|
سؤال عن أفضل معاونيات للجيب
السلام عليكم ورحمة الله وبركاته
أخوانى أصحاب الخبره ما أفضل معاونيات للجيب النيسان حق المقناص والطرد والمطاب بنتظــــــار أراى أصحاب الخبــره الكرام وصلوا على محمد وعلى أله وصحبه |
هل تقصد المساعدات؟؟
|
صقلاوي اذاكنت تقصد المساعدات مالك الا الأستراليه الموجوده عند الرمايه في الرياض ويركبونها لك فهيا الأفضل لك اشكر
|
اقتباس:
المعاونيـــــــات هى المساعديــــات فى الكــــــــــــــــــويت نستعـــــــمــــل معاونيات الألمانيـــــه صفراء اللون أنا ماستعملتها بس الشباب فى الكويت يمدحونها |
صقلاوي.. هلا وغلا
بالنسبة للمساعدات فعندك ثلاثة أنواع.. 1- المساعدات الأسترالية اعتقد اسمها Old man emu. (الوكيل الرماية الورشة الرياض - طريق التخصصي) تكلفتها مع التركيب تقريباً 1400ريال. 2- المساعدات الأمريكية Monroe.(نسيت اسم الوكيل:confused:- الرياض الصناعية القديمة خلف البنك الأهلي) تكلفتها مع التركيب بين 700ريال و 900ريال. 3- المساعدات الأمريكية Gabriel ذات اللون الأزرق.(الوكيل السيف - الرياض الصناعية) تكلفتها مع التركيب 500ريال. ملاحظة.. بحكم انك تحب المقناص والطرد والله يعينك المطاب احرص على استبدال مساعد الدركسيون بنوع آخر.. او ترهم مساعد ثاني مثل ماذكر بإحد المواضيع الموجودة الآن في هذه منتدى السيارات.. وأخيراً.. كان الله بعونك ونحن بالخدمـــــة.. أخوك.. أبو فهد.. |
معاونيات-مساعدات-جنبينات-سبرنجات-طيات-يايات-
السلام عليكم ورحمة الله وبركاته
اخو هذي صور لمعاونيات اثبتت جدارتها بالقوه والاداء العالي والضمان الشامل وهذي صور لجيب خالد البلوشي مركب منها ولها وكلاء بالامارات- الرياض- والكويت http://dc04.arabsh.com/i/00104/i4y98s1f79qe.jpg http://dc02.arabsh.com/i/00104/hbfi0fzu4tm2.JPG |
اقتباس:
اقتباس:
هلابك اخوي العزيز بالنسبة للمعاونيات او ما نسميها بالمساعدات هناك امر مهم وهي التكلفة كم تدفع ؟ وأيضاً مانوع إستعمالك فالمساعدات كثيرة جداً ( ومتعددة الأغراض ) إذا كانت الأمور زينه عليك بالمساعدات الذي أخبرك به اخوي الغالي ابوفهد وإن كنت تريد الأقل تكلفة بجودة عالية عندك مساعدات الشاص امامي وخلفي ( وإن كان مع المطب القوي يردح من الخلف ( يضرب من الخلف ) فعليك بالياي الإسترالي وفيه مساعدات رانشو ( للخلف ) تمتاز بتحكمك بقياس قساوتها بدقمه يدويه سهله ورقمها ( رانشو 5000 وإن لم تجد فخذ 9000 وسعرها تقريبا 1500 ريال من الإمارات هذي النصيحة سريعة لأننا لا ندري بالضبط ماهي استعمالاتك هل انت صقار وتضرب الارض بسرعات عالية ام هاوي وصاحب طلعات لذلك هذه الخيارات الثلاث امامك تفضل ما شئت وحياك الله بيننا تنويه : مساعدات المونرو تضعف مع الوقت بشكل ملاحظ والجبريال لا تعيش ( غالباً ) يعني مع الضرب القوي تخور . الزعبي حياك الله بيننا غالي عزيز ابوخالد |
نوماس سدير تسلم والله يحيك ومشكور عالترحيب يالغالي
بوضح شي بالنسبه لليايات هناك نوع اسمه سفاري يرفع الموتر من 7 الى 12 سم وهو سميك وقوي ويتحمل حمل قوي بس فيه عيب واحد اذا ما تحملت السياره فوق ال 400كيلو بالرحلات تكره قيادتها واذا سقتها بالمدينه يعني على الاسفلت رح تصير تنقز من الخلف وفي يايات-سبرنجات-طيات هبي ديوتي هذي ترفع الجيب على حسب المقاس وبالتحميل فوق ال 250 كيلو تنزل لمستوى الوكاله وبالمشي كنك مو مرهم او مرفع الموتر يعني اداء عالي بالرحلات وقياده ناعمه عالاسفلت اتمنى اكون ضفت شي جديد وبالنسبه للمطبات وامتصاص الصدمات فوق المعاونيات الغاز تزيد عليهم بالتركيب ربل للمطب يمتص الصدمه اولا وبعدها يكمل المعاون بامتصاص الصدمه وتاليتها ما تشعر بالمطب ودمتم سالمينhttp://dc03.arabsh.com/i/00104/jiyc8pwfo0ab.jpg |
اقتباس:
اقتباس:
ومن قال سالم وغانم وحياك في منتداك ونرحب بك وبمعلوماتك القيمة كلامك صحيح 100% وهذا الأمر يقف أولاً وأخيراً على نوع استعمال الشخص وانا اقول للإخوان هنا لا تستعجلون بتبديل يايات الوكالة وخاصة الباترول لقوتها المعقوله للإستعمالات الخفيفة لكي لا تفقد راحة القيادة في المدينة وإن كان ولابد فعليك بالمقاس المناسب واحس حساب المدينة إذا كان الأمر يهمك . ومن أهم الأمور معرفة حاجتك من السيارة وكيف تستعملها بالضبط :- 1- قيادة سريعة في البر بدون حمل يذكر . 2- قيادة سريعة بالبر بحمل ثقيل . 3- قيادة ع الهون بحمل خفيف . 4- قيادة ع الهون بحمل ثقيل . أيضاً :- 1- السيارة خاصة للبر . 2- السيارة يغلب عليها البر . 3- السيارة بين المدينة والبر . 4- السيارة للمدينة وقليل الدخول بها للبر . وأشيد ع التذكير بالربل المضاف بالصورة في ردك اخوي الزعبي وهي لرد الضربه القوية بحيث تمنعها من الإنقفال المفاجىء والذي يتسبب في الضرر ع المساعد والقساوة ع السيارة ومن فيها . وهنا امر اريد ان اسألك عنه :- اقتباس:
سمعت عنها وعن مثلها ولا علمي عنها ابد بحكم عدم سابقة بتجربها لا من قبلي ولا من قبل اي احد من الشباب . لذلك اتمنى ان تخبرنا عنها لا هنت هل جودتها عالية مثل اولد مان ورانشو وماهي صناعتها وهل هي ترفع وتنزل السيارة ( هايدروليك ) وكم تكلفتها تقريبا للجيب الكروزر والبترول نيسان . لا هنت يالغالي وبيض الله وجهك ع المعلومة الطيبة من وجه اطيب ابوخالد |
الصراحه خجلتموني بكثر الترحيب من اول يوم
اخي الكريم انا عندي شركة الدفع الرباعي بدبي وعندي وكيل بالرياض وعندي وكيل بالكويت بس اخاف تتوقعون مني اني اسوي دعايه لبضاعتي يعني اقدر احط لكم كل الصور للمواد الي نشتغل فيها لتزويد النيسان والكروزر والاف جي والشيروكي والفورشنر تويوتا والرانجلر والبرادو وكل قطعه وفايدتها وطريقت عملها وشلون انها ما تحتاج تترهم بل تركب مكان قطعت الوكاله لاكن ادائها يكون هو المطلوب من معاون غاز مثلا وظيفته بالطرق المدنيه يكون عمله طبيعي وما يضغط بقوه لتلقى قساوه بقيادت الجيب إلا إذا كان الطريق مكسر او صحراوي يقوم الغاز بالدوران بعد دقيقه من المشي من طريق سالك اللى طريق وعر ويضغط المعاون بقوه ليمتص التصدمات السبرنجات الهبي ديوتي او اليايات الي هي عندك بالصوره واذا تبي تجربه نضريه امك الياي وحطه عالارض بقوه تلقى انه لو كان ياي عادي يثبت عن الاهتزاز بعد دقيقه او اقل او ما يهتز واذا كان هبي ديوتي داخل بتركيبته مواد مع الحديد يكون سبرنج يعني حركته ما رح توقف وهو يهتز وهذا يعطي الجيب اتزان بالسرعه خصوصا لما تكون بسرعه فوق ال 140 بالطرق العاديه وما رح تحس انه الجيب مو ثابت او منت متمكن من تثبيته وهذي صورت الجيب لخالد البلوشي بطل الرالي من يوم عرفنا وعرفناه يركب لكل سياراته من ماركتنا وقريبا ان شاء الله رح تلقون ببطولته الجايه ماركتنا على جيبه المهم في شي بعد ماني مستفيد منه بس للفايده بذكره الياي لما يتبدل سواء كان هبي ديوتي او عادي المهم يرفع الموتر هناك اشياء مهمه لازم تنتبهلها 1-بعد تغيير ياي الوكاله يلاحظ صوت بالجيب هذا يكون من سماكت الياي وعشان يروح الصوت تلبيس الياي بهوز (زي هوز الماء)ضد الحراره اويركب ربل ترفيع وموجود عندي اذا تبي احط لكم صورته 2-عند تبديل الياي بياي يرفع فوق ال 2.5انش وما تقوم بتبديل المعاون او المساعد يكون هناك مشكله لانه معاون الوكاله يفتح للاخر من قوة الياي وكا يقوم بعمله كمعاون ورح تلاحظ الجيب صار عربانه ودقاته كثيره وعدم اتزناه بالمشي 3-لما تركب ياي تلقى الجيب خصوصا اذا كان اقل من عمره بكم سنه قام يحوص بالمشي نتيجت قدم الجيب والفضاوه الي صارت بالسكان الدركسيون ركب معاون سكان غاز او زيت ضغط عالي يسد هالفضاوه ويعطي قساوه للسكان بالمشي السريع او الوعر واسف عالاطاله |
بالنسبه للتكلفه نسيت اذكرها انما بهالمنتدى رح احدد سعر لها والي يبي يركب او يجربها يخبرني من خلال المنتدى رح ياخذها بالسعر المعلن
وما ابي اقول البضاعه وجودتها وازيد وانقص بحق الانواع الثانيه بس الي اقوله انها عليها ضمان سنه شامله اي عطل او عيب مصنعي تبدلها بنفس اللحظه الي تراجع اي فرع لنا فيه ورح يكون سعرها الاتي بالنسبه للمعاونيات الكروزر والنيسان الاربع معاونيات800درهم الاف جي معاونيات الاربع 900 درهم ومعاون السكان للنيسان 140درهم وماونيات الشيروكي اليايات او السبرنجات الاربع للنيسان 800 درهم اليايات للاف جي الاربع 775 درهم وربل الترفيع وربل المطب وخزانات البنزين الاضافيه الي تركب مكان خزان الوكاله واللوكات قفل الدبل كله سعره رح يكون عندك اخوي الغالي |
يعطيك العافيه
|
هالموضوع المفروض يثبت او يضاف لقائمة المواضيع المهمة في هذا القسم
وانا احب اشكر جميع اللي شاركو لأني استفدت من الجميع. وتحياتي للجميع |
اخوي الزعبي لا هنت ع الإضافات الوافية والكافية ولعل الإخوان يستفيدون منها ولكن سؤالي لم يتم الرد عليه وهو عن قولك :- اقتباس:
من كلامك فهمت ان بإستطاعتك ترفيع وتنزيل مستوى السيارة بسهوله ... معنى ذلك أن لديك مساعادات هايدروليك ... صحيح .؟ أتمنى التفصيل فيها ولا عليك امر عزيزي ابوخالد |
بالنسبه للمعاونيات الي اتكلم عليها معاونيات غاز تكون اطول من معاون الوكاله لتستوعب السبرنج (الياي) المرتفع عشان تقوم بدورها
بالنسبه للمعاونيات الهودريليك يكون بجنب المعاون بطل هدروليك (مو بطل شي ثاني) وهذي مشاكلها كثيره وتترهم ترهيم مو تتركب اساسي وما يتركب معها يايات هبي ديوتي او سفاري لانه يبطل عملها الياي اذا ترفعت يعني الياي الهبي ديوتي يقوم بعمل الهيدروليك عند التحميل والوزن الفارغ |
| الساعة الآن 01:40 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir