منتديات الرحلات - ماذا قال البعير للضب في الهوشة

في إحدى الليالي والناس نايمين ...تقابل الضب والبعير
وراح كل واحد يشكي للثاني عن مشاكله الزوجية...
الضب : غريبة يالبعير وش مصحيك ها الحزة ؟
البعير: إيه ....ما جاني النوم
الضب : ليه عشقان يابو بقشه؟
البعير: أي عشق.. يامال الفشق؟؟يا آخي هاالناقة اللي عندي فالبيت ناشبة بحلقي
ومنكدة على عيشتي طول اليوم تزن على راسي مثل الدريل تقول انقلني ..وماتبي الديره هذي
الضب : وين تبي تذلف ؟؟
البعير: تبي طريق جده المدينة
الضب: طلقها طلقها ...أنا حرمتي قالت لي انقلني جحر ثاني وأعطيتها ورقة طلاقها ورحت
جحر ثاني البعير : انقلع انقلع عن وجهي أنت وحلولك اللي مثل وجهك
الضب: ليش الغلط يعني المدام كارشتك تحط الحره فيني يا أبو بعرة.
البعير: أقول لا يكثر هرجك ابلع لسانك واندس بجحرك لين يجونك حقين الشكمانات
الضب: والله صرت تتفصح يا ولد الناقة ..
البعير: أنا ولد نورة.. أنت قد الهرجة هذي وصلت للأعراض؟؟
الضب: يا أبوي بلا عرض بلا طول حقين الشكمان يطاردونا ويحفون ورانا لكن انتم
يركبونكم ....... البعير : يا ولد كيف يركبونا والله لا اجمع عيال عمي وتشوف العلوم
وبعدين ما تلقى لكم جحر تخشون فيه
الضب : عيال عمكم شوفهم مدعسين بطريق الرياض القصيم ولا تلقاهم متفحمين على
أسلاك الكهرب بالخطوط ..مسوي فيها قبايل وعندكم فزعة يا قطاعين الطرق.
البعير: طيب قرب قرب ليش تتكلم من بعيد يا شيخ دعسه وحده أخليك ترافس
الضب: هه اتمرجل على ناقتك أول بعدين تمرجل علينا
البعير: ياشيخ تبغانا نتهاوش ..أقول
وش رايك تجي تشتغل عندي حكاك؟؟؟؟؟؟؟؟؟
الضب: وش معنى حكاك؟؟؟؟؟؟؟؟؟؟
البعير: حكاك يعني تحك لي ظهري بعكرتك واعطيك آخرالشهر هواء
اللي على طاري الهواء يقولون حقين الشكمانات انك تشرب الهواء
الضب: خلي ناقتك تحكلك ظهرك يالبعير السايب
يا قصير السموع
البعير: أنا سايب والله لاعلقك مع عكرتك واخليك ضحكه للورعان مثل ما يسوون
فيك بعض الناس
الضب : أقول بس... من وين جاك الورم اللي فوق ظهرك؟؟؟؟
البعير: أي ورم؟؟
الضب: تستهبل...شكل واحد ضاربك بعجرا على ظهرك وانت كنت تغازل
البعير: أقول بس.. تذكر يوم يصيدون حرمتك وتجي تصيح عندي مثل الحريم "...
.شفتها تناقز بقدرهم والنار تحتها ولا قدرت تنقذها" تذكر يالرخمه
الضب: دمعت عيونه والبعير حن عليه وتأسف
وقام يصيح وما شاف الخط وما صحي غير المورسيدس في نصه يقسمه قسمين
وجلس الضب يتفرج في الحادث وجاء واحد وصاده
وهو مبحلق عيونه

من منقولي