|
لاصحاب الفتك طلب لو تكرمتوا
السلام عليكم روحمة الله وبركاته ..
يشرفني الانظمام لهذا المنتدى الرائع ... اخواني انا معي فتك طبعاً تانكيين البنزين ..لكن المشكلة ان لمبة التانكي الثاني مولعه ....وما ادري وين المشكلة ...سويت له برمجة وطفت ..لكن بعد ساعتين رجعة تولع ... ما ادري يا اخوان اللي عندة خبرة ...لاني لسا مشترية مستعمل..ومن شريته وهو كذا ..ماعندي ذيك الخبرة وتقبلو ا تحياتي ... |
وعليكم السلام ورحمة الله وبركاته بسيطة المشكلة وبشيئة الله ستجد الحل شريطة أن تكون في القصيم / بريدة |
الشيخ قوقل ...طال عمرك انا في الرياض ...
ما ادري هل هو من التانكي ..او من نفس فيش التحويل...معلق او متعطل ..واشكرك على الرد... |
اقتباس:
توقّعت أنك في القصيم كي أدلّك على سعودي يصلح مشكلتك بإذن الله بعض الفتكات لا يمل التانكي الاحتياطي أما هذه المشكلة ليس لدي المعرفة بها على كل حال جرّب ما ذكرته وقد قيل (( ما أخس من تجربة )) لكن تجربة عن تجربة أنتظر لعل أستاذنا مشرف القسم نوماس سدير يفيدك عن الورش التي في الرياض أو أنظر إلى البنر الموجود في ستايل المنتدى يمكن تطلع بفائدة |
ماقصرت اخوي ..الشيخ قوقل
راح انتظر ...يمكن احد الاخون يدلنا على ورشة في الرياض.. تقبل تحياتي |
اذاكنت تقول انك سويت برمجه وطفت فتره ورجعت ثايه اتوقع ان المشكله كهربائيه حااااااااول ولعله حل ان تفك اصبع البطاريه ولا تشبكه الا بعد ساعه او ازود يمكن يتبرمج ويظبط الله يوفقك
|
هلا فيك اخوي جلمود الجبيري
كل شي جايز ..راح افصل البطارية ..يمكن تضبط... ماقصرت ..الله يجزاك خير.. |
اقتباس:
وعليكم السلام ورحمة الله وبركاته أخي الغالي حياك الله وياهلاومرحبا بك حاول فصل البطارية لأكثر من 5 دقائق وأعد تركيبها إذا عادت اللمبة على وضعها .. راجع الوكالة أو أقرب ورشة معروفة فمن الممكن أن تكون المشكلة من طربمة البنزين وقد حصلت مع أحد الشباب في السابق أخوكـــ عبدالله |
هلا اخوي عبدالله ..ماقصرت ..الله يعافيك..ومثل ماتفضلت راح افضل البطارية ..واجرب..والا مالنا ألا الوكالة ..
ماقصرت ... |
تم حل المشكلة ولله الحمد...وهذا بفضل الله ثم فضل اعضاء منتدى الرحلات ...
اللي ماقصرو... تقبلو مني فيض التحايا |
الحمد لله على تيسير الامور يا ليت تذكر لنا اخوي وشلون انحلت المشكله
|
هلا فيك ابوعبدالعزيز
المشكلة طلعت طال عمرك..من الطبلون قرائة العدادات...رحت لورشة التركي الصناعية القديمة متخصص في نيسان باترول ...حصلت الورشة كلها سفاريات..وسوى فحص للطرمة للتانكي الثاني وطلعت سليمة ...وبعدين صلح الطبلون... وتقبل مني فيض التحايا |
السلام عليكم
حل المشكله فك اصبع البطاريه 12 ساعه او اكثر من الليل حتى الصباح انا صارت معى المشكله وانتهت بالطريقه مع فتك موديل 2006م |
وعليكم السلام
الطريقة هذي سبق وسوينها لكن للاسف ماضبطت.. |
ماشاء الله يبشرك بالخير
بس وش سوى بالطبلون وكم أخذ وهل طولت السياره عندهم ؟ ياليت وصف الورشه الله لايهينك. |
| الساعة الآن 11:04 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir