يالله يا معبود يا رب ابي انخاك =يا عالمن بالغيب تدري بحالي
يمرفجن ايوب من حيث ناداك =ضعيف حالن وناحل الجسم بالي
انت العليم المقتدر يارب محلاك =ياجابر المكسور يا ذالجلالي
انت الكريم وتعطي الذي يرجاك =ولى غيرك الي يعطي الناس مالي
بجاه النبي المصطفى والذي ناجاك= وبجاه عيسى الناطكن بالكهالي
تلطف العبدن خايفن منك يدراك= انت الكريم الي على الناس والي
اشجي هموم القلب وارجي عطاياك =عبدن ضعيف وشاجلك احوالي
ومتفيد شكوى للرفاكه بلياك =ما فادت الشكوى العمامي وخوالي
وياقلب يميشوم وش هلذي جاك= ويحض مالك نايمن بالتوالي
ويادهر اخس اليوم مهي بمرداك= كصرت بالاجواد تعطي النذالي
خليتني امر الهذا وعلى ذاك =واركيتني الجهدي على كل جالي
مار لاصار دهرك خاينن ثم وازاك= اصبر جثير الصبر وفوض المجالي
ويافاهمن كولي اسمع ابي انهاك= انهاك عن درب الردى والنذالي
وكضب دروب الي على الحك جداك =ولاتتبع الناقص ردي الرجالي
وابعد عن اليبوه ردا لو اعطاك =من حيث لو يعطيك احصانن شمالي
يحجي بوجهك زين ويلغيك عند ذاك= ويلغيك عند الناس بالك المالي
وعند الخلايك كلها كام يشلاك= حيثن سفيهن ولردا ما يبالي
وخلاك خاينن للرجاجيل وئذاك= وانت النضيف الجيب والبطن خالي
واترك سفيهن ماحجه ليتبلاك =والنفس نزها على كل حالي
وبالك تروح الكرمت الذي ماجاك= لوصارعمن غالين او خالي
وشعاد لو حسها بعيدن تعداك =ميفيد حسن من بعيد الغالي
واحفض الزومك وافتهم ترى دنياك= ان اكفت تكطع ما كنات الحبالي
ان نكطع حبلك مالك سوى الله حدن جاك= ولا من صديجن يمكنها بالوصالي
واترك عدوك لو صفا رد عاداك =ترى العدو شكد ما صفالك ولالي
واكضب دروب الطايله الرب وصاك= وخلك عفيف النفس عالناس غالي
واحشم خويك بالدرب لو اسكاك= من حيث لويسكيك مر المراري شربه من زلالي
وحي بوجه الضيف ليكون يلغاك= الضيف ضيف الله اول وتالي
واطعم الجارك واكرمها لو ما اعطاك =وماكال صكار الكبيسي وبدالي
وصلات ربي على النبي ععدد ذكراك= وعداد قطرات المطر والرمالي

المشاركة الأصلية كتبت بواسطة الانيق (المشاركة 47719) اخوي حاتم الحمداني ياليتك نسقت الفصيدة لكان افضل لقراءتها بشكل صحيح