|
لماذا تنقرض الحبارى ,,,,,, شاهد هذه الصورة وتعرف على السبب المقنع
السلام عليكم ورحمة الله وبركاته كثيرآ مانتسائل ونتعجب ونشتكي من قلة الحبارى في المواسم الأخيرة مقارنة بالسنوات الماضية كل شخص يفسر هذا التناقص الهائل والمتزايد والغير مرضي للصقاريين مما يدعوهم للأحباط :mad: كثيرآ ما نستعد للمقناص بلهف وشوق وخصوصآ مع بداية الموسم ثم نتفق على موعد الذهاب وتجهيز لوازم الرحلة وعند الوصول لمكان المقناص نبدأ بالبحث يمينآ ويسارآ حتى رعاة الأبل أو الغنم نسألهم ونحفزهم ونطمعهم بالهدايا لكي يخبروننا ولو عن جرة ويذهب اليوم الأول والثاني ..... لآخر الرحلة وأحيانآ تنتهي رحلتنا ولم نشاهد حتى أثر الحبارى :smailes26: ونرجع لأهلنا ولم نجد شيئآ .... أو كما باللغة الفصحى ... نجر أذيال الهزيمة ماهو السبب !!!!!!! الأسباب كثيرة جدآ ومن أهمها ... أو بالأصح هي السبب ... هذة الصورة التي تشرح لنا عما يجري من خلف الكواليس . . . . لآحول ولآقوة الآ باللة يروي لي أحد الزملآء أنهم ذهبوا مع أحد الأشخاص لخارج المملكة ووجدوا أعداد هائلة من الحباري يقول لي : من بعد صلآة العصر لآ يوجد لديهم ولآ طير يستطيع الهدد من كثر ماهدوا طيورهم والسلام عليكم ورحمة الله وبركاتة |
السلام عليكم ورحمة الله وبركاته
عزالله هذا السبب في أنقراضها مشكور يابو محمد الله يعطيك العافيه |
هذه تعتبر ابادة شاملة والله يالامير صور محزنه جداً ولكن ماهو الغرض من هذا الصيد الجائر الغالي قل امين الله يرزقك العفاف الكفاف وانت تصيد اللي يوسع صدرك اخوك |
السلام عليكم ورحمة الله وبركاته
هذا مو صيـــد هذه حرب عالميـــــه !! الله يعطيـــــــك العافيه أخى ............ الوافى عزام شـكــ وبارك الله فيك ـــرا لك ... لك مني أجمل تحية . |
الأخ الغالي الوافي عزام عليكم السلام ورحمة الله وبركاته الصيد الجائر هوالسبب الرئيسي ولكم جزيل الشكر على الموضوع التوعوي ولكن كيف نحل المشكلة ؟ أخوكم الأحنف |
.. وعليكم السلام ورحمة الله وبركاته والله حراااامـ .. يعني تتوقعون ان هذي كلها بياكلونها .. ما اضن والله الله يعطيك العافيه .. |
بسم الله الرحمن الرحيم أخوي طرح مهم جدا وهادف واذا سمحت لي يخوي أبي أقول كلمتين الصيد هو فسحه من الوقت يقضيها الصياد بالبر بعيد عن ضغوطات يومه وروتينه القاتل يغير جو .., يستمتع بنعم الله عليه .. يمارس هوايته سواء صيد بالسلاح او الصقور او السلق اعزكم الله والصياد الحقيقي ما يهمه ووش كثر يصيد يهمه بس الاستمتاع بالوقت وما احل الله له من صيد وخلافه صحيح ان الصيد هو قمة النشوه بالرحله لكن جمعة الرياجيل قيمه وثمنها عالي .., شور ومعرفه وسوالف تربي العقال التدبر في خلق الله لها مردودها النفسي والعقائدي ومردودها لا يقدر بثمن وهذي كلها حاجات تتحقق في وجودك بالبر مع عيال الحمايل اهم بكثير من الصيد الجائر والتفاخر بما ليس للتفاخر وهذي الميزه ما كانت موجودة في ابائنا واجدادنا والله لو كانو مثلنا ماعاد تشوف بالبر صيد التبذير والحقد والحسد بين الصيادين بالاضافه الى نية الصياد الظالمة لمحيطه هي برأيي الاسباب الرئيسية لقلة الصيد وأظن لو كل باغي صيد يطلع للبر يذكر الله ويطلبه بالرزق والصيد ونيته ياخذ كفايته ويخلي الباقي لغيره ما اظن ان الله بيرده خايب بالنهاية يخوي على قولتهم النيه مطيه تقبل مروري دمت بود |
مجبور راعي الذوق راكان الكويت الأحنف المنقري ابوفهيد خوي صقوره هلا ومرحبا بكم جميعآ ومروركم وتشريفكم أكبر فخر لي أشكر كل من علق وأدلى بدلوه لآهنتم |
وعليكم السلام ورحمة الله وبركاته بصراحة وين رايحين هذولا صيدهم جائر ولكن متى والمكان روعه ولو صيدهم على قدهم كان أحلى وأحلى أخوك أبو تركي |
كلام سليم وأزيدكم من الشعر بيت وهو..أن الصقاره يسافرون إلى بلدان هذه الطيور ويطحون كميات هائل مما يودي إلى جيتها لنا لإي اعداد محدودة تذكر بالعدد..
الوالد الله يخليه يقول : والله كانت مسيان يجي عددها ما يقارب الثلاثمائة حبه ناخذ منها عشانا ونرتاح واليوم الثاني كذلك.. لا حول ولا قوة إلا بالله |
ابوتركي 11 كلآمك عين العقل وفي محلة قنيب الذيب صدقت والله والله يخليلك الشايب وهلا ومرحبا بكم وهذي الساعة المباركة اللي تشرفوني بموضوعي الله لآيهينكم |
حسبي الله عليهم ،،، هذا انتقام جاير وليس صيد
|
هذي هي المشكله
اذا لاطلع الواحد برى لقا الخير وقام يفسق |
مشكور عليكم السلام ورحمة الله وبركاته
هلا وغلا يعطيك العافيه على الصور |
صورة محزنة وتدعو الى الأسى .
مشكور اخي الوافي عزام. بارك الله فيك. |
| الساعة الآن 08:47 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir