منتديات الرحلات

منتديات الرحلات (http://www.alrahlat.com/vb/index.php)
-   السيارات وتجهيزاتها (http://www.alrahlat.com/vb/forumdisplay.php?f=46)
-   -   هنا أرقام اصحاب الورش - بأيدي الشباب السعودي - بختلاف التخصصات ( يداً واحده مع الشباب السعودي ) (http://www.alrahlat.com/vb/showthread.php?t=17833)

أبوخالد التويجري 21-03-11 03:48 PM

هنا أرقام اصحاب الورش - بأيدي الشباب السعودي - بختلاف التخصصات ( يداً واحده مع الشباب السعودي )
 
السلام عليكم ورحمة الله وبركاته

مسيتم بالخير جميعاً

.
.
.


من باب التكاتف مع الشباب السعودي الصاعد

أتمنى الكل ينزل مالديه من : ( تعريف سريع واضح للورش اللي يشتغلون بها الشباب السعودي مع ارقامهم من باب دعمهم والإئتمان بممتلكاتنا اكثر من الأجانب )


أتمنى هذا الموضوع يجد قبولاً من الجميع ويكون منتدى الرحلات له السبق في ذلك



تنويه : فلنجعل من هذا الموضوع فقط وفقط لا غير للتعريف وارقام الشباب لكي لا تضيع التعريفات بالردود الخالية منها .





لا خليت منكم وسأبدأ بها

أبوخالد التويجري 21-03-11 03:50 PM

مبارك ( أبوناصر )




شاب يعمل في منزله في حي الشفاء وهو مشهور بدقة عمله ورخص يده ومن أبرز الأمور اللي يعملها :-

1- فصل الرباعي .

2- تغيير جلد البلوف بدون فك الراس . << قمة الإبداع

3- تليين الياي الإسترالي لدرجة معينه .

4- صيانه عامه .



الرقم : 0554209550

أبوخالد التويجري 21-03-11 03:53 PM

أبو أسامة الدغيري


شاب له خبرته الطويله في تركيب مراوح الكهرب بدلاً من المراوح المكانيكية + تركيب هيدرزات ( عمل جديد )



تقع الورشة في السلي ورقمه : 0552222006

أبوخالد التويجري 21-03-11 04:00 PM

ابوسليمان المنديل



رجل له باعه في تدبيل البطارية وإضافة اللمبات وتركيب محول الكهرباء وتجهيز كامل سيارة الرحلات من هذي الأمور


الموقع : السلي


الرقم : 0504472382

أبوخالد التويجري 21-03-11 04:04 PM

عبدالرحمن اليوسف ( أبوناصر )


صيانه + تخصص في صيانة رجة الباترول


ورشة اليوسف تقع في صناعيّة الموسى على طريق الحائر ..


الوصف :


و أنت على الدائري الجنوبي بإتجاه الغرب ..


يجيك مخرج الحائر مخرج رقم ( 21 ) ..


تمسك الخدمة و تاخذ يسار من تحت الكوبري بإتجاه الجنوب يعني كأنك رايح الحائر ..


تمشي لين يجيك الكوبري خلك تحت لا تطلع فوق ..


هذا تقاطع طريق النصر اللي يوديك للعزيزيّة ..


خذ مع الإشارة يمين ..


تمشي لييييين تجيك أول لفة يمين تلف معها ..


ماريّة اللفة قبلها فيه برج جوّال و إذا وصلت اللفة فيه على يسارك محطّة بنزين ..


خذ مع اللفة يمين ..


بعدين تجيك مثل العكفه يعني شبيه بحرف التي ..


يعني تاخذ يمين ثم يسار علطول ..


تجيك الورشه على اليسار ..


ثالث ورشة و لوحتها موجودة من ضمن الصور ..


نبي نقدّم لكم خدمة vip و نعطيكم إحداثيّة الموقع ..


e 046 * 44 . 454
n 24 * 34 . 840


رقم الأخ عبدالرحمن : 0542340602

راعي الفكسار 22-03-11 05:50 PM

نشكرك يا أبو خالد على حرصك لاخوانك الشباب السعودي

سليمان الخطيب

جواله \ 0504209258

رجل خبير في تركيب البطارية الاضافيه وإضافة اللمبات وتركيب محول الكهرباء وتركيب المرواح الكهربائية

asd2009 25-03-11 09:01 PM

يااخوان نبي ورش عماله سعوديه للي بالدمام افزعو لنا لعبو فينا هالعماله الاجنبيه

شطحات 15-04-11 09:11 PM

لاهنتوا .... المنطقة الشرقية مافيها احد ؟؟؟

Abdullah K. AL-Hassan 16-04-11 01:36 AM

وعليكم السلام ورحمة الله وبركاتة

الغالي ابوخالد

بارك الله فيك وجزاك الله كل خير

موضوع مهم ويسهل على الكثير العناء والبحث

وإن شاء الله مشاركتي القادمة سأضع فيها مالدي

أخوكـ عبدالله


BASSAM 16-04-11 07:48 AM

اقتباس:

المشاركة الأصلية كتبت بواسطة شطحات (المشاركة 184877)
لاهنتوا .... المنطقة الشرقية مافيها احد ؟؟؟


الغاليين
موضوع ممتاز جدا

الدمام فيها افضل محل للتجهيز والاضافات بأشراف الاستاذ ابو ابراهيم الزين

المحل يقصده الكثير وخاصه دول الخليج من الكويت وقطر والبحرين وحتى اهل القصيم والرياض يأتون اليه

المحل هو بتار

شارع الملك سعود بالدمام

جوال صاحب المحل 0541278210

أبو أبراهيم

وهو اللي قام بتجهيز سيارتي الباترول جزاه الله خير

إبراهيم الضويان 16-04-11 10:19 AM

وعليكم السلام ورحمة الله وبركاته

لاهنت يبوخالد وبيض الله وجهك

drksa 04-06-11 12:37 AM

شرق الرياض مخرج 36
مكانيكي
مشعل العنزي
0542515858

الهاجر12 22-01-12 02:10 PM

شر ق الرياض كان سابقاً بتوكيلات الجزيرة ثم مسك مركز صيانة بشارع المعارض بالنسيم والأن لديه مركز خاص به تحت الإنشاء انا من الناس اللي تعاملت معه فاهم ويعلمك بالخرابات الموجود ة بالسيارة وان كنت لاتريد الإصلاح لديه وبالفعل ابلغني بعطل بسيارتي ولا صلحته عند ه وبعد ثلاث ايام خربت عندي ورجعتله الله يجزاه خير لأنه ياخي فحص لي السيارة من دون لاياخذ شي
ابو يزيد 0500806657
المحل بالنسيم شارع الثلاثين وانت جاي من طريق خريص تدخل من عند الرسام يمين ثم بعد ثاني إشارة ب 250 متر يجي المركز على اليمين مقابل محطة البنزين والسلام عليكم

أبو مشاري العمري 23-01-12 10:59 AM

لاهنت يا ابو خالد على المعلومات ولاهانوا الشباب


موضوع يستحق التثبيت


الساعة الآن 03:45 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir

Security team