يا جماعة ابي مشورتكم بخصوص سوبر بان 94
 

يا اخوان كيف حالكم وهارد لك خروج الزعيم :dunno:


المهم انا عندي سوبر بان 2500 رديتر وكاله نحاس وهو حليو لكن فكيت بلف الحرارة لكن نفس الشي حرارة السيارة تزيد عن النص اما ان كنت ما شغلت المكيف توصل النص


طبعا نظفت الرديتر وصيخته ومضبوط لكن ابي شوركم بخصوص ترهيم مروحة مرسدس كبيرة حقة ال500 القديم تقريبا تجي في المرسدسات القديمة وكذا شكلها تقريبا خاصة انها تشتغل مع حرارة السيارة وتعرفون عندنا جو اوربي فلة :p
http://www.importecwarehouse.com/v/v...5007993-2T.jpg

خاصة انها أكبر من مروحة الجمس الخارجية وانا مجربها في مرسدس قديم وماشاء الله الحرارة تحت ال80 تقول كامري واذا على الصوت ما تفرق انا ابيها استفيد ان السيارة ما ترتفع مع الزحمة وشكرا

اللديتر إذا كان ثلاث رصات أو أكثر ونظيف بيكون كافي

ولكن ما أنصح بفك بلف الحرارة ، وهو أعتقاد خاطيء كان سـائد لدينا قديما بأنه سـبب
إرتفاع حرارة السـيارة ،
بل هو السـبب في تبريد الماء داخل السـيارة ، فهو يحجز الماء موقتا في حجرات الماطور
لين وصول الحرارة المضبوطة عليه فيفتح فينزل الماء الساخن في اللديتر وتسحب طرمبه
الماء ماء بارد من اللديتر ،،، وهكذا تسـتمر العملية وتظل الحرارة غالبا في حدود
80 الى 90 مئوية بحسـب درجة البلف

ويمكن ان تشـتري بلف بدرجة حرارة أقل ، يعني يفتح عند درجة 71 درجة مؤية لتخفيض
درجة حرارة الماء داخل المكينة ، رغم ان أفضل درجة حرارة للماتور عشان يحرق تمام
هي بين الـ 80 - 90 مئوي

وأغلب البلوف ( الترمستات ) المركبة على السيارات غالبا تكون بين 91 - 95 درجة
مئوية

وما يحصل عند رفع البلف ان الماء ينزل من الماتور ساخن ولا يتوقف في اللديتر بسبب
إزالة البلف بل يرجع للماتور وهو سـاخن وخصوصا لو زادت السـرعة أو طالت فترة
السـرا أو الإزدحام فسـتلاحظ ارتفاع مسـتمر للحرارة ربما لدرجة الخطر !!!!

عموما فكرة المروحة جيدة في جلب مزيد من الهواء عند التوقف او الإزدحام
ولكن لابد من وجود البلف اسـاسأ ، ويسـتحسـن تغيير البلف بعد 3 أو 4 سـنوات
وايضا ماء التبريد بالكامل

ودمت بكل الخير


وتقبل تحياتي

فكرة المروحه جيده وسوف تحل مشكلة الحراره في أي سيارة كانت، ولي تنبيه عند تركيب الأسلاك أن تكون من النوع المناسب لشدة التيار مثلا مقاس 10( wire gauge 10)، وأن تستعمل فاصل للدائره الكهربائيه للأمان أو مايسميه البعض فيوز مقاس 30 أمبير على الأقل، أيضا يجب عليك استعمال مرحل كهربائي أو ما يسمى الكتاوت أو الريلاي (Cut out - Relay) لأمتصاص هزةالكهرباء عند تشغيل المروحه ولا تشتري الأنواع اللتي تباع عند أصحاب الزينه وإكسسورات السيارات الصينية الصنع فهي تحترق بسرعه وتسبب الحوادث، ولكن تجدها عند قطع الغيار فورد أو موبار كرايسلر، يمكن عند أهل الشفرات والجموس، الله أعلم، أو عند من يبيعون العدد الصناعيه، وهي نوعان أربعه وخمسه خطوط،

وياليت قبل شرائك للمروحه تسأل أو تبحث عن قوة دفعها للهواء ( قدم مكعب في الدقيقه CFM) وتقارن بين المراوح.

كلامي كله يمكن تستغني عنه إذا حصلت لك كهربائي جيد، ولكن من باب المعرفه بالشيء وتنوير البصيره،

وهناك مروحه ذات سرعتين مشهورة بقوة سحبها للهواء(أكثر من3500 قدم مكعب في الدقيقه) ولها هوايه راكبه فيها ويمكن تقص وتزبط على شكل اللديتر والمحرك اللي عندك، وهي لسياره من نوع فورد اسمها تورس(Taurus) م92 -95 ذات المحرك 3.8 لتر، رقمها (F4DZ-8C607-CA) سعرها حوالي 400 ريال جديده ومن 100 الى 150 ريال من التشليح، فعاله قرأت عنها في المنتديات الأمريكيه ولها أكثر من 10 طرق للتركيب، ركبتها على قراند شيروكي م93 محرك 6 سلندر 4 لتر والمشهور بحرارته، والأن أشغل المكيف لو أجلس عند الأشاره نصف ساعه ما ترتفع الحراره أكثر من النصف، ولو ارتفعت أشغل المروحه على السرعه العاليه، وإذا أردت المزيد من الراحه والأمان ركب منظم لتشغيل المروحه (Controller)، أو ممكن حساس حرارة المحرك يفي بالغرض إذا سهل ترهيم سلك المروحه عليه.

تقبل خالص شكري.

شـكــ وبارك الله فيك ـــرا لك ... لك مني أجمل تحية .

السلام عليكم ورحمة الله وبركاته
انا عندي صالون موديل 94ومكينته 450 كنت اعاني من نفس المشكله
تاصل الحراره الى النص وغيرت الاديتر النحاس باديتر المنيوم وصارت الحراره ماتعدى الربع وارتحت .
جرب المروحه لان تكلفتها اقل واذا مانجحت مالك الاتغير الاديتر وتركب بلف.
لاهنت

أحمد التويجري.. :)

قبل كم يوم كنت بورشة واحد من الشباب أعرفه وكنت أسأل عن مروحة المرسيدس وتحديدا نوع يكون فيه سير خارجي للمروحة ومدى تناسبها مع الباترول ، فتبين لي أمرين الأول : سحبها للكهرباء قوي من هنا ما تناسب إلا دينمو جيوب أو صوالين ، الثاني : حجمها كبير وتحتاج حيز وهذا ما يتوفر إلا في اللاندكروزر والجمس والباترول للأسف لها ، فما يمنع انك تجرب هالشيء بفنسك عند كهربائي فتاخذ قراءة كهرباء الدينمو و تشوف قياس المروحة مع علبتها الأمر الأخير تجرب تطبقها على السيارة ولا أنسى تاخذ نصيحة "المهند" بإعادة بلف الحرارة او استبداله بجديد والله يوفقنا واياك لكل خير..

أخوك.. أبو فهد

الحمدلله ابشركم ان السيارة الحين صارت احسن صح توصل للنص بس تشتغل المروحة وتنزل حرارتها والحمدلله وما قصرتو يا اخوان بس تعرفون السوبر يبهذل خاصة اني دورت رديتر المنيوم بس ما لقيت الا نوع ب400 بس خفت يخرب خاصة انه سعودي وجربته من قبل يخرب ويهرب والحرارة ترتفع مرة