مقتطفات من قصيدة في وصف بيت الطين
للشاعر
عبدالعزيز بن فهـــد البســـــــــــام
عنيزة
يامن يعاوني على بعـض الأفكـار أفكار بيت الطين شرحـه ومعنـاه
يسمون بيت الطين يامسنـدي دار الاسم عـمّ الـدار كلـه ومبنـاه
أولهن القهوة مصاريـع و وجـار و دلال يسمونـه معاميـل مركـاه
و نقيرةٍ معها الحجر نحت الاحجار و الطاق هو و المحكمة مع امسواه
و القبّة اللي بـه َروَازن للاسـرار مثل: الفُروك و مِكحلة عين ودواه
واوتـاد ِيسلّتهـن بقـدوم نجـاري علّق به الملبوس لجلـه ركزنـاه
ورواشن المصباح لـه دور وادوار وغريفة المنفوح بالسطـح مبنـاه
والباب فيه اخبار واذكـار وآثـار فيـه القلاقـل حافظـات لمجـراه
والسكّره للباب من بيـن الاذكـار والحوش فيه الحسو والدلو ورشاه
اسمع وخلك من هل العرف والكار اخبـار ماقبلـك وقـل الحمـد لله
صلوا على المختار ماهل الامطـار او عد مادهم السحايب نثـر مـاه