|
كلنا والله فداك.....جمعان الخثيمي
بسم الله الرحمن الرحيم السلام عليكم ورحمة الله وبركاته كيف حالكم إن شاء الله دائما بخير ؟ اعتذر حقيقة عن الغياااااب الذي كان غصب عني وهو اني التحقة بالدورة العسكرية التابعة للامن العام لعام 1431هـ ورجاء لا احد ينشد ليه تركت الجامعة عموما ..هذه قصيدة القيتها في حضرة سعادة اللواء/سعد بن عبد الله الخليوي..مساعد مدير الامن العام لشؤن التدريب وقائد قوة تنظيم المشاة فقلت: تعبت ابين بالشعر كثرة غلاك=والقلب في حبك هتف هل من مزيد رخصت لك روحي وصافي الدم جاك=من مات دونك يا وطن يصبح شهيد من دونك رجال رضوا درب الهلاك=ماحسبوا للموت والعيش الرغيد خيرت شبابك رادع فتنة عداك=منهاجه القرآن والراي السديد وضعيت استعداد واقف لا حراك=ثابت وباسه يشبه لباس الحديد رجال مسلم واقف يحمي حماك=تمسك يمينه سيف وينشد لك نشيد يابو متعب سعد عينك يا هناك=نرسل عهود الوفا لك من جديد مايجينا في المهمات ارتباك=كلنا وقت الشدايد لك عضيد اصغر الافراد سنا لي راك=قطع الشريان لجلك والوريد يابو متعب كلنا والله فداك=كلنا ساعدك عنك ما نحيد من يشابه طيبتك حزمك ذكاك=هيبتك حكمتك حلمك يارشيد؟ انت نادي وكلنا رهن لنداك=ومايهزك ريح يالضلع العنيد ماتدريبنا لجل نبقى وراك=لادقت طبال المعارك بالوعيد تلقى بنا هقوتك وتلقى مناك=وتلقى الوفا بقلوبنا دايم يزيد وسلامتكم ولنا لقاء قريب بإذن الله دمتم بود جمعان الخثيمي ((قنيب الذيب)) |
صح لسانك أخي قنيب الذيب
وتستاهل البيرق |
موفق خير وين مارحت يا ابو عبدالعزيز
صح لسانك ,,, وبيض الله وجهك ياجمعان |
حلوه القصيده
|
صح لسانك يابو عبدالعزيز،وفالك الطيب، وياليتك ما تركت الجامعه!!!!!!. |
وعليكم السلام
قصيدة معبرة وجزله وصح لسانك وبيض الله وجهك تحياتي |
وعليكم السلام ورحمة الله وبركاته أسأل الله لك التوفيق في جميع المجالات وصح لسانك أخي الغالي وهذا هو بيت القصيد مايجينـا فـي المهمـات ارتـبـاك كلنـا وقـت الشدايـد لـك عضيـد |
صح لسانك والحمد لله على السلامة
بارك الله فيك. |
وعليكم السلام ورحمة الله وبركاته
صح لسانك وكل عام وانت بخير |
السلام عليكم ورحمة الله وبركاته
ماتدريبـنـا لـجـل نبـقـى وراك لادقـت طبـال المعـارك بالوعيـد تلقـى بنـا هقوتـك وتلقـى منـاك وتلقـى الوفـا بقلوبنـا دايـم يزيـد بيتين بالصميم . الله يوفقك ويسمح امرك لاهنت |
صح لسانك يا ابو عبدالعزيز وأي مكان تكون فيه فهو في خدمة هذا الوطن الغالي والحمد لله على السلامة |
صح لسانكـ وبيض الله وجهكـ اخوي جمعان
|
اقتباس:
اهلا اهلا..توها نورة الصفحة اقتباس:
اقتباس:
حياك اقتباس:
حي الله ابو فهد....كل واحد يشوف رزقه بهالدنيا..الظروف يا ابو فهد تحد الواحد احيانا عموما شرفني مرورك اقتباس:
اقتباس:
اقتباس:
اقتباس:
اقتباس:
وياك وكل مسلم يابو عبيد ولا تهون وصح بدنك اقتباس:
اقتباس:
حياكم الله سرني مروركم وتواجدكم العطر ولا عدمت النشمى..وحياكم دمتم بود |
| الساعة الآن 05:30 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir