من الربع
انا ركبت يايات وفعلا رفعن الموتر وارتحت وكذلك حطيت الاستبنة داخل السيارة احفظ له واسهل عند التنزيل كذلك اما ابو عبدالعزيز اتركه عنك هذا يدور شراي له يبي يغمته مثل ما غمت شايب الصمان المغترب خلاص ابي اسمي النيسان (تيسان) بالتاء المفتوحة والياء المكسورة |
اقتباس:
مشكور ابو فراس |
أبو محمد.. هلا وغلا
قبل كل شيء أشكر الجميع على إبداء آرائهم ومالديهم ، :rolleyes: وحقيقة أنا لي رأي بسيط ونظرة اخرى وبإذن الله توفر عليك الشيء الكثير بالذات اذا كنت ما تحب تفك وتركب وتزيد على السيارة شيء وهو انك اول شيء تفك الاسبير اللي عندك وتخزنه وبعد كذا تاخذ لك جنط الهدد (السلق) وعليه كفر حجري عادي مقاس 235\80او 85\16 وتركبه بتلاحظ انه شبه مخفي وباذن الله يغنيك عن التكاليف الزايده ولا يتضرر مع المطامر ولو تلاحظ اصحاب الكروزر الهدد يغيرون 4 جنوط عريضة والخامس كما هو شد بلاده و اسفل السيارة.. :thumbup: وكان الله بعونك.. اخوك.. أبو فهد |
جاك ابو فهد بالخبر الاكيد وهو بها خبير
|
a.k.h أنا مع رأي نوماس سدير (افضل من ناحية الإستبنه إنه يخليها جنط وكفر سلق وتنتهي 80% من المشكلة) و راعي ساموده (استبنة جي ,,, النحيفه .) و ع.ف.الدرويش (تاخذ لك جنط الهدد (السلق) وعليه كفر حجري عادي مقاس 235\80او 85\16 وتركبه بتلاحظ انه شبه مخفي ) كان عندى جى اكس آر 1996 خلفية أبواب (مو شنطة) واستبناه قريب من الأرض ركبت له حامل استبنة على الصدام من عند السليمانى وأخذت لى جنط نحيف وأصبح عندى استبنين وصار مرتفع ولم أعانى بعدها |
اقتباس:
العذر والسموحة يالغاليين.. :1aa: مشكلة باللي يجي يمشي مليون وهو يقرأ الموضوع ويشطف الردود ولا يدقق فيها.. لكن شكراً لنوماس سدير.. جابها من البداية وشكرا له.. :cool: |
غير الاسبير
تقدر تغيير الاسبير وتركب حق الهدد الحديد الصخيف يرتفع مسافة كثيره عن الارض وبهذا تحل المشكلة لان الاسبير تركبة حتى تصلح البنشر وترجعة اسبير مره ثانية
|
وعليكم السلام ورحمة الله وبركاته الأخوة الغالين جميعاً بارك الله فيكم وجزاكم الله كل خير على الإفادة النقاش جميل ودائماً يخرج بنتيجة مرضية إن شاء الله سأطبق.. الرفع باليايات وذلك حتى نكسب التحمل و الرفع ونكون حلينا مشكلتين ألف شكر وتقدير لكم على هذه الردود والمعلومات القيّمة خالص الود والتقدير والمحبة أخوكمــــ عبدالله |
الاسترالي زين لكن يجي ايام ينقطع من السوق وغالي ويهرقل السيارة من قساوتة
|
السلام عليكم
اتوقع افضل واوفر حل هو تركيب استبنة g (( هلل )) مع كفر نحيف (( بس أهم شي ارتفاع الكفر يكون نفس ارتفاع باقي الكفرات ولا العرض ما يهم ركب نحييف )) وما يضر لو بنشرت _ لا قدر الله _ وركبتها وهذي صورة توضح نحف الكفر مقارنة باللي مركبه عندك الحين http://www.alrahlat.com/vb/uploaded...1230697750.jpg |
انا مطبق فكرة ابو فهد غيرت الجنط حق جي وارتحت لي ثلاث اسنين والحمد لله تمام انصحك بها
|
وعليكم السلام ورحمة الله وبركاته
الاخ صاحب الموضوع الاخوان القراء انا عندي نفس المشكله وحصلة الحل وابي رايكم فيه بصراحه اولا الاسبير يمر عليه سنين ماتحرك من مكانه واتوقع ان الاكثريه كذالك لانه مستحيل نخلي الكفرات اكثر من سنتين وبذالك كفراتك دايم يعتمد عليها الشي الثاني والاهم وهو ان الكفر الخامس هو فقط موقت وبيرجع مكانه وش رايكم نغيره بكفر هدد (سلق) يقوم بالواجب وقت اللزوم ومرتفع ببطن الموتر ومايبين اااابد. وتراه يخف الموتر عليك اخواني ارجو التعقيب |
السلام عليكم ورحمة الله وبركاته
الحل سهل ركب جنط جي نحيف زي ماسويت وكذا تنحل المشكله. |
| الساعة الآن 07:10 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir