|
شباب من الرس يجدون سلاحف عملاقة
السلام عليكم... وصلني إتصال من أحد الزملاء وهم في ينبع ...وقال لي إنهم وجدوا سلحفة كبيرة الحجم ..وقال أن طولها أو نقول قطرها يصل لـ متر ونصف ... يقول قريبة من الشاطئ ..يقول يوم حست بنا تحركت لم البحر ..يقول وقف قدامها خوينا يبي عشان نشوفها كلنا يقول يقول وفحت بوجهه وفتحت أفمه وصار شكله يخوف يقول ركب فوقه عشان يبطئ من حركتها يقول ماجابت خبر ...تشعمط "تمسك" بمؤخرتها عشان ماتدخل البحر .. يقول وسحبته معها لداخل البحر وطلع يوم شاف إنه مهوب قادر عليها . . يقول تحسرنا إننا ماقدرنا نصورها ...يوم جينا نتحرك من مكاننا يقول ويشوف واحد مننا وحدة ثانية من بعيد .. لكنها أصغر منها ...يقول الزين إنها كانت بعيدة عن البحر ..يقول وحنا اللي نصورها ...صور بالجوال ثابتة وفديو .. يقول أحجامها كبيرة وفي رؤوسها أجهزة وأشياء يبدو أن حماية الحياة الفطرية قامت بتركيب هذه الأجهزة عشان تتقفى أثرها وتتابع حياتها .. عاد هو أرسل لي هالصورة بالوسائط ..ويقول لما نوصل أعطيك باقي الصور وملفات الفديو .. لما يوصلن إن شاء الله نجيبهن لكم لكن هالحين مع هالصورة الوحيدة . . http://www.alrahlat.com/vb/uploaded/151_1192575629.jpg . . لاحظوا حجمها بالنسبة للشخص اللي جنبها ...هذي يقال لها الصغيرة :p عاد يقول أنا وخويي حاولنا نرفعها يقول بآخر قوتنا قدرنا نرفعها 10 سم فقط سبحان الله ... |
سؤال الحلقة هو ...
كم مرة قلت كلمة " يقول" |
ماااااااااشاء الله ولله ياهي كبييييره و أول مره ادري ان في شواطىء الجزيره مثل هذي ماقصرت ياهزيم الرعد وننتظر رأي الخبراء أما سؤال الحلقه : بلا شك فوق عشرين قوول هههههه تحياتي يالغالي |
الجواب قال 16 مرة كلمة يقول :eek:
وحولي الجائزة بالفيدكس :( |
وعليكم السلام
مشكور أخي الغالي هزيم الرعد على هذا النقل السلاحف البحرية تخرج للبر من أجل وضع البيض ، في موسم التزواج ، فهل هذا ما جعلها تخرج من البحر أم هو عامل أخر أخرجها من البحر وبإنتظار باقي الصور والفيديو |
اقتباس:
أظن أنني فهمت ماذا تقصد ياابو مروان ننتظر الاجابه والله يستر على المسلمين |
اقتباس:
وحنا معك ننتظر رأي البقية وهلابك |
اقتباس:
طيب أنا أصلا شارط إن اللي يبي الجائزة إنه يجي هو وياخذه بنفسه عشان نتعرف عليه ونقوم معه بالواجب ... وعلى فكرة ترى الجائزة قلم رصاص وبراية ومحاية << يوم إبتلش :p مشكور |
اقتباس:
بالنسبة للأمر الآخر الله أعلم ..أنا أخبرته عن خبر العيص وهو بالبر طبعا ما يدري عن شي لكن عطيته تصور للأمر وهم بالطريق هالحين راجعين وإن شاء الله تشوفون بقية الصور والفديو وربي محييك |
لا اله الا الله
شكلها يوحش بعذره خويكم ما قدر يمسك الاولى مشكور يا خلفهم وبانتظار باقي الصور |
ماشاء الله عيك يابوشكاع آوه هزيم الرعد هذا اللي خابرينك علمي وتحب علم الحيوان ...... :) عالم جميل جدا.....
ننتظر البـــــــــــــــــــــــــــــقـــــــــــــــــ ـــــــــــــــــــــــــيــــــــــــــــــــــــ ـــــــــــــــــــــه الهزيمه الرعديه :d |
ماشاء الله حجم Xxxxxxxxxxxxxl هههههههههههه ..تصدق يالغالي أول مره أشوف هذا الحجم بعيني ..ماشاء الله جزاك الله خير يالغالي على التقرير وبنتظار البقية..:) أحلى وأغلى تحية أخوك |
اقتباس:
ما أدري وراه كل ماشفت معرفك حسبت إنه الملبد :p والملبد عندنا معناته اللي مسكت مهوب يهرج أبد هلابك |
اقتباس:
وبالأخير الحمد لله في حياتي العملية صارت وظيفتي نفس توجهي العلمي هذا حيث إني توظفت بقسم الحركة بإدارة التربية والتعليم بالرس .. يعني أسوق باص المدارس :eek: أمزح طبعا :rolleyes: |
اقتباس:
إن شاء الله يجن بقية الصور وملف الفديو .. الله محييك |
| الساعة الآن 07:42 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir