|
مجموعه ((صور)) للربيع من طلعتنا في شهر محرم 1428
بسم الله الرحمن الرحيم
بعد انتهاء الاختبارات وقبل بدء الاجازة الرسميه للطلاب والمعلمين اتفقت انا و ابوسليمان وراع الولع (ابو صالح) مع اثنين من الرجال شرواكم على كشته للصمان نشوف الربيع والامطار والخيرات حددنا ايام الكشته وهي من الثلاثاء الى السبت التاريخ : 12\1\1428 الى 16\1\1428 ماودنا نتأخر:confused: وشي ثاني لأن الناس اول ماتعطل تبي تكشت وراح يصير الصمان زحمه << البر لي لحالي:eek: كانت الخطه كالتالي : نمشي من الرياض الى الدهنا وننام بعرق السرو. ندخل الى الصمان من اللهابه مروراً بـــفيضه : حسنا السبق وردايفه و ام الهشيم و جغبقا و الشيخ و ام صحن ورديفته وام قرو ثم مرورا ام الهشيم ...................الخ بما في ذلك بعض الفياض الصغار . ثم نكمل احتياجاتنا من محطه البطيحان . ثم ننام لنا ليله قبل ام الجماجم بعرق جهام . العوده كانت مروراً بـ ام الجماجم والارطاويه و المجمعه ثم خط القصيم ثم الرياض ثم كل واحد بيته .. (طبعا لازم اي شعيب نسير عليه وناخذ علومه ).................. التفاصيل جايتكم بالصور انشاء الله والحمدلله الجو كان غيم وندى طوال الايام (مثل جو هاليومين:rolleyes: ) . الحمد لله ماشفنا ولا كشاته من دخلنا الصمان الى ما طلعنا :rolleyes: فيه واحد كان مواعدنا ولا جا :rolleyes: الله يستر عليه بس تراه مهوب ابو شعلان (معذور لأنه كان بعيد) اترككم مع الصور الصور : صور الدهناء : (لم أتمكن من التقاط صور يومنا الاول لوصولنا متأخرين ) وهاذي صوره لحظه دخولنا الصمان (جهازين:confused: واحد للسواق وواحد لبو سليمان المعاون علشان بعض المساعده:rolleyes: ): http://www.alrahlat.com/vb/uploaded/253_1181639651.jpg وهذي صور جلستنا بفيضه حسنا السبق ابو صالح (راع الولع) معطينا ظهره ابو شماغ (يا ملحك:D ): http://www.alrahlat.com/vb/uploaded/253_1181652980.jpg هاذي صوره فيضه شرق حسنا السبق والظاهر ان ماله اسم ...وكانت أجمل فيضه مرينا عليه بالصمان : http://www.alrahlat.com/vb/uploaded/253_1181641486.jpg هاذي صوره من نفس الفيضه .هذا واحد من الشباب يبي يقيس الربيع:confused: يقاله ابوسليمان: http://www.alrahlat.com/vb/uploaded/253_1181641669.jpg فيضه الشيخ افطرنا به وحاسنا المطر ياله ياله لحقنا على الفطور (عجزنا نفطر ذاك اليوم كل ما وقفنا بفيضه امطرت علينا فقلنا الدعوى خربانه خربانه <<<< الجوع ومايسوي:D ) http://www.alrahlat.com/vb/uploaded/253_1181641855.jpg هذي الصوره تبين اثار المطر بفيضه الشيخ http://www.alrahlat.com/vb/uploaded/253_1181642124.jpg بعد خروجنا من الصمان من عند محطه البطيحان كانت الوجهه المجمعه ... هاذي صور من مجزل سيرنا عليه وحنا راجعين للرياض : http://www.alrahlat.com/vb/uploaded/253_1181642309.jpg صوره من نفود ام الجماجم مكان نومتنا (اخر يوم في الرحله) http://www.alrahlat.com/vb/uploaded/253_1181640630.jpg ____________________________ اجمل شي بالكشته اذا كان معك رجال راعين فزعه ويتسابقون على الشغل ... اشكر مشرفنا الغالي ابو شعلان اللي تفضل مشكور وشرح لي طريقه تصغير الصور ... الحقيقه يوجد الكثير من صور الربيع بس مابغيت اطول عليكم الكمره المستخدمه : nikon d70ــــــــــــــــــــــــــــــــــــــــ سلا1111111111111111111م |
هلا هلا والله بذيب نجد صحيح انك ذيب وجبت هالصور بالوقت هذا كودك تخلينا ننسى هالحر هالايام
|
تسلم والله اخوي ذيب نجد على الصور الجميلة
وكثر لنا من هالمناظر الزينة اللي تدخل السرور على النفس تحياتي |
الانيق نسلم على مرورك ,,, ما نقول الا الله يفرجه ويجي الشتاء
أبو أشرف هلا بك والساعه الخراشه اللي جيت بموضوعي أبشر بالصور اللي تعجبك انشاء الله بالمواضيع القادمه ــــــــــــــــــــــــــــــــــــــــــــــــــ ـ سلا1111111111111111111م |
مشكور اخي ذيب نجد ... ماشاء الله على هالصور الروعة.
صورك رجعتنا لأيام المطر والربيع والبراد ... الله لايحرمك الأجر على امتاعنا بتلك الصور . الفيضة اللي شرق حسناء ... اليست رديفة حسناء ؟؟؟ بارك الله فيك. |
اخوي صقر ,,, الله يسلمك على الاطراء الجميل
اذا كانت الصور هاذي تمتعك فابشر باللي يطيرك من الوناسه بالايام الجايه بالنسبه لسؤالك ؟ مالك لوا اخوي صقر مهيب رديفه حسنا. لأننا دورناه بالأجهزه اللي معنا وما طلعت حتى اننا دروناه بخريطه السياري ودار موجه مع العلم ان الخريطتين احدث اصدار . بس ابشرك الشباب ما قصروا حطولها اسم (احلام):rolleyes: . ــــــــــــــــــــــــــــــــــــــــــــــ سلا11111111111111111111م |
تسلم يالذيب لقد امتعتنا بهذه المناظر الرائعة
ننتظر بقية الصور لتطفئ بما في نفوسنا من لواهيب القيض :) شكرا وبارك الله فيك |
سلمت يالذيب ..
تقرير جميل أخي الكريم .. |
بسم الله الرحمن الرحيم يامل العافيه ياذيب صور ممتازة ورحلة رائعة توسع الصدر الله يديم الالفه والمحبه في الله مشكور يالغالي وماقصرت هات باقي الصور لاتبخل علينا:p والشكر لبو شعلان على المساعدة والسلام عليكم |
يسلم من قال يا ولد نجد .. ابشر بالصور اللي تعجبك ان شاء الله ...
,,,,, الليل هلا بك وشكرا ,,, واشكر لك تعليقك الجميل ــــــــــــــــــــــــــــــــــــــــ سلا11111111111111م |
هلا بك يا ابو صقر شرفنا مرورك .....
با قي الصور بالطريق يالغالي ..... وعليكم السلام ـــــــــــــــــــــــــــــــــــ سلا111111111111111م |
مشكووور اخوي ابوعلي على الصور الجميلة
ولا تحرمنا وتحرم الشباب من باقي الصور!!!! اخوك:ابوسليمان |
ابو سليمان الغالي
هلا بالخوي هذا من ذوقك ,, كل هالصور ماطلعت الا من كمرك يالنشمي . ـــــــــــــــــــــــــــــــــــــــــ سلا111111111111111111م |
الله يجزاك خير على هذه الصور الرائعة حقا فقد
امتعتنا بالمناظر الممتازة |
مرحبا بك اخوي كان يشرفني تواجدك في موضوعي المتواضع
وشكرا ,, ـــــــــــــــــــــــــــــــــــــــــ سلا111111111111111م |
| الساعة الآن 01:12 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir