|
Lg تدخل عالم الـــgps
بسم الله الرحمن الرحيم في رحلاتي داخل الشبكة العنكبوتية:D وفي متابعتي لجريدة الحياة "اتابعها عشانها مجانيه";) المهم LG شافت الناس متوجهين لاجهزة تحديد المواقع GPS فقالت "ياولد ليش ماندخل هالمجال". قامو يعصرون امخاخهم وطلعو: LN600 شي خطير مماثل لــــ276 ما اكتفت الاخت LG ونزلت LN700 مميزات الجهاز الرخص حيث ان سعره 290 يورو اي مايعادل 1740 ريال:eek: بس الله يستر بكرة ينزل عندنا يرفعونة الى 3500. المهم المميزات: MB256 ذاكرة داخلية للخرائط مدخل USB مدخل للذاكرة خارجية ميكرفون شاشة LCD (320X240) ابعاد الشاشة الخرائط 2D و 3D نهاري لليلي خاصية لمس الشاشة وللمعلومية كلمت الوكيل وقال انشاء الله الجهاز راح يكون عندهم قريب وراح يسوقونة في المحلات التجارية. ولكم تحياتي............... |
بسم الله الرحمن الرحيم هلابك أخوي أبوزايد ... وش هالروعة اللي أنت جايبها ... الصراحه خيالي هالجهاز ... وفيه تقنية حلوه ومتقدمة ... وسعره مناسب عندهم ... أما إذا جاء مثل ماقلت ...... الله يستر ... لايرفعون السعر ... لاهنت يالغالي ... ماقصرت وننتظر المزيد ... من الجديد ... ,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,, |
يا مرحباء يابو شعلان
راسلت lg الام راسالة بريدية.....لان الوكيل الي دقيت علية في البداية قال بيجي وبعدها بربع ساعة دق علي يقول مايعرفون وش معنى الGPS وفهمته وقلت اذا مانت عارف ليش تقول بنزل قريب,,,,رد قال"ان الادارة تقول اذا سالكم اي احد عن اي شي وهو ماهو موجود عندنا قولو راح ينزل قريب"...المهم انا في انتضار رد LG الام على الايميل وراح اوافيكم عن اسم المورد قريبنا. ولولا الخوف كان شريت الجهاز من النت بس الخوف انك تجيبة ثم تبلش بالخرائط....ماهي زي 276 ركب حدا هالشرايح الي يبيعونها وتوكل على الله....لكن الصبر حكمة,,,سلام يارفيقي |
مشكور اخي راعي اللاند
يبدو ان الباب انفتح على مصراعيه في مجال اجهزة تحديد المواقع وهذا من صالح المستهلك . بارك الله فيك. |
الغالى راعي اللاند شكله جذاب وبياخذ نسبة طيبة من المبيعات فى منطقتنا الناس تحب التغيير .. شكل جديد وشركة تفك احتكار قارمن وماجلان وأيضا تكنولوجيا جديدة (خاصية لمس الشاشة والميكروفون ومدخل USB) |
والله شكله رااااااااااااااااااااااائع
واحلى من الجارمن 267 والله دخل مزاجي تمام في انتظار وصوله لاراضي المملكه |
شكرا صقر على المرور......... شكرا ياريع الدياب.... التقنية في تقدم والله نتمنى من هذا المنبر ان الوكلاء يتفاعلون مع التقنية المسرعة ويقدمون الجديد اولا باول. وشكلي ابصير وكيل:cool: |
ماندري......هو نكد....... علي
الاخ الغالي
راعي اللاند السلام عليكم موضوع جميل ولكن ودنا انك تعطينا معلومات اكثر عن الجهاز لئنه ملينا من كثر الاحتكار في الاجهزه لئن الكثره في الاجهزه تجبر المحتكرين الي مراجعة اسعارهم الله يجزاك خير يالغالي اخوك خشم الحصان ..................... نغزه......... ابو اسماعيل والله مشكله هو نكد علي هالبزران او نلاحق هالسوق ومايطرح فيه |
شكرا على المرور يالامير. والرد على سؤالك تجدة بكرة وسوف اوضح مزايا 276c و Ln700 ميزة ميزة وانتم قارنو...
والسلام عليكم... |
مشكور أخوي راعي اللاند
وننتظر ردك الله يبارك فيك لا هنت يا الغالي أخوك أبو عبدالله |
صباح الخير يا الربع,,,,,,,,,,,,,,,,,,, كما وعدتم في الامس, اليكم مزاياء جهار القارمن 276C ومزاياء LG LN700بسم الله نبدا: 276C 256 لون أبعاد الجهاز480*320 تخزين أكثر من 3000 نقطة مستخدم, و 50 روت (لكل روت 300 نقطة) تتبع اثر 10000, وتخزين 15 بطارية تدوم 5-15 تعتمد على المستخدم (أو تعتمد على الاضائة الخلفية) مستقبل الأقمار مثبة بالجهاز خارطة مخزنة مع الجهاز مع تتبع الأثر اتوماتيكين, مع خاصية تحديد الدوران قبول كروت ذاكرة قارمن أو كروت معاد برمجتها خاصية شاشة زرقا للروائية أليلية أرقام مكبرة لسرعة القراءة LN 700 ذاكرة 256 وخزن على راحتك كروت متوفرة بأحجام:1+2 جيجا 4انشات شاشة إل سي دي بأبعاد (320*240) 450 لون يعني قمة الوضوح بطارية تدوم ساعة خريطة ذات رئوية بعدين وثلاثية الأبعاد التحكم الكامل بالخارطة وتحديد المسار التحكم بخاصية لمس الشاشة"يعني ماعليك إلى تلمس الشاشة" صوت صافي للتوجيه الملاحي 1 مدخل USB مدخل للكرت الذاكرة انتل خارجي "خيار" - ________________________________ والله يالربع اشوف تشابة كبير بينهم بسم ان ال جي زادت في انه سهلت الاشياء علينا يعني الالوان واضحه ودقيقة وبدل الازارير لمس الشاشة,,,هذي علومي وهاتو علومكم |
السلام عليكم. هذا تعليق,,,,,,,,, تم الاتصال بالوكيل في دبي, وماعندهم موزع في السعودية والضاهر اني ابجيبلي كم واحد, المهم الجهاز كبر في عيني فهو شغال على نظام الوندوز....ياسلام سلم, ويوجد 10 لغات في الجهاز من ضمنها العربي تقدر تختار على كيفك وماهو لازم تغير الجهاز. "الاخ قارمن :mad: 276 ماعندهم حل يا ابيض يا اسود يعني يا تشتري جهاز انجليزي او جهاز عربي". راح عصرك ياقارمن "وانت ماقصرت بيض الله وجهك:D وانا في انتضار ايميل من مسئول التسويق اليوم او بكرة انشاء الله..... |
بسم الله الرحمن الرحيم بيض الله وجهك أخوي أبو زايد ... الصراحه إنه جهاز لايعلا عليه ... بس أخاف إنه ماهوب عملي وراعي كرف مثل الــ 276 ... وإلا فيه مميزات جداً حلوه ... مثل تحويل اللغه ... والألوان ... وسعة الذاكرة ... تبي الصراحه والله إنه زين لكن ... عسى سعره مناسب إنشاءالله .. لاهنت يالغالي .... ماقصرت .... ,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,, |
هلا وغلى باخوي ابو شعلان والله الجهز خطير بمعنى الكلمة,,,,,,,,,,,,,,,,,,والسعر مناسب لكن انا ابشتري واحد من دبي وابكلم واحد من الاخوان في دبي يشحنة لي, وان تخوبرت علمتكم قلتلكم انحاشو ربعي ياهلي ولا قلت الهمام اشتروة. وحنا على ماقيل مقيمين وعلى ماء |
السلا م عليكوم انا عندى جها ز ( ل ج0جى بى اس) لكن ما فيه العربية ارجو المسا عدة فى اجا د البرا مج
|
| الساعة الآن 07:40 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir