|
عواصف ترابية تسقط المخيمات ارضاً بروضة السبلة
السلام عليكم
اضطررت هذا اليوم الخميس 1-3-2006 أن اوفي بوعدي لابنائي بالذهاب لروضة السبلة وياليتنا مارحنا عج وعواصف ترابية ملأت الأذان والعيون والمخيمات على جنبها يادافع البلا لقد هجرها اصحابها إلا القليل من بعض الكشاته بعد ان صلح غداءنا وتغدينا عودنا راجعين الصور تحكي ما حصل هذا اليوم من العواصف الترابية http://www.alrahlat.com/vb/uploaded/64_1172757695.jpg http://www.alrahlat.com/vb/uploaded/64_1172757736.jpg http://www.alrahlat.com/vb/uploaded/64_1172757775.jpg http://www.alrahlat.com/vb/uploaded/64_1172757864.jpg وهذه صورة لبداية السحاب قبل العصر أسأل الله أن يغيثنا ويرحمنا http://www.alrahlat.com/vb/uploaded/64_1172757904.jpg واختمها بصور الربيع يوم الأثنين الماضي http://www.alrahlat.com/vb/uploaded/64_1172758137.jpg http://www.alrahlat.com/vb/uploaded/64_1172758171.jpg http://www.alrahlat.com/vb/uploaded/64_1172758212.jpg http://www.alrahlat.com/vb/uploaded/64_1172758254.jpg رضاكم هدفنا |
هلا والله اخوي ولد نجد
والله انك صادق الصراحة اليوم اندفنت عيوني تراب وانا في بريدة وبعد الظهر رجعت لشقراء والطريق كله هواء وعج والغريبة ان الناس واجد عند ام حزم والمستوي مدري وشلون صبروا على هالعج الله يجيب الخير اللي يغسل هالغبار |
هلابك اكثر يالعنبري
اعتقد ان العج عام وكان قوياً حتى حول العصر وبدأ يخف والله انني مررت على الكثير من الخيام وصورتها وهي ساقطة ولخوفي من الثقل لانزلت البقية وإن شاء الله ما بعد العج إلا السيل ومشكور على التعقيب |
العنبري..تاصل بريده ولا معنا علم.. من زعل هذي ..:( ;)
خلنا على يقين المره الجايه..قل تمّ يارجال ..:rolleyes: بارك الله فيك ولد نجد..على التغطيه المباشره.. |
أخوي ولد نجد معوضين خير
والحمد لله على سلامتكم وخيرها في غيرها أخوك ابو عبدالله |
سلاااام
حياك الله ولد نجد ويعطيك العافية بس الله ياهو عج حتى الرياض ماسلمت اتوقع انه عام على نجد كلها والله يرحمنا برحمتة تحية لأهل الزلفي كلهم تشرفنا بزيارتها قبل مدة مع الفريق سلام عليكم عضو فريق ذيابة العتش ثادق |
وش ذا العج وش ذي العواصف ... الحمدلله على سلامتكم ..
وصور الربييع والسحاب رووووعه يعطيك العافيه اخوي ولد نجد .. بنتظار تاريرك القادمه ايها المبدع اقتباس:
ابنتكم .. طليحه |
اخوي نقا خريم
حياك وابقاك ياالطيب ومشكور على التشريف العطر |
اخوي الندواي
الله يسلم عمرك ويعوض على الجميع وما حصل متوقع بمثل هذا الوقت واهون عن ما حصل العام الماضي ومشكور يابوعبدالله |
تحيا وتدوم ياشعف
نعم عج وعواصف وما تشوف اكثر من عشرين متراً لقد وجدت مكاشيت تريد الهروب للزلفي ولكنها تاهت عن الطريق الصحيح للعودة بسبب عدم الرؤية شرفتنا بزيارتك وبموروك الجميل |
أختي الكريمة طليحة أم الذيب
الله يسلم عمرك ويبارك فيك وعودة مباركة والحمد لله ان الموضوع اعجبك وهذا غايتنا من طرحه والف شكر لتشريفك العطر |
بسم الله الرحمن الرحيم إنا لله وإنا إليه راجعون ... صدقت أخوي ولد نجد .. كلٍ إنحاس من هالعج أعوذ بالله ... وكان عام على أكثر مناطق المملكة ... الله يعوض بالمطر إنشاءالله ... لاهنت يالغالي على هالتقرير .. مجهود تشكر عليه ... ,,,,,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,,,, |
حياك الله يابو شعلان
والله العشب ضميان وجته هالعجة وتغير لونه ... الله يرزقه بالسيل والف شكر لحضورك الجميل |
كان الله في عونكم ألأجواء عندكم كانت عكس أجواء الرس ...كان الجو مناسب جدا للكشتة خصوصا في مناطق الجبال حيث اننا كشتنا في قطن يوم امس الخميس وهذي صورة من الأجواء وبدون عج ولله الحمد كان الجو تحت ظلال الطلاح رائع ...وخارج الظل حار إلى حد ما خصوصا إذا سكن الهواء بالنسبة للخيام أعتقد أن نصب الخيمة بالطريقة الصحيحة تساعد على صمودها أطول فترة ومشكور |
مشكور أخوي ولد نجد فعلا الجو هذيك اليومين كان عاصف ومحمل بالغبار على أكثر نجد لكن الله يجيب المطر تقبل تحياتي |
| الساعة الآن 08:47 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir