مشورتكم بخصوص شد للونيت f150
 

بسم الله الرحمن الرحيم
الاخوان جميعا
السلام عليكم ورحمة الله وبركاته

اخوكم كشات ابو علي مبطي عنكم بالحيل
ولكن اخباركم تاصلن باستمرار

الشاص الديزل اللي عندي ماقصر خدم خدمه تبيض الوجه ولكنه شيّب وتتعبه مكاشيتي

شريت فورد ونيت وحبيت اركب له شد وشراع وطبق
ولأني مجرب الشراع على الشاص من مصنع القاضي عندنا بالدمام ولا ابي غير هالنوعيه
لأنه مصنوع من مادة البي في سيpvcماده قويه جدا ولي مركبه على الشاص يمكن 9 سنوات تقريبا

ابي الله لايهينكم ولايصغركم تفيدونن بافضل ورشه تفصل حديد(حنايا)وطبق لأني بفصل الحديد واوديه للقاضي يركبون عليه الشراع

مابي الفراشه ابيه عادي جدا ابو فتحه وحده
فياليتكم تغطونن افضل الورش سواء بالرياض او القصيم وانا بتصل عليهم وانشدهم اذا عندهم شي حاهز لمثل سيارتي

وتقبلو شكري جميعا سواء اللي ابدا رايه او قرا الموضوع او اضاف اي معلومه

اخوكم ابوعلي

هلا اخوي حامد

الصبق ياغالي هي طبقه من الخشب (غالبا)توضع بمنتصف الحوض بشكل افقي تجعل صندوق الونيت عباره عن طابقين الاسفل للأغراض الثقيله والاعلى لفرش النوم ويستعمل النصف العلوي للنوم وقت الحاجه