|
متى يجي الشتا ؟؟؟ ملينا من الحدايق
السلام عليكم ورحمة الله
كم باقي على الشتا بالدقيقه الله لايهينكم ,, بصراحه خلاص ماهنا حديقه ولامنتزه بالرياض ماسيرنا عليه ملينا من الحدايق الصناعيه ونبي الحدايق الطبيعيه اللي بالصمان :) |
هلا براعي سامودة
شكراً لتسجيلك معنا وشكراً لمشاركتنا في هذا المنتدى . نرجع للموضوع: يامعود الحين الصيف رجع عندنا وانت تقول نبي الحدايق ... الله يلحقنا خير ويروح هالحر ثم نفكر بالحدايق ههههه مشكور على هالمشاركة وبارك الله فيك. |
أول شي قبل الحديقه وقبل هالعلوم ..... وش هالطله الطيبه ... والله اني انبسطت يوم شفتك معنا هنيا ... موقع الرجال ... موقع الإشراف المتميز الذي يحترم أعضائه .... ومن يتعب لأجله ... تشرفت بمقدمك ياغالي .... ولي رد آخر اعطيك فيه كل تفاصيل سؤالك بأذن الله .... محبك ابو حمد ... |
هلا هلا هلا هلا بالغالي راعي ساموده نور المنتدى بوجودك يااخوي اخخخخخخخ بس شف توقيعي وتعرف الشفقه على المطر ولله اني اعد الليالي والايام لكن خلاص ان شاء الله مابقى على الوسم الا 25 يوم ويقبل الخير والعلوم السنعه و(الهبااال) طبعاً الهبال هذا يجي دائماً مع موسم الامطار ههههههههههههههههه لكن بأذن الله ان الله كتب لي عمر فالبشاره من عندي |
حيا أخوي راعي سامودة
والحال من بعضه يا أهل الرياض ، الحدائق وملينا منها لا وأكثرها عوايل لكن الله يخلي لنا هالطعيسات بالليل نتبرد فيها إلين يفرجها الله . |
قلعك ورا ما جيت مع ولد عمك لعنيزة شهر كامل قاعد على كبودنا
الله يعينكم يا اهل الرياض اللي اقرب طعس لكم مية كيلومتر يبي لك سفره وترحال وحال ومحتوى وحنا بباريس نجد يالله من فضلك وكل مدن القصيم وحايل الطعس حول البيت ايه حياك الله ياراعي سامودة |
بسم الله الرحمن الرحيم حياك الله ياراعي سامودة ... ياخوي إسمك بلحالة يجيب البراد حيث إن سامودة مانسمع بها إلا بالشتاء ههههههه :D وترى مابقى شي المفروض سؤالك هذا قبل شهرين ... أما هالحين ياربي لك الحمد بالليل يجيك نسانيس براد والفجر برد ماهوب براد ... والدليل شف أهل الطيور بادين يدعون طيورهم ... مشكور أخوي راعي سامودة على هالموضوع اللي نعنشنا وحسّسنا بالبراد .... ,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,, |
اقتباس:
|
اخونا الغالي / راعي ســـامودا حياك الله بين أخوانك وأبشر بالخير باذن الله أخوك/ ابو عبد العزيز |
| الساعة الآن 05:03 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir