|
ااستفسار بسيط عن اليايات والمساعدات والتانكي
السلام عليكم اخواني ابي اسئلكم انا عندي باترول 97 فل كامل ودي اركب عليه يايات ومساعدات افضل من حقته الوكالة وابي شي مريح بالخط والنفود ويوقف الموتر نوعها ؟ سعرها ؟ هل الموتر يرتفع بعد التركيب؟ وثاني شي ابي استفسر انا عندي الجيب تانكي واحد وابي اركب اضافي هل ممكن او اكبر التانكي الموجود من وين ؟ وكم التكلفة ؟ وافضل واحد يركب من ؟ |
وعليكم السلام ورحمة الله وبركاته حياك الله أخوي roog3 مرحباً بك في منتديات الرحلات المساعدات واليايات الاستراليه حسب ما أسمع هي الافضل وهناك مقاسات تناسب احتياجك وتناسب الحموله اللي تحتاجها واليايات تحافظ على ارتفاع السيارة حتى بعد التحميل تانكي البنزين شفت واحد عند الرماية استرالي يشيل 200 لتر ويركب محل التانكي الاساسي بنفس مساميره وعلى ما أظن كان سعره حوالي 3000 ريال آمل أن تكون هذه المعلومات مفيدة حتى نسمع من اخوانا الخبراء في هذا المجال خصوصاً ع ف الدرويش والمغترب وطاير بالعجه تقبل أجمل تحية |
هلا اخوي وحياك الله معنا
انا ركبت الييات الاسترالية ...... ماعليها كلام وسعرها 1200 مع التركيب امامي وخلفي..... |
اخي الكريم بالنسبة لليايات ركب استرالي وطبعا يقولون ان فيه ارتفاع 4سم و2سم وهذا غير صحيح الصحيح انها ارتفاعها واحد لكن تختلف بالتحمل فمنها ما يتحمل 200كم ومنها 400كم ومنها600كم وحسب التحمل راح يكون اختلاف قساوة المطب يعني اذا كان 600كم فاظن المطب راح يكون قاسي شوي
هذا بالنسبة لليايات وانا من واقع تجربة انصحك بـ 200كم فانا مركب تانكي 90لتر واحمل تقريباً 200كم من غير الركاب احياناً خمسة والسيارة كانها فاضيه اذا شفتها وانت بعيد. اما بالنسبة للمساعدات فانصحك بالاسترالية مونورو فهي قويه واستراليه استراليه ومن واقع تجربه تخلي السيارة قطعه واحده والسعر مناسب الطقم بـ 800 ريال هذا ما لدي وبالتوفيق اخي ..... |
الغالي مرحباً بك بين اخوانك ومحبوك في منتداك منتدى الرحلات واشكر كل من اضاف رد هنا وهذه بعض الروابط اعتقد انها تفيدك http://alrahlat.com/vb/showthread.php?t=3895 http://alrahlat.com/vb/showthread.php?t=7183 وبارك الله في عمرك وعملك اخوك |
يعطيكم العافية
ابي استفسر تانكي الوكاله كم لتر ؟ وهل بالامكان اركب تانكي اضافي يعني نفس السفاري الي يجي تانكيين او اركب واحد اكبر افضل |
ما ازيد عن الشباب غير إن المساعدات إن كنت تبي ترخي الدراهم وتريح ظهرك عندك مساعدات رانشو 5 طقات امامي الثنتين تقريباً 2200 ريال والخلفي 1500 ريال المجموع 3700 قيمة سيارة :)
لكن إن كنت تبي الراحة في الديرة والطرب في البر مالك إلا الرانشو ولا الأسترالي أفضل وبخصوص المونرو تراه يخور بعد فترة حليلة يضعف على شوي شوي وعيبه قاسي في جدته في الديرة والجبريال يتفقعن بسرعه ولا لك حل غير امامي مرسدس ( بلاستاين ) امامي الثنتين 240 ريال والخلفي شاص ( الثنتين ( 200 ) ريال إن ماخاب ظني وانت شف الأنسب والله يقويك ابوخالد نوماس سدير |
يعطيك العافية
ماقصرتو والله يعني المرسيدس والشاص افضل من المرنوو |
طييب التوانك البنزين افضل افصل ولا كيف
|
متاااااااااااااابع
|
حياك الله معنا بالمنتدى وسعيدا بوجودك
اذا كنت ترغب في ارتفاع للسيارة مع اليايات والبالون اسئل عن الكعكات |
أخوي roog3.. هلا بك :) وحياك الله بيننا في منتديات الرحلات إجابة على إستفساراتك بالنسبة لليايات فأفضلها واللي فيها راحــة الراس اليايات الأستراليـة Arb وخذ منها المعقول للموتر يعني حمولة 200كيلو جرام وان كنت تبغى تزيد الارتفاع فمتوفر كعكات صفراء تزيد الارتفاع الى تقريباً 2سم اما المساعدات فعندك نوعين الاول : المونروي الامريكية الثاني : old man emu الأسترالية بالبدايـــة يزيد ارتفاع الموتر جزء بسيط لا يكاد يحتسب يعني اقل من 0,5 سم مع التمرين يرجع وضع الموتر طبيعي..... أخيراً التانكي أفضـــل خيار إنك تفصل لك أكبر واكيد بيضبون وضع المضخة (الطرمبة) فيه وحاول انه يكون مرتب يعني بدون بروزات عن الصدام علشان ما يغثك واعتقد الى 140لتر هذا كافي جدا وكلن وحسب احتياجه عندك المواهب والمميز وفيه ورش واجد وان شاء الله يفيدونك عنها الشباب واترك عنك الاسترالي مكلف جداً جداً.. والله يوفقنا واياك لكل خير :thumbup: اخوك.. ابو فهد |
الكعكات اخر شي
لاني ابي اركب بولين وبعدين مساعدات ويايات واشوف الارتفاع بيض الله وجيهكم |
طيب من ناحية التفصيل مافيه خطر يعني صدى ولا ينشق
ويهمني المنظر |
| الساعة الآن 01:50 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir