|
صورة ..يقول من عدى على راس عالـــــي
بسم الله الرحمن الرحيم
السلام عليكم ورحمة الله وبركاته يقول من عدى على راس عالـــــي رجم طويل يدهله كل قرنــــــــــاس صورة يتبعا باقي القصيدة اتمنى ان تنال على رضاكم http://www.alrahlat.com/uploads/201...1281838475.jpg يقول من عدى على راس عالي رجم طويل يدهله كل قرناس في راس مرجوم عسير المنالى يشتاق له من دك بالقلب هوجاس قعدت في راسه وحيد لحالى والقلب في لجات الافكار غطاس وقعدت اعد ايامها والليالى دنيا تقلب ما عرفنا لها قياس دنيا تفرق بين غالٍ وغالى لو شفت منها ربح يرجع للافلاس يا ما هفا به من رجال مدالى ما كنهم ركبوا على قب الافراس ولا رددوا صم الرمك للتوالى ولا ثار عج الخيل في كل مرواس ولا قلطوهن للكمين الموالى ولا صار فوق ظهورهن شلع الانفاس في حومة الهيجا لهن اجتوالى كل يبى من زاية الفعل نوماس من بينهم عود الجنا والسلالى مثل بروق الليل الادماس يقطعك دنيا ما لها أول وتالى لو اضحكت تبكى وتوريك الاتعاس يا ابجاد شب النار وادنى الدلالى واكسر لنا يا ابجاد ما يقعد الراس فنجال يغدي ما تصور ببالى وروابع تضرب بها اخماس وأسداس لعل قصر ما يجيبه اظلالى ينهد من عالى مبانيه للسّاس لى صار ما هو مدهل للرجالى وملجأ لمن هو يشكى الضيم والباس بحسناك يا منشى حقوق الخيالى يا خالق اجناس ومفنى اجناس تجعل مقره دارس العهد بالى صحصاح دو خالى ما به أو ناس لا خاب ظنك بالرفيق الموالى مالك مشاريه على باقي الناس وإن ناشنى من بعض الادنين صالى مانى عن الزلات مخبر وبلاس كالعنبر الغالى بالأسواق غالى ولا درهم الفضة على صفر ونحاس اجزية بالصده جنوب وشمالى واتلى هوى قلبى اليا هب نسناس المستريح اللى من العقل خالى ما هو ولجات الهواجيس غطاس ما هو بمثلى مشكلاته اجلالى عجزت اسجلهن بحبر وقرطاس حملى ثقيل وشلت حملى لحالى ونصبر على ضيم الليالى والاتعاس برسي كما ترسي عوالى الجبالى ما ينهزع حيد عليه القدم داس متى تربع دارنا والمفالى تخضر افياضه عقب ما هي بيباس ونشوف فيه الديدحان متوالى مثل الرعاف بخصر مدقوق الالعاس ينثر على البيداء سواة الزوالي يشرق حماره شرقة الصبغ بالكاس الشاعر محمد بن احمد السديري |
وعليكم السلام ورحمة الله وبركاته صورة رائعة أخي الغالي وتمنيت لو كانت عليك الغترة والعقال دمت بخير وننتظر القادم وفقك الله |
صورة وقصيدة رائعة بس كأنك تراجع لامتحانات الثانوية العامة ورامي الشماغ والطاقية من الهم والسهر |
وعليكم السلام ورحمة الله وبركاته يا بونجم صورة وقصيده جميلة جداً ذبحك الهاجوس تحياتي |
الف شكر اخوي عبدالله
سبحان الله كلن نظرته تختلف الى الآبيات الجميلة فيه بعض الابيات كاني ارى فيها نقصاً أو تحريفا لكن الصورة بحق رائعة وفقك الله لاهنت |
وعـــليكم السلام أخي عبدالله أهلاً وسهـلاً كنك تقول : أحذف ولا أدرس ,, أدرس ولا أحذف :1aa: وفــي النــهاية تصرخ(( آ آ آ آ آنقـــــآز )) :smailes26: لاتعليق هههههههههههـ تــقبل ,, مصالتي ,, أخوك: الــقـداح |
إيييييييه ياعبدالله لعل قصرٍ مايجيلـه ظـلالِ ,,, ينهدِّ من عالي مبانيه للساس ويييييييين تبى توصل بالأفكار ؟ رمضان كريم : إن كنت مواصل ,,, لاتقرب هالحواف .. خوف إنك تطيح ثم يبلشون فيك من ينزلك |
وعليكم السلام ورحمة الله وبركاته لو إني عندك دربيتك و خليتك تقول يقول من تدربى من راس عالي . . . صديق يمزح وكسر لي هالراس . |
السلام عليكم ورحمة الله وبركاته
ـ روعة ويامحلا الفكرة لا جت مع ابداع ـ ـ لاهنت يابونجم |
شـكــ وبارك الله فيك ـــرا لك ... لك مني أجمل تحية .
تسلم أيديك على الصوره وصح لسانك على القصيده |
صح لسانك ولسان الشاعر الله يرحمه . هذ ابداع منك في حبك للمراقيب والمشاريف العوالي . يقول الامير الشاعر خالد الفيصل : يامعدي المرقاب خله لمشتاق = حول وخل معذب القلب يرقى = ياليت ربي ماخلق حب وفراق = والا خلق حب على غير فرقى. موفق بإذن الله ... لك مني أجمل تحية .
|
السلام عليكم
صح اللسانك ياخوي عبد الله ولاتحرمنامن جديدك |
والله يابران انك ماتقدر ياخي هذى حال العشق الولد يحب ماتشوفه ناحل هاليومين وكاثره هواجيسه ويلخبط بلكلام الله ينوله اللى في باله بس عسى ماهيب ال...... ايه يمكن
|
مشكور اخي عبدالله
صورة جميلة ومعبرة وأبيات تكتب بماء الذهب ... رحم الله الشاعر محمد الاحمد السديري. بارك الله فيك. |
وعليكم السلام ورحمة الله وبركاته
الله عليك تصوير شعري وحقيقي لاعدمناك |
| الساعة الآن 09:58 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir