|
القياده بالرمل تحتاج فن صح ؟ طيب والطين ؟؟
السلام عليكم ورحمة الله ...
ياكثر ماتسمع عن فلان ولا فلنتان انهم فنانين بالسواقه بالرمال ويمكن يقدر الواحد فيهم يروح (الرمله) على كرولا :( :smailes79: الله من التبهير عند خويانا :smailes26: طيب ماعمري سمعت عن احد فنان بالطين ويقدريطلع اي سياره ؟؟؟ أحد فيكم سمع ولا شاف ؟ واذا سمعتوا ولا شفتوا نبي نستفيد الله لايهينكم :smailes81: |
ياجماعة عطونا اللي عندكم
هلا بييييييييييييك راعي سامودة
الطين وماادراك مالطين الطين مصيدة السيارات اهم شي اذا شفت الطين انحش وامغط الموتر:Taj43: هذا قبل مايربض الموتر واذاربض مالك الا التنسيم ويمدحون الجذوع هذا ان نفع والا ماله الا التل :mad: مشكور ياراعي سامودة على السؤال وترانا نحتر ي خبرتك مهوب تسأل وتنحاش http://www.alrahlat.com/vb/images/icons/icon10.gif http://www.alrahlat.com/vb/images/icons/icon10.gif |
بسم الله الرحمن الرحيم وش دعوا ياراعي ساموده >>>> تطنّز <<<< :mad: عقب ماقريت قصتي يوم نطيح بالطين ... طيب:smailes81: ... طيب ... :smailes81: على العموم ... لو السياره تتحرك إذا غطست بالطين ... كان تلقى ناس يعرفون يطلعونها ... لكن البلا إنها ماتحترك بالطين ... عشان كذا لا يوجد إحتراف بالطين ... تلتله في تلتله ... ويالله بعد ... لاهنت يالغالي ... وبيض الله وجهك ... ,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,, |
وعليكم السلام ورحمه الله وبركاته
السواقه بالرمال كثرت الكتابات عنها !!!!! ولكن الطين يختلف أختلاف كلي ( ينطبق عليها أنك مسير وأنت مخير )...... وهذا رابط موضوع سابق لي شخصيا ..... وحسب تجربتي ( أحرص أن الهواء لايفرغ تحت الموتر لانه بصير مثل الخرسانه ماسك الموتر بالطين (تقل شبث :D ) ... http://www.alrahlat.com/vb/showthread.php?t=2688 |
الطين والرمل كلها تحتاج إلى سياسة لكن هناك ناس ترتاد الرمال دائما فأصبح لديه خبره ودراية في هذا الجانب :1aa: والطين مشكلته وقتها قصير فما يمدي أحد يكسب خبره:1aa: لكن لا شك بأنه أصعب مشكلة تواجه السائق ومن خلال عدة تجارب وغرازات فالسيارة لا هلشت ما لك إلا تتصل علي وأعلمك بالخلطة السرية التي تقوم بتجفيف الطين وجعله كالحجر تحت السيارة :1aa: :1aa: :1aa: :smailes26: |
عليكم السلام
والله يا اخوي راعي ساموده ان الطين نشبه والله يكفينا شره لكن ما يصلح فيه المخاطره الله يحفظنا واياكم من كل شر |
تعال مسرع فوق 80 وانشاء الله بتطلع وطريقه مجربه
|
فيه طريقه انا مجربها ونجحت طبعا سارقها من الكاتلوج حق موتري السابق جيب ميتسوبيشي 88
طبعا في الطين الكفر يدور في محله ولو ترفع رجلك عن البنزين يضل الكفر يدور لاكن الحل هو كالتالي تسحب الجلنط وتحط الموتر بالاول وترفع رجلك عن الكلتش حبه حبه واذا حسيت ان الموتر بيطفى فك الجلنط حبه وحده اذا مافاد فك حبه ثانيه الى ان تقع في الحبه اللي تسمح للكفر بالدوران بكل بطء حبه = طقه او نزل الجلنط بعد ماتضغط الزر حقه بشويش ويصبح الجلنط هو ذراع التحكم بدوران الكفر اذا بدا يدور الكفر شد شوي واذا بداء الموتر يضعف ( كانه بيطفى ) ارخ له شوي مقدار شعره همن شوي ماتدري الا وانت متعدي الطين اهم شي انك ماتخلي الموتر يحفر الى ان يسقط الكفر واذا حفر الكفر فيه طريقه حلوه بعد احفر قدام الكفرات الى ان تحس ان الموتر بيطيح على يدك ثمن حاول تدف الموتر على قدام وانتبه لاتزلق همن تدعي علي ولاكن هذه الطرق كلها جربتها ونجحت معي طبعا الطريقه الثانيه جت معي بعد تفكير وليس من الكاتلوج اهم شي ان الحفره اللي قدام الموتر يكون لها امتداد زي ماتقول قدامك طلعه بسيطه لاتخليها جفره( حفره ) اتمنى التوفيق للجميع |
الطين يبي له مسايس وما يبيله عجله وعلى قولت بعض الاخوان يحط شجر تحت الكفرات ووووو(غسيل الطين اللى على الكفر) مجربه وتطلع بئذ ن واحد احد وكذلك رفع الهبس الخلفى بمربوعه او جذع شجره والهبس هواللى طالع من الهوب مع فتحت الجنط بارز تحط حصاة بمسافة30او40 سانتى جانب الجنط وترفع الهبس --:dunno: عساى قدرت اشرح
|
الا السلاسل اللي على الكفر مايجيبن نتيجه ؟؟
|
حطوا خشب تمشي عليه
او حط السيارة بالثالث خل عزمها يتردى شوي وتطلع ان شاء الله ؟؟؟؟؟ |
أفضل طريقة للطين ومجربه
هي: أنك تدعس لوالديه ولا تلف |
| الساعة الآن 04:54 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir