|
وكل(ن) على شفه يجي له رمايه
بسم الله الرحمن الرحيم السلام عليكم ورحمة الله وبركاته الشاعر الصقار خالد بن سليمان الجريش من اشد المولعين بالطير وله الكثير من القصائد في القنص ووصف الطير يوم الجمعة 15 / 9 / 1433هـ ارسل لي رابط قصيدة جديدة من قصائده نشرت له بجريدة الرياض صفحة خزامى الصحارى يقول فيها : للوسم في قلبي مكانه وغايــــه .................حيث أنه الموعد بعكس المراهيش وسهيل موعدنا ومنه البدايــــه .................تدهيلنا للطير لجل ابرق الريش عز الله ان الطير سيد الهوايه .................ترتيبه الاول ومن عقبه الجيش والخيل عز ودين وهاذي كفايه .................في ناصيتها خير واهي المباهيش ثلاث في قلبي ولعها نهايــــه .................الكل منها فارض حجز تكويش الأوله بالقلب تملك خفايــــه .................والثانيه بالبال حب ومطاريش والثالثه بالعين تلقى رعايه .................حب الثلاث اهوايتي دون تشويش وانا افتخر عندي علوم ودرايه .................بأوصافها وأشكالها والتعاييش ولانيب اهمل عصرنا بالنحايه .................اخذت من هذا وهذا نقاريش مير الهوايه ذيك غاية منايــــه .................نفسي على عشق الاصاله معاطيش حنا على الله نجعل العز رايــــه .................وكل على رايه يبي نفسه تعيش ابديت ما كنيت بالله رجايــــه .................وجهة نظر وشعور خالد بن جريش وجاريتها بهذه الابيات المتواضعة : قاف(ن) جديد(ن) ما لفاني روايه .................على الخزامى من بعيد المداغيش خالد ابو سليمـــــان وانا لجايــــه ................. يبين مع شوفة اصعاب المناويش معاني(ن) بالطير ماهي دعايه ................. حب وولع والنفوس فيها مباهيش وكل(ن) على شفه يجي له رمايه .................وبالطير ما الومه وغيره مباليش ناس(ن) لها بالطير حب وولايه .................للوسم حسبتها ولا همها العيــــش وانا هواي وغايتي من صبايه .................شوفة فياض(ن) ما وطاها حشاحيش ما غير فيها الطير زج الغنايه .................من دون صوت الطير ما فيه تشويش اسج عن شي(ن) يعكر صفايه .................في خاطري ما ثمنــوه المرابيــــش حب الحبيب اللي تمكن غلايه .................هي منوتي من ناقضات العكاريش يا ابن اجريش والله ما يروي ظمايه .................يا كود شوف الناعسات المراميش اللي لهــــا بالقلــــب مثل البنايــــه .................هي غايتي والغير نجزاه تطنيش واعداد ما نجم(ن) يبين بسمايــــه .................ازكى صلاة الله على صفوة قريش ودمتم برعاية الله |
صح لسانك ولسان ابن جريش
قصيدتان جميلتان ورائعتان... وكليكما لايلام بحب هوايته. مشكور اخي سليمان على هذه المشاركة. وبارك الله فيك. |
اقتباس:
صح بدنك وسلم عمرك لك مني وافر الشكر والتقدير على التفضل بالاطلاع والاشادة بالقصيدتين وهذا رابط القصيدة بجريدة الرياض حيث نشرت اليوم http://riy.cc/757889 دمت برعاية الله |
صح لسانك وبيض الله وجهك |
صح السانك و السان الصقار الجريش . كلن يغني على ليلاه يابوعبدالله القلب خضر ويالله التوفيق المبارك مجارة رائعه والله يوفقك لكل خير
|
ابو عبدالله غبت وغبت وعطيتنا هالقصيدتين فقدناك هالسنة بالافطار الرمضاني |
اقتباس:
صح بدنك وسلم عمرك شاكرا ومقدرا لك التفضل بالاطلاع الله يحفظك ويرعاك |
اقتباس:
ومثل ما قلت : كل على شفه يجي له رمايه لك مني وافر الشكر والتقدير على التفضل بالاطلاع والاشادة بالقصيدتين والدعاء الله يحفظك ويرعاك |
اقتباس:
ما جتني الاخبار عن يوم الافطار .................. اللي لـه مـن العــام كنت اتحـــرا اجي على الدعوة ولا اقدم اعذار ................. حيث ان شوفك مع ربوعك يسرا والف شكر يا عم على التفضل بالاطلاع وعساك ما تفقد غالي الله يحفظك ويرعاك |
صح لسانك يابو عبدالله ولا يهون أبو سليمان كلكم وافين الله لايهينكم |
اقتباس:
حياك الله يا ابو شعلان صح بدنك وسلم عمرك وما عليك زود يالغالي لك مني وافر الشكر والتقدير على التفضل بالاطلاع والاشادة بالقصيدتين الله يحفظك ويرعاك |
دمت بعز يالامير
والله يغيثنا ويسعد قلبك وقلب ابن جريش |
| الساعة الآن 09:06 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir