|
العب لحالك ترجع راضي !!!
بسم الله الرحمن الرحيم السلام عليكم ورحمة الله وبركاته وبعد بتوفيق من الله ومنته منه ذهبت الجمعة الماضية لرحلة استطلع فيها جمال وابداع الخالق سبحانه بنعمه التي لا تعد ولا تحصى وكانت الرحلة خفافية وكنت متنقل من مكان لمكان ووحيد بنفس الفترة لانشغال الزملاء بظروف وتم استغلال الوقت وادرج بين يديكم مقتطفات رحلتي... كانت اول ما اتجهت اليه بعد خروجي من الرياض ب 90 كيلو تقريبا امتداد نفود الخاتله الذي من بعده اتجه شرق باتجاه العتش ومصب وادي الشوكي على التنهاة وكانت هناك بعض الصعوبات التي واجهتها مع الرمال والمصيبة اني لوحدي لاكن (الله الحافظ والمعين) كل المصايب تهون ليما تجلس في الخلا وتذكر الله وتسبح وتظبط القهوة والشاهي وتشم ريحة الربيع خاصة بعد المطامر على ها النفيدات (( واستراحة محارب )) http://www.alrahlat.com/vb/uploaded...1235158271.jpg وهذي نمونه بعد ماتقهويت حركت الا والله المصيبه (TOYOTA) مغرز واخذت صور تجسسية عليه قبل لا نوقف عنده قلت اخاف يقول وراك تصور ثم ننحرج معه لاكن سوينا اللي علينا وكانت المشكله ان الدبل الالكتروني معلق يعني مخبط مره يشتغل مره يفصل مره يشتغل الثقيل لحاله ماشاء الله حاولت اسحبه ماقدرت طلع روح الموتر وما حركه (بس قديمك نديمك لو الجديد اغناك عطايا الله الشاص وراعيه) بعدها توجهت نحو الشرق واتمشى يمين ويسار وكانت الوجهه الى أخر وادي الشوكي من جنوب شرق (فجأه شفت ارض صفررررراء تسر ناظرك) وجى في بالي اتصل على واحد من الربع كان توه جاي من شرق آسيا وكل سواليفه الله يسلمه عن حدائق الفراش وحدائق الزهور وقلتله وانت في شرق آسيا مامريت على حدائق القرقاص قال لالا قلت اجل لك منها نصيب الليله بسولفلك عنها وسئلني اين تقع تلك الحديقة مير من فرحتي نزلت من الموتر وهو يمشي واقفل الخط مادريت عنه واتسدح على هاك الربيع واجمع من القرقاص لحد ماصار وجهي وخشتي صفرا من كثره:smailes81: (سبحان الخالق عز وجل ) بس يالربع لا تشرهون علي شي يبهج النفس ترى الصور اللي صورتها والله العالم فوق 100 صورة من الشفقة بس مالكم بالطويلة بعد توديعي للارض القرقاص وضيق الوقت اتجهت لصلاة الجمعة وكان لي هناك صدفة كان اللي يصلي امامي في المسجد والله العالم انه ابوي ابو فراس اذا مانيب واهم لان عقب كثرة القرقاص كل شي اشوفة وردة صفرا :) بعدها اتجهت للحزوم منها اجمع الجنى وتونس ونصور ..:D واقتطفت لكم كم صورة اتمنى تعجبكم وفيها شئ جميل وقفت عندها اتأمل خلق الله يالله العفوا والعافية بعد ما اذن العصر صليت وتوجهت للديرة العزيزة على قلبي (عودة سدير ) اسلم على الجماعة سريع سريع ثم نحرت روضة الساحبة تكون على طريقي وانا راجع للرياض وانزلت عدتي ووسعت الصدر وتمددت على الروض الاخضر وريحة النفل تفتح نسمات خياشيمك صفاء ذهن وهواء نقي ولله الحمد وبديت في اعداد الغداء وبراد الشاهي واحتسي واسولف على نفسي ..:1aa: وبالهنا والعافيه دجاج تزدرية مع رزيزة نثرية وهذا انا محاتسيكم صورة للذكرى مع تشغيل المؤقت الذاتي للكميرة ..:smailes12: وفي امان الله جميعاً عروق الدهناء |
وعليكم السلام ورحمة الله وبركاته ماشاء الله تبارك الله الغالي عروق الدهنا رحلة أكثر من رائعة وصور أحترافية جميلة ماشاء الله اليوم نزلت العزبة ولكن بعد الصور الظاهر أنها بترجع للسيارة ! :smailes44: خالص الود والتقدير والمحبة أخوكــــــ عبدالله |
الله عليك يا الامير موضوع رايق حقيقة لكن مخاطر الوحدة والحمد لله على سلامتك لا عدمناك اخوك |
ما شاالله عليك اخذتنا برحلة جميله امتعتنا بها واستمتعنا بهذه الصور والمناظر الرائعه جدا |
عروق الدهناء.. هلا بك
الحمد لله على السلامة وما شاء الله تبارك الله تقرير جميل ورحلة أجمل والصور يا زينها من صور ويزيد زينها وحلاها التعليقات كأننا معك ومشاركينك فيها شُكراً لك على ما قدمت وبارك الله فيك أخوك.. أبو فهد |
عروق الدهناء من جد موضوع يدغدغ المخيخ ان من ناحية الأسلوب وان من ناحية الصور للأماكن الرائعة لك كل المودة والتقدير |
بيض الله وجهك... عروق رحلة خفافيه ... لذيذه ...والكبيسه تدوووخ الله يهنيك ... ويخليك لاحبابك |
ابو عبدالله
كعادتك مبدع في كل شي.... بس والله بتوحشنا في هالجازة اخوك ابو زايد |
وعليكم السلام ورحمة الله وبركاته
اخوي عبد الله مرحبا وسهلا واياني وياك تنزل العزبة وهذي الصور من دروسك سلمك الله اخوي راعي الذوق سلمك الله من الشر اخوي وانت الذوق كله اخوي ايكوم على الرحب والسعة وشاكر مرورك الكريم ع.ف.الدرويش الله يحيك ويسلمك الا تمنيتكم معي وجمعنا الله واياكم بجناته ريع الذياب يالامير سرني مرورك ابو زايد هلا وسهلا بالمدير ياخوي يوم شفت ردك بغيت اقلب اليوزر وافتح الجداول :) |
ونعم والله بالشقردي عز الله انك هب ريح.
تصدق يوم شفت تقريرك ودي اكشت لحالي |
تقرير ممتاز و الصور اروع بارك الله فيك ......
|
تقرير جميل أخوي ماجد ورحلة جميله بس لاتعودها تكشت بلحالك ياخي كلم ابوزايد والا كلمني تقبل أجمل تحية |
ماشاءالله عليك ذيبان بس مخاطره والله انك تكشت لحاك وتروح بعيد الله يعطيك العافيه على هالصور واتقرير الرائع بس ما تلاحظ انك في اخر صوره تشرب باليسار؟ مثل بعض الناس ....... |
مرحبا وسهلا اخوي ابو عبد الله العين ما تعلا على الحاجب وشري روحتكم شرا
عاشق الفكس آر يامرحبا ليتك معي والله اما عن الصورة الاخيره فهذي لها سالفه (وبرسلك تقريرر طبي على الخاص ) راعي ساموده سلمك الله من الشر ابد وان عزمت تطلع لحالك عطني خبر اطلع معك اخي كان شرفني مرورك الكريم |
ابوعبدالله
السلام عليكم ورحمة الله وبركاته ياخوي اجازه و وناسه يحقلك ماشاألله عليك...... تسلمكو على الصور اهم شي رد ابوزايد روعك خخخخخخخخخخخ طلعه مسكككككككككككككككته الله يوفقك ح. البداح |
صور جميلة ورحلة من اجمل الرحلات يا زين الواحد يخلو بنفسه بس لو صلحت لك بريق قرقاص كان شميته انا وانا بالرياض وجيتك طاير ... الحمدلله على السلامه
|
بلا ترمس شاهي وغدا او عشا من المطعم
شوفواعلوم الرجال http://www.alrahlat.com/vb/uploaded...1235163477.jpg |
بسم الله الرحمن الرحيم السلام عليكم ورحمة الله وبركاته رحله موفقه وصور اكثر من رائعه .......... يعطيك الف عافيه ملاحظه ( رح لوحدك ترجع راضي ) لك مني من الود اعطرررررررررره تقبل مروري |
مشكور اخي عروق الدهناء على هذه المشاركة
رحلة جميلة ورحلة لوحدك جربتها مرة فقط في حياتي وليوم واحد فقط... وبصراحة انني استمتعت بشكل كبير ولكن يجب على من ينحو هذا النحو أن يستعد ويحتاط للطواريء والعطال. مثل : 1- الاستعداد بالطعام والشراب الذي يكفي لمدة اسبوع على الأقل 2- لابد من وجود أجهزة الاتصال مثل الايكوم والثريا وجهاز الملاحة. 3- أن تخبر أهلك عن وجهتك بالضبط . بالتوفيق اخي الفاضل وبارك الله فيك. |
تقرير جميل شوكرا لك اخي ..
|
تسلم يمينك ،،،روووووووعة ودرس عملي للكشتة الانفرادية (( ألعب لوحدك ترجع راضي ))
|
شكل من طلعتك لحالك إنك زعول :smailes81: صح كلامي والا لا :D |
ما شاالله عليك
|
رائعه جدا ازهار البابونج خيال والله
قمه بالروعه |
بيض الله وجهك على الرحله والصور والاسلوب وكلش تعجبني الرحلات الوحدانيه احيانآ الانسان يكون بحاجة اليها . لك مني خالص التقدير
|
وعليكم السلام ورحمة الله وبركاته
مرحبا اخواني ح.بداح سلمك الله من الشر بعد لو اوصيك تكتب تمديد اجازة اسبوع وتوصله للمدير ابو زايد اكون لك شاكر ونطلع لنا طلعه اخوي وثيلان هلابك والله وابشر ببراد قرقاص يوصلك لحد عندك ابو فراس يامال العافيه والله صبا نجد سلمك الله وشرفني تواجدك صقر سلمت يالصقر ووصاياك بالتعليمات نور الله ينور على قلبك ابو هيثم :) ولله الحمد مااعرف درب الزعل على احد ولا على نفسي ابيت وقلبي ماله على احد شي واتشرف بك طال عمرك الحاسه السدادسه شوكرا على مرورك رحال 99 سلمك الله وبارك الله فيك سيف حرب الله يذكرك وتسلم على ردك شموخ شكرا لمرورك الكريم وابداع اكتسبناه من هذا الصرح الجميل باعضائه شقاوي اخوي الله يبيض وجهك واسعدني تواجدك لك ايضا التحية والتقدير |
سنافي يابو عبدالله، انا أطلع أحيانا لوحدي لكن اتكاسل أطبخ بنفسي، ماشاء الله نفسك عصاميه، رايق بالحيل، والحق انك لوحدك يجيك انبساط وحريه وترجع راضي مثل ما قلت، موضوع وأحداث ممتعه، خطاك الشر وحفظك المولى في رحلاتك. |
ماشاء الله تبارك الله
رحلة من الرحلات اللي اطربتني والله الرحله الوحدانية عز الله إنها وناسة خصوصاً إن كنت من هواة التصوير حيث إنك تملك الوقت الكافي لتصوير والروقان في كل شي وتلبية طلبات الذات في اختيار الأماكن والجلسات اخوي عروق الدهناء اهديك قصيدة لي قريباً سأطرحها هنا وهي عن الآند الجديد مسخرة الأرض وسيكون مطلعها : اصبحت الصبح بدري على شين علوم = وحملت حمل الثقيل ومن الآند رحاله أنا أشهد إني من فرقى الشيخ محروم = مركب القرم ماعاد يسوى اليوم رياله ابوخالد نوماس سدير |
كفو والله وعدة التصوير نعك كاملة..يالحامل بالعدسات..
الله يهنيك ماشاء الله تبارك الرحمن تحياتي لك يا ماجد |
والله انك ذيب ... يعجبني الذيب اللي مثلك لا جت براسة الطلعة طلع لحاله .. احيان كثيرة ابي الطلعة بس ما القي خوي .. اطلع لحالي بس مثل طلعتك لا والله ما سويت شاهي وقهوة وطبخ ونفخ ... كن معك عشرين رجال . عز الله انك رجال ووسيع صدر .. الله يديم عليك الصجة والعافية وسعة الصدر .. لو انك حولي كان اقول خل نطلع مع بعض .. لا تصير راعي هواجيس وشعر ...(مثلي) والله اني حبيتك .. اعجبتني طلعتك وان شاء الله ابسوي مثلك مالك ومال الناس تدورهم .. لا يمكن ترجعون متهاوشين بعد ... الوحدة خير من رفيق السوء .... انا مؤيد لك بالطلعة لحالك تصير سيد نفسك تاقف تمشي تطبخ تنام ما احد يشغلك ... طولت عليك يالذيب ... تقبل مروري ولا تنسى تصور كل رحلاتك انا متابع لك .. :smailes44::smailes44::smailes44::smailes44::smail es44::smailes44::smailes44::smailes44: :smailes42::smailes42::smailes42::smailes42::smail es42::smailes42::smailes42::smailes42::smailes42: :thumbup::thumbup::thumbup: |
كشتة حلوه وصور أحلى بارك الله فيك لك مني أجمل تحيه |
وعليكم السلام ورحمة الله وبركاته
موفق بإذن الله ... لك مني أجمل تحية . |
مشكور على التقرير الرائع والله يعطيك الف عافية |
| الساعة الآن 12:11 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir