منتديات الرحلات - إهــــداء .. إلى كل رحال ..

منتديات الرحلات (http://www.alrahlat.com/vb/index.php)

- الشعر والتراث والألغاز (http://www.alrahlat.com/vb/forumdisplay.php?f=43)

- - إهــــداء .. إلى كل رحال .. (http://www.alrahlat.com/vb/showthread.php?t=16191)

إهــــداء .. إلى كل رحال ..

.
.

الوسم قرب وانتظر طلعة سهيل = جاك البراد وحان وقت البراري
مالي ومال ديارها والبهاذيل = ألقى الونس مابين رجم وخباري
يارب يامنزل تبارك مع الفيل = سيل يعم سهولها والدياري
يازينها ياسعود لارشت السيل = وسجت رجلك للشغايا تباري
تسمع بها للطير سجع ومووايل = لحونها تطرد كثير الطواري
ونصبت لك بيت قبل ظلمة الليل = بيت بها تاقى هبوب الذواري
ونار يخالط ريحها ريحة الهيل = سمر تلالا وسط ذيك الصحاري
وصفيت صفرٍ مع جميع المعاميل = أركيتها بالنار وسط الوجاري
والليل يامشكاي ليل التعاليل = في حضرة قروم رجال خياري
ونجر على صوته يجيب الرجاجيل = له رنة يطرب لها كل ساري
منزهين الهرج عن حافة الميل = رفيقهم رابح إذا قال شاري
ولاجا هزيع الليل ذكر وتهاليل = تشهد فعايلهم نجوم سواري
هذا هوى نفسي ولو قيل ماقيل = البر كيفي والوناسة خياري
وصلاة ربي عد نبت المحاصيل = وعداد مايقرا بالأسطار قاري

رحال بريدة ..

.
.
.

مشكور يارحال صح لسانك

لي عودة وصح لسانك ولآهنت

بس الإنفلونزا ما بعد فكت مني

صح لسانك اخوي رحال بريده

قصيده جميله ومعبره

اقتباس:

هذا هوى نفسي ولو قيـل ماقيـل= البر كيفـي والوناسـة خيـاري

اي والله انه عز الكيف

تحياتي

وعليكم السلام ورحمة الله وبركاته

لايظهر لدي شي
وكلي حرص على حرف هذا الشامخ

اليوم محمل متصفح فاير فوكس

يمكن المشكله من المتصفح

عطوني خبر عاااجل

ولا تحرموني من ابداع هالشاعر

لاعدمناكم

وعليكم السلام ورحمة الله وبركاته

صح لسانك يالغالي

قصيدة جميلة ووصف اجمل

كل الشكر والتقدير

محبكـ عبدالله

وعليكم السلام ورحمة الله وبركاته
الاخ العزيز رحال بريده

والليل يامشكـاي ليـل التعاليـل في حضرة قروم رجال خيـاري

ونجر على صوته يجيب الرجاجيل له رنة يطرب لهـا كـل سـاري

منزهين الهرج عن حافـة الميـل رفيقهـم رابـح إذا قـال شـاري

ولاجا هزيع الليل ذكـر وتهاليـل تشهـد فعايلهـم نجـوم سـواري

صح لسانك يا الغالي على هذه القصيده الرائعه
تحياتي

وعليكم السلام ورحمة الله وبركاته

استمتعت بعد تغير المتصفح

لاعدمناك

مشكوووووووووووور