مسامير الركب
 

السلام عليكم
ما شاء الله تبارك الله
صراحة الصور إغراء وبالهناء وبالعافية....


أتوقع والله العالم إن نوع التمر ((صقعي))
لكن لازم نذوق التمر علشان نعرف نوعه
مع دلة أوثنتين :D :D :D
مشكورأخوي مهراس الله يبارك فيك....

السلام عليكم ورحمة الله وبركاته

تبغى تعرف نوع التمر أخي الغالي مهراس أدعونا على صحن منه ، وأبشر بالذي يسأل لك عن نوعه

وبالصحة والعافية

ضباب الصبح:

اله يهنيك ويعافيك، شكرا على المرور وانا كذلك أقول مثلك فقط حبيت التأكد الله يرزقك الجنه، وأما ذواقة التمر، بس تجيني علبه ثانيه وابشر باللي يطيب خاطرك، رعاك الله.


أبو مروان:

هلا فيك مشرفنا الغالي، يوم السعد اللي نكون ان وياك على صحن تمر من هالنوع، سرني حضورك الطيب.

أبوفهد امامك خياران فقد لاثالث لهما :

1 - أما أنك ترسل لنا الطاوله ............... عاجبتني الطاوله ;) .... وأعلمك نوع التمر .

2 - أو أنك نتواعد نصف الطريق بين جده والخبر ونتقوى ونعلمك نوع التمر :D .

=========================

والحل الاخير :
أسئل خبير التمور أبوفراس ............ ويعلمك عن النوعيه ومسماه عند أغلب المناطق .

بصراحه يابو فهد نحن لانحكم على غائب

تقبل تحياتنا

شايب الصمان:

الطاوله والتمر ما يغلن عليك يابو عبدالله، وان على التمر وانت عليك القهوه وحدد المكان. شكرا لك على التواصل.

أبو صقر:

اسباب المواضيع كثيره، ومنظر التمر وجماله جعلني أكتب الموضوع، شكرا لك على الرد ومعذور،

ريع الدياب:

على هالشحم يابو اسماعيل، هذا عربون الرحله، أسف على عدم حضوري في الرحله الماضيه مع خشم الحصان، بعدين ما شفنا أحد نزل موضوع، سكتم بكتم.
توقعك معقول يمكن التمر من بيشه وبيشه تشتهر يالتمر الصفري والصقعي. تقبل تحياتي.

MEHRAS:

يكفيني مرورك الطيب، حفظك الله.

مهراس: هالتمر ما اعرفه بس اعجبني طريقة عرضك للموضوع وبساطة شرحك الجميل.
عندنا بالقصيم ما اعرف أي نوع كبير
لكن فيه نوعين كبيرا الحجم هما أم الخشب والحلوة وهذان النوعان لا يكنز ويؤكل طازج.

لاهنت

وش رايك بسطل برني
 

السلام عليكم جميعا ابوفهد جعلة بالعافية والظاهر انة صفري لكن ويش رايك بسطل برني

ابو شعلان:

التمر وشايب الصمان ورطونا وانت كملت الناقص، لكن ما ارد طلبك اذا جا أبو عبد الله للرياض نجتمع على تميرات مع بعض الأعضاء من الرياض أو حواليها مثل ذيب العرمه وعاشق الريم وغيرهم ونسميها طلعة (اسم التمر)، وياليت أبو فراس يعجل علينا بالمشاركه، تحياتي لك على ردك الحلو.


راعي لشاص:

يا مية هلا فيك، عودا حميد، وذلك دلاله على ذوقك في القراءه، الله يحميك،
اساس الموضوع هو العجاب بالمنظر(منظر التمرفي العلبه) من ناحية الحجم واللون وترتيب التمر في العلبه، طبعا مع الصور ظهر لي الموضوع وهو السؤال عن النوع لأن منظره سبحان الله جميل، اما السيناريو فهو وليد الصدفه لتمليح الموضوع، تقبل خالص الشكر على تثنية المشاركه والمعلومه القيمه.



عاشق المدينه:

بارك الله فيك وأعز مقدارك على المرور المقبول، التمر كله عندي سوا وليس لي خبره فيه بالحيل، والبرني ما عليه كلام، ما يرد الكريم الا !!!!!!!!!، الله يطيب حالك، تقبل تحياتي.

مهراس بارك الله فيك على الصور الجميله والنفس المفتوحه الله يهنيك ويجعل مهابيطه العفا.
التمر ان ماخاب ظني انه صفري من صفري الوديان المشهور بكبر حجمه مثل ماقال ابو اسماعيل.
لاهنت يامهراس
عليم العطش

عليم العطش:

الموضوع زان بتشريفك وردك الطيب، معظم الردود تقول انه صفري، ولكن هل الصفري هو الصقعي، شكرا لك على المداخله.