ياأهل المناطق البارده، إصدقوني القول،،،،!!!!
 

الأخ الغالي مهراس ابو فهد
صباح الخير
البدل الداخلية كثيرة كما تذكر هي نوعين 1- قطن
2- صوف وعو انواع وماركات وصناعات
الأنجلنزي الأصلي رقم واحد ( غير انه نادر بالسوق) الموجود في السوق مقلد هندي وصيني
من خلال التجربة (الهندي الجيد افضل من جيث الجودة نسبيا والسعر)
ملاحظه الهندي درجات ؟؟؟؟

بسم الله الرحمن الرحيم

تبي الملابس الاصليه اللي تبرد الغليل

موجوده في محلات العالميه في الدمام اسواق عيال ناصر ولكنها غاليه حيل فوق 150-200 للبدله

راعي الذوق:

تسلم يابو محمد، ان جات على جده أمرها هين لكن اذا طلعنا يمكم للأجتماع السنوي، ولا طلعنا لرالي حايل، يكفي ما حصَلنا في أم رقيبه والحقيقه انا ماعندي بدله غير واحده هنديه تقطعت من كثر الغسيل، شكرا على مشاركتك.

هلا ابوفهد وتحزم يالغالي ترى البرد شين وقوي عين:eek: ولاتدري معين يدخل :dunno:
واوصيك ببجامة (برومان )وارد الفوزان تراها من افضل الموجود
لاتحبب ولاتقطع ومتجدده دائما
ثم عليك بالكتافية الصوف (الام الحنون)وهي ايضا متوفرة بالسوق
وليتك ايضا تشوف التوقعات الجوية تراه تفيد
تحيتي وماتشوف شر

أشد على يدك أخ جمران بهالنصيحه :d

الشفاء:

يعطيك العافيه، ما قصرت، وأنتظر ردود الباقين سلمكم الله جميعاً.

جمران:

ياحياك الله يابو عبد الرحمن ولا يجيك الشر، تشكر وبارك الله فيك على المعلومه والنصائح ولكن هل بجامة برومان تجي ألوان لأن واحد راعي محل يقوللي ما يجي الا اللون الأبيض، وانا أعتقد انه يِهكّ عليّ، شرفني مرورك.

راعي ساموده:

عاد ما يحتاج انتم هل الحفر البرد عندكم له دوا، تشكر على تأييد أبو عبد الرحمن بارك الله فيك، تقبل خالص تقديري.