|
أطلق خيالك وأترك النفس حره ..... وخل الطبيعه في حياتك لها دور
لاضاق صدرك عالي الصوت جره لو كان قلبك ما يطاوعك مسرور دنياك لو تسوى من الحِزن ذرّه ما كان تاليها توابيت وقبور وما كان للكافر بعمره مسره وما شفت في ملكه ملايين وقصور العمر يمضي بين حلوه ومره والموت حق وقابض الروح مأمور دام الحياه الفانية مستقره ورزقك يجيك وبين الأجواد مستور لاتنشغل بالوقت برده وحره واحذر تصير بقسمة الناس مقهور وحكم القدر لاجاك خيره وشره أشكر عظيم الشان والذنب مغفور والمجلس اللي يزعجك لا تمره خله تراك بشوفته منت مجبور والرجل سقها في صحاصيح بره ومد النظر مابين ريضان وزهور لا صار وجه القاع ما فيه جره والمشي حافي والثرى توممطور ساعات صمتٍ ما وراها مضره تسوى الكلام اللي به إذنوب وإشرور أطلق خيالك وأترك النفس حره وخل الطبيعه في حياتك لها دور وبالليل لا بانت نجوم المجّره أذكر بديع الخلق بـِ إحـساس وشعور واسجد لرب الكُون مره ومره وإحفظ لسانك وأترك الكذب والزور وفروض ربك خلها مستمره وطاعتك لا يدخل بها نقص وقصور للشاعر غزاي الحربي |
اخي الكريم / أبو عمر . . . لا هنت على القصيده الجزله . . و مشكور على طرحك و نتمنى لك التوفيق . . . محمد الملحم - ابو تالا |
سلمت يابو عمر
وصح لسان الشاعر قصيده جميله في معانيها بارك الله فيك |
سلمت رائعة...
|
وعليكم السلام ورحمة الله وبركاته
صح لسانك يالغالي ولسان قايلها قصيدة اكثر من رائعة محبكـ عبدالله |
اقتباس:
حياك الله يابو تالا وشاكر لك المرور |
الغالي
ابو عمر صح كلك يالامير وصح لسان شاعرها دمت بخير |
قصيدة أكثر من طيبة وصح لسان الشاعر
وأشكرك أخي على هذا الذوق ننتظر القادم وفقك الله |
صح لسانك يابوعمر ولسان قايلها قصيدة اكثر من رائعة |
وفروض ربك خلها مستمره وطاعتك لا يدخل بها نقص وقصور تسلم اخوي ابو عمر على هالقصيدة |
قصيده طيبه وافيه الله يطيب اعمالك
تحياتي |
صح الله لسانك ولا هنت على القصيدة الجزلة
|
| الساعة الآن 09:13 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir