|
يالربع البطاريه الاضافيه(dual battery)
بسم الله الرحمن الرحيم
السلام عليكم 00لاتطل من الشباك00 يالله حي كل واحد باسمه الموضوع ومافيه اني بغيت اركب بطاريه اضافيه ومثل ما عرفنا من بعض الاخوان ان فيه اكثر من ورشه تركبهن مثل سوافي وياخذون 700 والرمايه وياخذون 750 والدفع الرباعي وياخذون 1200 مريت الورشتين الاخيرات ونشدتهم وشفت كتاوتهم وبطارياتهم يستخدمون 80 امبير باناسونيك وكتاوت تايوانيه والرمايه تقول انها المانيه لكن كل شي بين السوال يالربع ايهن ازين بغض النظر عن السعر بلاك دافع دافع وتبي شين مضبوط وهل تنصحون بفاصل داخل الغماره ؟ ووش الاشياء اللي يجب على الشخص ان ينتبه لها تحيتي لكم ابو سعد |
وعليكم السلام ورحمة الله وبركاته
ومرحبا بك بين اخوانك واعتبر المنتدا منتداك واسال على كيفك.... ارجو الانتظار سوف يردون عليك الاخوان المختصين بس مثلك عارف الوقت وقت قايلة يعني ربعنا مقيلين:smailes81: موفق بإذن الله ... لك مني أجمل تحية . شـكــ وبارك الله فيك ـــرا لك ... . |
اقتباس:
البقا ولا نشدت الا وانا خابر انه محلي وبيض الله وجهك وعلمك غانم وما قصرت تحيتي لكم ابو سعد |
السلام عليكم ورحمة الله وبركاته
اخوي ابو سعد اعتقد بأن في هذا الرابط جميع ما تحتاجه من معلومات وهو للاخ بسام http://www.alrahlat.com/vb/showthread.php?t=3895 |
اقتباس:
الموضوع نفعني وعافاك الله لكن البلا انه بالشرقيه وانا بالرياض عموما ما قصرت وابيض وجه تحيتي لكم ابو سعد |
سلام وعليكم ورحمت الله وبركاتو أخوي ممترالبران
بشر أي من الورش الي شغله كويس ومضمون أنا يمكن أركب أرجو الأفاده |
ماشاء الله الغالي ممتر البران والاخوه الغاليين قضيه السعر ليست مهمه المهم من يركب لك الاجود الاطول عمرا المهم هو جوده القطع المستخدمه ونوعيه الاسلاك وطريقه التركيب وأسأل من عملوا البطاريه الاضافيه عند هذه الورش واسألهم عن رأيهم في شغلهم قبل ما تشتغل عندهم قضيه الفاصل : مهم ان يكون داخل السياره وقريب وقت الحاجه بشر كانك ركبت بطاريه اضافيه (عطنا علومك) موفق بإذن الله ... لك مني أجمل تحية . |
السلام عليكم وشوله الفاصل في الغماره ركب دقمه اذا السياره تشتغل تشحن البطاريه الأحتياط واذا طفيت السياراه تفصل البطاريه الأحتياط واذا انت من هوات الشغل اليدوي وتقول اخاف تخرب الدقمه ولا ادري عنها ركب فاصل حق القلابيات تلقاه في الصناعيه الكبيره قيمته 60 ريال 24 فولت( ما عليك من كونه 24 فولت انت راح تستخدمه فاصل وراح يشتغل صح ) ركبه قريب للبطاريه الأحتياط اذا طفيت الموتر اقطع الفاصل واذا حركت السياره ارجع اشبكه علشان تشحن البطاريه وعلى فكره المسأله سهله تقدر انت تسويها وتوفر كثير فصل الكرسي وثبته من الصناعيه اشر اسلاك كهرب 16 ملي حسب الطول المناسب ( تباع بالمتر) واكبس روس الأسلاك ركب البطاريه الموجب مع الموجب والسالب مع السالب والفاصل ركبه على خط الموجب ( سواء الدقمه او اليدوي) وخلاص هذا اذا موترك يا باني اما اذا امريكي تحتاج قطعه لتفريغ الكهرب الزايد ولا عندي اي خلفيه كيف طريقتها موتري يا باني تحياتي |
الله لا يهنيكم جميعاً وأشكر اخوي بسام راعي السبق في هالأمور وعندي نقطة مهمه يغفل عنها الكثير وهي جداً خطيرة وهي جعل موجب البطارية بالقرب من البدي والمفترض العكس يكون جهة المحرك لتفادي الإلتماس حال وقوع حادث لا قدر الله ابوخالد |
السلام عليكم
سجل عندك واحد نفر يبي يركب :Taj43: وبين وبينك سئلت ولقيت الرخيص الي يقول بـ500 مع البطاريه والي يقول بـ700 مع البطاريه وقبل الاستعاجل قلت نشوف نصائح من الميكانيكيين واسئل فلبيني قال اهم شي القاعده الي راح تركب عليه البطاريه ثم نوعية وسمك الاسلاك الي راح يتم توصيلها ثم الكتاوتات ونوعيتها وكم امبير بس سعره بـ700 ريال من دون البطاريه يعني على كذا اروح للرمايه افظل لي مع البطاريه بـ750 ما دام الكتاوتات والفاصل اصلي بس اهم شي قوت القاعده ونوعيت الاسلاك بالنسبه لي ننتضر من الاخوان الإفادة اكثر موضوع جميل ومفيد ومهم الف شكر لك |
أنا مع أخوي مخيل البروق
الشغله سهلة جداً ولا يبيلها فني لكن سوافي والدفع الرباعي والرماية يصلخون بالسعر لأنهم يكرمون العين بترتيب الشغل أنا ركبتها عند سوافي من أكثر من سنتين شغله تقريباً ممتاز لكن لو بركب لسيارة ثانية فأبركبه أنا بالبيت |
اقتباس:
ياليت يالغالي ولك مني كل الدعاء لو تعطينا طريقه تركيب البطاريه الإضافية لنستفيد نحن اخوانك في منتدى الرحلات وماهي متطلبات التي يجب ان نحظرها من اسلاك وإلى ذلك مع شرح لو بقليل من الصور بارك الله فيك أن استطعت والف شكر لك |
اقتباس:
راعي الطلعات ... خذها نصيحة من اخوك الصغير ... مادام فيه شي اسمه قوقل اسأله بالأول لأنه اسرع جواب من الجميع :rolleyes: ولالا يا شيخ قوقل :D عموما ادخل على قوقل واكتب ( بالصور تركيب بطارية إضافية ) واطلب عزك يالغالي محبتي ابوخالد |
اقتباس:
بيض الله وجهك رحم الله والديك ورزقكم الجنه شكله هذا الي بيصير وان شاءالله يتم التطبيق وان شاءالله نصور الموضوع ونزله بالنت لكم جزاك الله خير |
أخوي هذا رقم واحد بالرياض اسمة ابو سليمان شخص ماشاء الله علية شغل ذمة يشتغل بحوش بحي السلي أنا مركب عنده بطارية اضافية للباترول 2007 والحمد لله لامشاكل ولا شئ ويمدد لك لمبات بالكبوت وبالباب الخلفي ويحول ولاعة السيارة على الإضافية بس تأكد منه ان تاريخ صناعة البطارية الى يجيبها جديد رقمة 0504472382 |
| الساعة الآن 01:19 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir