|
نقل المزاين من أم رقيبة إلى وسط الصمان
السلام عليكم صار بعضنا بالمملكة ينتظر سنويا المزاين. وحتى بالخليج العربي صاروا ينتظرون هذا التجمع اللي هو( مزاين أم رقيبة) مع أن مزاين أخرى (بالهيبة.. وأحيانا بالخيبة) تبي تخرب على أم رقيبة {{ ترى ما اقصد شي بس جايزنلي السجع .. وكله مزاين لإختيار أجمل الإبل وفق معايير يعرفها خبراء مشهود لهم بالخبرة والمعرفة المزاينية يتم بعدها اختيار أجمل الإبل من حيث جمال الوجه واللون ومميزات أغلب الجمهور والحاضرين ماجاب خبرها، توزع بعدها الجوائز على (أصحاب المزيونات الفائزات) علما بأن الفائزين ما جاب خبر الجوائز .. فالمهم يفوز ويحقق مركز متقدم ثم .. ولد ابوك تسوم مزيوناته بأقل من طعش مية ألف. هذا المهرجان اجتذب عشاق البر والرحلات على اختلاف فئاتهم ومشاربهم ( ولا تفوتكم مشاربهم = يعني رجال شروى الطيبين ..شواربهم مفتلة ).. وغير هالعشاق تجذب المزاين من ليس لهم خبرة في التعامل مع الصحراء القاسية... ولا يعرف عنها غير انها هلي أو كبسولة توقف على راس طعس.. الحقيقة قعدت على (رأس طعس) في زيارتي الاسبوع الفايت للمهرجان اللي يقول إنه من (سياحة صحراء) مع أن عرفي عن الصحراء إن مافيها صياعة أقصد سياحة بالشكل اللي يصورونه المنظرين للصياعة (أوووه قصدي السياحة ). الحقيقة وانا على (راس الطعس) فكرت وسألت وش اللي متغير هالسنة؟ ما أدري لكن استرعى انتباهي الاهتمام الزايد بالإبل وتزيينها بالسفايف والمحاقيب والاكوار .. مع أني ما اعرف وش تعني هالمصطلحات.. لأني ما ألقى أحد يشرحها ويوضحها هناك .. يعني حقين السياحة ماوفروا محاضرين في ثقافة الصحراء.. وترى ثقافة الصحراء ماجازت لي.. لأني أتصورها بموقع المزاين تعني واحد جالس على كرسي (براس طعس) ويلقي علينا محاضرة مملة وحنا ناثرين معاميلنا تحت الطعس نحوف لحيمة الحاشي... ما علينا تبرعوا ياحقين الرحلات ووضحوا لي وشي السفايف والمحاقيب وغيرها لأني مافضيت مشغول أفكر بالمحاضرة والمعاميل ولحيمة الحاشي كيف يجتمعن براس طعس (وش سالفة راس طعس معي .. الله أعلم) إلا وش رايكم أطلع بكم ردمية وأقول شعر.. يتبع |
جاكم الشاعر يقول: ليل الضحى في راس طعس ونيت@@@ ونة خلوجن غادين ظناها وصبيت خمسة عشر فنجال وازريت @@ أثر الطعوس بينت لي خفاها ويا ماحلا الفنجال مع سيحة البال @@@ وياكليب صب النار صبه والله فاتت علي ماقلت هالشعر يوم أنا (براس الطعس) كان طبت علي قناة أبو ظبي تهايط بي بين القبايل وتلهط قروشهم بشاعر المليون .. أو قناة الساحة .. وشوي إلا أنا من ملاك المزاين أقول القسم ( اقسم بالله العظيم أن هذي نياقي ما لي شريك بها إلا عيالي){{ إذا كنت أخي القارئ سعيدا لا تتابع قناة الساحة فتجاوز هذا القسم) ماعلينا .. نرجع لموضوعنا عن المزاين ( قال يعني حنا طلعنا منه ) .. اللي أقول وكني مغصوب التالي: أشوف بزيارتي الأخيرة الوضع يبي يزين بالمزاين ...لاني لقيت بعض (الأشياء الجميلة) موفرة في هذا التجمع المزايناتي .. شاهدت خدمات حطت رحالها في ربوع المهرجان السنوي متحدية عوامل التعرية الصحراوية مثل المطاعم والمواد الغذائية بأنواعها، والحلاقين والجزارين( وترى بالمزاين مافيه فرق كبير بين هالاثنين بالذات ).. وأنصحكم تاخذون لحيمة الحاشي من الديرة وإذا مصر الواحد منكم يحلق عليه باستخادم أدواته بعدما يتشطر بـ(راس طعس ). وشفت أيضا الباعة المتجولين .. طبعا بدون رقابة.. أما عاد عشش البقالات هناك هذي عن نفسي ما أثق فيها خصوصا إذا شفت اللي يبيعون هالمواد الغذائية من الجنسية (إياها).. حسيت إن تاريخ صلاحيتها من سنة (راس طعس) إذا ماهو مزور.. يعني وراكم وراكم حريق بالبطحاء وحريق ببطونكم وأنتم بـ(راس طعس) بالمزاين .. أما سوء التخزين فهذا الله يعوق الشر حادث حادث .. ويمكن خلال فترة نقلها أصبحت سماً زعافا... وعلى طاري السم تذكرت المطاعم هناك وبجوار الجزارين اللي معلقين اللحم على جال حويش الغنم بالدمال اللي فيه والذبان تدودي عليه .. وين الرقابة يا ناس (اعقل بس .. حنا شفنا مراقبين البلدية بالديرة نشوفها بالبر (وعلى راس طعس). أما من يريد أن يبحث عن مكان للمبيت أو الإستقرار (براس طعس) حول المزاينات فهذا موال طويل بطول عشرات الكيلومترات اللي ستقطعها بعيدا عن هالفوضى والمخلفات والأكياس التي تشك أنك في الدهنا وعلى أعتاب الصمان .. آآآآه.. يالصمان ياحبي لك حتى لو ما فيك (راس طعس). وياخوفتي يجي يوم ينقلون المزاين لوسط الصمان.. هنا تصير الدعوى خراب في تخريب. أقول: إلى أن آتيكم الاسبوع القادم من (راس الطعس) اللي بالمزاين .. أستودعكم الله. |
وياخوفتي يجي يوم ينقلون المزاين لوسط الصمان.. هنا تصير الدعوى خراب في تخريب.
صدقت والله اخوي القطار ما دام تبي تزودنا بالاخبار من هناك ورا ما تسمي قناتكم طعس ام طعس على وزن طش ام طش |
أخي القطار:
هذا شى مفهوم وهو مع كثرة الناس يبي يصير الكثير من الفوضى والمخلفات، ويبي يصير جهد البلديه أو الناس انفسهم أكثر في المحافظه على نظافة المكان والا لمزايين لم تحقق هدفها المنشود. نرجع للمشكله نفسها ألا وهي الناس انفسهم من اصحاب المحلات الى اصحاب المخيمات، لو كل راعي محل وفر لنفسه برميل زباله وربطة أكياس وحفظ زبايله وجمعها على جنب يبقى بعد ذلك دور البلديه، نفس الشي لأهل المخاييم، المسأله تعاون ومبدأ، وغير كذا الله يخلف علينا في المزاين ما تصير تسوى الروحه لها مثل حالنا اللي من الغربيه. تشكر على هذا التقرير ووصف الحاله اللي عليها مزايين أم رقيبه وهنيئا لك على فكرك الواعي، وفي انتظار جديدك من أم رقيبه. |
وتزيينها بالسفايف والمحاقيب والاكوار = *&^%^&!@$@#^&&..:)
يا خوي تكلم عربي علشان نـتـعاون معك على تفسيرها .!! وصف رائع بارك الله فيك |
الأنيق: أحييك وأشكر لك ردك وفهمك للمشكلة ، وبيني وبينك فكرة قناة خاصة بالتغطية فكرة ممتازة لكن شرهتك على اللي يبي يروح مرة ثانية.:mad: مهراس : ياراعي الفرت الهاف فكرتك أجمل من الجميلة :eek: لكن هل هذا يكفي ؟ :o المربد: ياراع التلسكوب ;) والملاحظات ، والله انها عربي بس الظاهر انك ما شفت قناة (......) تقبل تحياتي أخوي. |
مشكور اخي القطار على هذه اللوحة الفنية الرائعة .
بصراحة أنا قرأت هذه القطعة أكثر من مرة وذلك لروعتها وجمالها نتمنى أن تتحسن الأوضاع في هذا المزاين ويكون هناك تنظيم ورقابة أكبر. بارك الله فيك. |
أنا من ناحيتي مع إن أبوي الله يغفرله جمال ولد جمال إلا إني أقول ياريت يكون مزاين إختراعات بدل ماهو مزاين إبل واغنام وحمام وسمك ههههههههه لاتزعلون ياهل جدة والشرقية تراني أمزح, نرجع لمزاين الإختراعات اللي هي فيها الفايدة والرقي العلمي المتقدم وشوي شوي يصيرلنا هيبة بين الأمم بدال ماهم يضحكون علينا ولا تقولون ليش يضحكون علينا لأنهم بالفعل ضحكو علينا من زمان لأنهم ما يبوننا إلا نربي البهايم ونشرب حليبها ونبلع العافية من شان ما نشغلهم بنفسنا ومع الأسف حققو اللي يبون ونشغلنا بالمزاين.
نبي مزاين للبحوث العلمية , نبي مزاين للصناعات الحربية , نبي مزاين للصناعات النفطية نبي ونبي والعد مطول أتمنى إني ماكون متحامل على أحد وهذى مجرد رأي واجتهاد مني . أخوكم رعد وبروق. |
والله ياعنوان الموضوع هبل بي حسبتهم بيخربون الصمان
والله يديم عليهم مكانهم ولا يغيرونه ومشكور على موضوعك الساخر رعد وبروق انت http://www.alrahlat.com/vb/images/icons/icon14.gif |
صقر سعدنا بزيارتك لها الموضوع ، وما لنا الا نقول آمين. رعد وبروق : أشاركك الرأي والإحساس بأن هناك شيئاً يجب الإلتفات له أهم وإلا سنرجع إلى ((المربع الأول)) حيث مكانك سر سأعود لاحقاً ، عن اذنكم ;) |
:eek:
اسلوب رائع وفعلا يثبت لنا بأنك جمعت حروفه في أم رقيبة :cool: بس ياخوك فكنا من الردمية ماتخملناها على ظهر الددسن تبينا نمشيها على القطار:D أما المزاين فأخوك ما خشت مزاجه أبد ولم أحظر مزيوناتي وحده وأقول صح لسانك على الابيات الرائعه :( |
ولد نجد ، ياخبر اليوم بفلوس بكرى يبآآآ ببلاش ، ووالله انا خوفي بيوم من الايام يطلع لنا بالصمان مهرجان ومزاين جديد وبل اسمك جاء بعد هالسيول وهالخيرات الله ينفع بلادنا اقتباس:
اقتباس:
|
| الساعة الآن 11:27 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir