لقاء روضة خريم،،،، بعدسة مهراس ( الجزء الأول)
 

تسلم الغالي مهراس على الصور الجميلة والحقيقة كان اجتماع طيب نشكر الاخوه القائمين عليه ولولا الظروف التي حالت دون بقائي كان تمتعنا بلقاء الاحبه هناك لكن ان شاء الله العوض باللقاءات القادمه

وثيلان:

شكرا على مرورك يالغالي، وهي فرصه طيبه ولو جيت لوقت قصير، فات على مقابلة الكثيرين بسبب وجع الراس اللي جاني يوم الخميس الظهر، حياك الله وتقبل خالص التقدير.

الله يجمعنا واياكم بالجنة

فكرة رائدة من منتدى الرحلات

مشكور اخوي مهراس

أبو تركي 11:

ما يوحشك غالي، هل كنت من الحضور، لا أعتقد، سرني ردك.

مريقب العيفار:

شكرا على التعليق ياراعي المذنب، لزوم تحضر المره الجايه.

وعليكم السلام ورحمة الله وبركاته

مشكور أبو فهد على الصور لكن ؟

وين لقاء الخميس ؟

أو نقول ( مهراس موجعه الراس و مو فاضي لتصوير الناس )

ألف ألف سلامة يأبو فهد . لا باس لا باس .

بران:

صور لقاء الخميس ويوم الجمعه في الجزء الثاني واللي فاتني تصوير وصول باقي الأعضاء يوم الخميس وجلسة التعارف من بعد المغرب الى حزة العَشاء، وما قصر a.k.h نزلها في موضوعه،شكرا على تشريفك.

ما نستطيع الا الانتظار يابو فهد لان مواضيعك تسحر الالباب

مشكور اخي مهراس
مشاركة جميلة والحمد لله على السلامة من هالوعكة ... وما تشوف شر يابو فهد.
بارك الله فيك.

الأخوان جميعا أشكركم على المرور، والغرض من الموضوع هو اعطاؤكم فرصه لرؤية هذا الأجتماع من زوايا وجوانب أخرى وإلا فالموضوع واحد، والتصوير فن وذوق وكلكم تحبون الشي الزين، رعاكم الله.

أبو فهد <<<<

كلك ذوووووق والله وبيض الله وجهك وما قصرت يالغالي

صور راااااااائعه وجميله وتعليقات مميزه


أهم شي صحتك يابو فهد ((((( الكبر شيييييين)))


أخوك أبو عبد العزيز

يعطيك العفية جمعة مباركة على طاعة الله

شكرا يا مهراس على هذا الجمع الطيب ولو صار ترتيب لكان هناك صور أجمل وأكثر لا تنسى أبي اعطيك الصور للجزء الثاني اتفقنا؟؟؟

تحياتي لك

أبو سديم:

شكرا على ردك، والجزء الثاني الليله ان شاء الله.


رحال بريده:

أسعدني تشريفك, لاهنت يابن الكرام.

عليم العطش:

تسلم يابو عبيد على الرد والمشاركه الطيبه، لا عدمناك.

قناص الحبارى:

انت صادق، الكبر شين والجمل مايشوف سنامه، لكن بوجودكم العله تبرى والوجع يروح، سلمت وسلم غاليك على الرد.

شبيه الريح:

إيه نعم على طاعة الله، الله يغفرلنا وياك والله انها أحسن من جمعات بعض الشباب اللي على غير سنع، الله يوفق الجميع والحقيقه هذه الأجتماعات فيها الكثير من الفائده وأهمها ما فيه تذكير بالله وماجاء به الرسول (ص)، بارك الله فيك على تنوير الموضوع.

قنيب الذيب:

أولا شكرا على تفضلك على بالصور للجزء الثاني، وثانيا أشكرك على المرافقه وان شاء الله في رحلات قادمه كما أسعدني مرورك العطر والشعور الطيب، لاهنت بارك الله فيك.

ابو فهد شكرا كبير جدا لك

ووين الجزء الثاني .... على احر من جمر

أبو زايد:

هلا بالطيب، هلا بالخوي، مشتاقين كثير، والجَمعَه كانت أكثر من رائعه بحضور أكثر الأعضاء، لا هنت على الرد والمشاركه، عساك سالم وغانم، والجزء الثاني بحول الله الليله بس ياليت أعرف كيف أسوي إطار للصور.

مهراس حتى عامل المحطة والباجيروو ولا صورة يحول انا

الاخ مهراس صور رائعه وتعليقات جميله جدا
الله يعطيك العافيه اخوي ولا تبطي علينا بالجزء الثاني
ترى ورانا مذاكره واختبارات بانتظارك ..

صور حلوه تعلق ولا احلى منه تسلم يالغالي

السلام عليكم ورحمة الله وبركاته
مرحبا بالجميع وبيض الله وجيهكم على ها الجمعة الطيبة
والله يجمعنا واياكم بجنات النعيم وان شاء الله لنا نصيب في اللقاء القادم وانتم على احسن صحة وحال
تحياتي للجميع

الغالي
ابو فهد
مهراس
السلام عليكم
هالصور و الراس مصدع اجل لوك طيب وش بتسوي فينا
اخوك
خشم الحصان
..........
نغزة .......... الكمرة ماتصدع

أبو زايد:

مشكور على الرابط، انا ما فكيته، لكن ماعندي وقت أسوي إطار للصور، في موضوع ثاني ان شاء الله، لا تعبت.

PAJERO:

في الجزء الأول مالك ولا صوره ولكن في الجزء الثاني أبشر يمكن علشان جيت متأخر أقصد اليوم الثاني اللي هو يوم الخميس، ووالله ماعرفت انك الباجيرو إلا يوم رديت علي تذكرت شخصك والباجيرو الأبيض حقك، سلمك الله على الرد.

الفارسي:

ياحيا الله أبو الوجه الصبوحي، جاك يامهنا ماتمنى، صباح الأحد 6 صفر يكون الموضوع جاهز، بارك الله فيك على المشاركه الطيبه ومن الناجحين بأذن الله.

riyadco:

سرني مرورك، عساك على القوه

سعود:

اقدر لك الكلمات الرائعه والشعور الودي تجاه جميع ألأعضاء، جمعه طيبه والمكسب كبير لكل من حضر ومن لم يحضر، المشاركه في الردود غاية المنى، والحمدلله اللي جمعنا من غير ميعاد في هذا المنتدى.

عروق الدهناء:

الف شكر على هذه الكلمات القلبيه، سلمت وسلمت يد سطرت هذا الرد الجميل.

خشم الحصان:

يابو جراح الصور أخذتها وانا نص ونص، لكن يوم طحت جلست في الخيمه نص يوم، الله يسلمك على الرد والنغزه، آي آي.

المحمل:

هلا ومرحبا بالطيب الغالي، نعم ضربة الشمس توجع الراس، وأيضا البرد الحمدلله ان الواحد كل يوم يزيد معرفه، لاهنت على الرد ورايتك بيضا ودربك خضر.

،

الغالي مهراس ، ما شاء الله وش هالزين ،


خشينا جو مع الصور والتعليقات اللي زادتها جمالاً ،


نطمح بالزود ، ولا هنت عسى عمرك طويل ،

لا تتأخر علينا يابو فهد بالجزء الثاني

لقد أحسنت صنعا
الظاهر إنك كنت تعتذر بشدة البرد ومدخّل الكاميرا في الفروة تلتقط صور ما احد يحلم بها
وإذا كانت النفوس كبارا تعبت في مرادها الأجسام
تحياتي

أبو تركي:

أسعدني انك مبسوط مع الصور، لاهنت يامال الغناة.

أبو فراس:

بدك تطول بالك علينا الله يخليك، الموضوع جاهز وإن شاء الله قبل الساعه 3 اليوم يخلص، الكلمات والصور منقيهن تنقيه وهذا ياخذ وقت، لا عدمت ردردك.

جبل الأحص:

يابو سعد الهوايه غوايه ولو ماني متوعك كانت اللقطات أحسن، ما حبيت أصور وانا في ذيك الحاله خاصة في أشخاص لأول مره أشوفهم. سرني مرورك كثيرا، رعاك الله.

العزيز مهراس
صور جميله والتعليق عليها بهذا التقرير الرائع

صبا نجد:

هلا وحياك الله يابو سليمان، ويزيدني شرف التعرف على شرواك يالغالي، الطيبين مثل العمده دايما يجيبون الطيبين مثلك، أسعدني ردك.

شموخ:

مرحبا فيك، ونحن نشاطرك نفس الشعور، شكرا على هذه المشاعر الصادقه وماعاش من يزعلك، شرفتي الموضوع.

أيكوم:

الشكر لله واجبنا اسعاد الجميع بأي طريقه، مرورك أعجبني.