|
آلــــــــــــــــــــــــــــــه نتف الريش؟؟
السلام عليكم ورحمه الله وبركاتة ,,,, وبعد
فيه واحد من الربع وصاني بآله لنتف الريش يقول انها توجد بالرياض وانا ماأدري وينها وياليت من اللي يعرف لها هل فيها شي يعني زينه او ماتصلح او ,,,,الخ؟ الرجاء الافاده ووين توجد بالرياض وكم سعرها وشكرا اخووووووووووووووكم ,,,,, دربي صعب |
هلا بالغالي هلا ... اولاً تشرفت بتسجيلك ومشاركتك معنا .... وتم الإطلاع على رسالتك على البريد الأكتروني ... وانشغلت عن الرد عليها ... بس ترآك تسو العيون الثنتين ياغالي ... حبيبنا ... شف موضوع مكينة تنتيف الطيور موضوع طويل عريض ... وحاسو خلق الله واتعبو ... ولا أحد توصل لحل حتى يجد لنا نتافة تنتف الدخل والقميري وذلك لصغر حجمها ... وانها تكون مضروبها بأعيره ناريه ... مما يجعلها تتهتك في وسط النتافه او تخرج ولا راح كل الريش .... بس فيه اجتهادات شخصية ... الى الآن لم تخرج للعيان ... واما الرياض فلا اذكر الا نتافة الدجاج فقط ... واذا انت تعرف محلها بالضبط في الرياض فعلمني عنه ... ولا لك الا مكينة واصلتك مكرتنه وجديده ... محبك ومغليك ابو حمد ... |
ياعسى عمرك طويل يابو حمد ويسلمك ويستر عليك والله ان لك وحشه ماتتصور والله لا يحرمنا منك ,,, بس والله ان مكينه النتف هذا مادخلت راسي بس فيه واحد من الربع وصاني وقلت اكتب موضوع لعلى وعسى ,, نحصلها ومدام انها كذا شكلي بدق عليه ,,, واتشرف بأن اول واحد رد على موضوعي ,,, تحياتي لك يابو حمد والجميع ,,,, اخوكم المخلص ...... دربي صعب
|
نفس كلام اخوي ابو حمد
مازال الموضوع مجرد اجتهادات من بعض الاخوان وكلها لم تكن بالمستوى المطلوب |
مشكور اخوي راعي ساموده على المرور ... وماقصرت
|
بسم الله الرحمن الرحيم حياك الله أخوي دربي صعب ... الصراحه سمعنا عنها ولاشفناها ... ولكن للمعلومية يقولون الدخّله المرميّه مع غير الراس ماتصلح للنتافه لأنها تقطعها ... ويقولون إنها تنتف وحده وحده يعني ماتقدر تحط عشر دخّل جميع ... يعني ماهنا أحسن من الربع إذا إجتمعوا وقالوا بالصيد كلّه خلال نصف ساعة ... أخوي أتمنى أن تجد ماتبحث عنه ... وبالتوفيق ... ,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,, |
اقتباس:
والا وش ابي فيها .. لاكن هو يبيها عشان تنتيف الحمام راعي صيد ... وشكرررا |
انا شفت العام الماضي عند السنيدي آلة تجريبية لنتف الريش
ولكن لا أعلم هل تم اعتمادها كسلعة تجارية أم لا .... سوف أسأل الاخوان السنيدي عن هذا المشروع . |
اقتباس:
وانا بنتظااااااااااارك... |
شفت الة صينية لنتف ريش الدجاج في شارع طارق بن زياد قبل ما يتفاطع مع شارع البطحا
|
اقتباس:
ومشكور على المرور تحياتي لك ,,,, دربي صعب |
اقول ماحد منكم جرب امجوي حقت الشعر ولا الحلاوى
تراني امزح يالربع بس اشوف ان النار هي افضل قرار |
اخوي دربي صعب
عندي لك نتافه جاهزه لا كهرب ولا شحن ولاشي بس ما تنتف الا القميري والشيوخ (الدخل) ولا مانع من الصفار محاكيك يالغالي اذا حصلتو صيد اتصل علي واجيك برسم الخدمه هههههههههههههههههههههه بس حبيت اداعبك يالغالي وربي يوفق خويك ويحصل النتافه |
| الساعة الآن 05:03 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir